Kolosi 1:10 - Hano Niu Testamen

¹⁰ Gov togo lol rahuana be mwa lol doroniva non God la hala duluai. Nom rovoga tavuha vi vwaevwae i vi mauri lol mataisao non God.

Kolosi 1:10 Referans Kwoze

Ifisas 4:1

Inau lol imwa vauvauhi bwatuna be inau bilan Ratahigi. God nu gita lua kimiu be giv vora non sinombu, i nam avdura kimiu kadogaha be giv togo lol rahuana gabe God mwa uloi kimiu huria.

Hibru 13:21

Nam dataro huri be God huri tamwata vi lol kimiu giv lol vatuvwai be giv ron̄oe, i be giv lalaḡo bavtutu vataha mahavana. Nam dataro be Jisas vi bului kimiu be nomiu lalaḡova vi vavtutu lalai God. Lalai Jisas Kraes roroai vai tuai vai tuai! Amen.

1 Jon 3:22

Be tas hudali te God gin havanau tehe kea vi laia lalai gida, bwatuna be tam dabea. I tam lol ginau be mwa samsamwara ginia.

Leo Tavuha gabe Jon nu Ravae 15:16

Gin hav gita te luau; nan gita lua kimiu i nam uloi kimiu be giv vano ba bwavwae bilin̄ai, vwae gai gabe vi tu vai tuai. Haḡe Tata vi lai havanau tehe lalai kimiu gabe gim hudalinia lol ihaku.

1 Tesalonaeka 4:1

Ira tuaku, gan vagahi kimiu be hanigi giv togo la hala be God vi samsamwara ginia, i kimiu gim dogo alun hala gea. Kadogaha gam hudaligi i gam avdura kimiu lol Ratahigi Jisas be giv togo la hala gea vi liu.

Hibru 13:16

Gisav vinihi te malioi be giv lol ginau tavtavuha i giv bulubului kimiu huribe ginau kerageki mwasin raumatan ginau be God mwa samsamwara ginia.

Leo Tavuha gabe Jon nu Ravae 15:8

Mwa seserai sarisarin Tamaḡu aluna be gim bwaevwae bilin̄iai; i la hala geki gim mai gi noḡu roron̄tai.

Taetas 3:14

Nonda sinombu ran huhuinia be rav lai rahura huri lalaḡov tavuha be mwa lai havanau huri nora togoan tavuha be sihav hantai tehe.

2 Pita 3:18

Take giv mauri lol hogoi i mataisao non nonda Ratahigi varahuda Jisas Kraes. Sarisari lalainia Kadogaha i vai tuai! Amen.

2 Pita 1:8

Kebe ginau duluai geki mwa du alolomiu i ram mauri, kera haḡea rav bului kimiu be giv lol rovoga tavuha lol nomiu ilo ute lol nonda Ratahigi Jisas Kraes.

Kolosi 2:6

Kunia be gim lai Kraes Jisas gabe Ratahigi i giv bulgaituvwa maia.

1 Tesalonaeka 2:12

Gan av dura kimiu gam av wasi lalai kimiu, gan doronia be giv togo lol rahuan tavuha huri God. God mwa doron be tav togo lol rahuana be tav tabea vataha mahavana.

Kolosi 4:5

Giv mataisaoga lol alen̄amiu mai kera be ram hav binihimwasigi tehe, giv lol nomiu mwasigi duluai.

Ifisas 5:15

Haḡe kimiu giv gitaḡoro maragai. Gisav togo tehe kun ira bwaḡele, take giv togo kun mataisao.

Ifisas 2:10

God nu loli gida be tav togo haḡea kun geki. Lol Kraes Jisas, God nu lol gida be tav lol rovoga tavuha, gabe God mwa lol daua lol non hogoi huri gida be rahuda vi togo mai nonda lalaḡova.

2 Korin 2:14

Take avkari lalai God, kea tagaro mwa domuai gida vai lol tanoi sivi Kraes. God mwa haḡo kamai be gav lon̄ahi ute gin non iloute vataha ute kun bonin ruḡuruḡu bonboni.

Ravrava non Pol lalai ata Rom 6:4

La mahavana be tam ḡaruhisabuga, tam davi gida mai Ratahigi i tam hara mateanana. Kunia n̄ano be Jisas nu tomare nin mateana gin muramura non God, gida mulei tav rahu gin rahuan tavuha.

Ifisas 5:10

Giv lol ron̄oe be giv huhui havanau be Ratahigi mwa doronia.

Ifisas 5:2

Gov togo lol rahuana lolotabetabe kunia gabe Kraes nu tabe gida i nu lin̄ia sibona huri gida kun gabe hogoi bonboni i tataroi lalai God.

Filipae 1:27

Ginau gaituvwa n̄an be nam binihi maragainia. Be giv gitae be giv togo la hala be vi lai binihi marahi lalai Roroi tavuha huri Kraes. Be nam dogo mai kimiu sa nam lago dagai nin kimiu, be gim du wasigi mai binihiv gaituvwa, be giv lol rovoga bulbulu kun gaituvwa lol binihimwasigi garagusi huri Roroi Tavuha.

Filipae 1:11

be giv lol ginau tavuha ivusi mai buluiana non Jisas Kraes be vi lai roroa i avkari lalai God.

1 Jon 5:20

Tam iloe be Jisas Kraes nitun God nu mai, i nu vagahi gida gin mwasin God, i Jisas Kraes haḡea bwatuna be kadogaha tam bora bilan mwasin God gabe mwa lai rahuana vai tuai.

Taetas 3:1

Vev serae lalai ira binihimwasigi be rav binihi marahi ira tomuai be ram haḡo roron̄o ira tomuai be ram muai ḡoro vanua, rav roron̄tainira rav lol vatuvwai be rav lalaḡoi tavuha,

Kolosi 3:20

Naturirigi, giv tabe ira tamamiu i ratahimiu lol ginau duluai bwatuna be kea haḡea mwa lol binihin God.

Ifisas 4:13

Mwa du be rovoga geki vi van rahurahu vaivotu be gida duluai tai bulu haragaituvwa lol binihimwasigi garagusi iloute alun nitun God. Mwa du be gida tav mai kun gabe atatu be nu metue, tav mauri havava tai mai kun Kraes i tav lai non vavtutu.

Hibru 11:5

I bwatuna gabe Enok nu togo mwa binhimwasigi garagusi alun God, bwatuna haḡe gea kea nu hav mate tehe, God nu lai luae nin ureure i mwa hae lol ute ata amare. Atatu ran hav lai te luae huri be God nu lai dagainia huba. Take mahavana be God nu hav lai te dagainia radu, kea mwa uloi tavuhai ihana, gabe mwa lol God mwa ron̄ mwa davuha ginia.

2 Timoti 2:4

Atatun bwaloana mwa doron be vi lol samsamwarai non tomuai huria, be ihei tehe be mwa lol rovoga lol tanon bwaloana sihav sabwelei te non taro mai ginau ata vataha gubwen̄i.

Kolosi 2:19

Ram hav tu te wasi la Kraes, gabe bwatbwatuna. Kraes kea bwatun rebehi. Kraes kea mwa bwalao rebehi n̄oto. Mwa ban̄an rebehi i mwa haḡo bulbulua ute gaituvwa mai ira hui i ira wesi. Rebehi gea mwa mauri la halana be God mwa doronia be vi mauri.

Filipae 4:18

I kadogaha nam lai ginau duluai i liu. Nam haḡo ginau duluai be nam doronia, bwatuna be Epavrodaetas nu lai nomiu hogoi lalaiau. Kun hogoi huri ahu bon ḡologolo lalai God, kea be mwa lai ḡoḡo tataroi i mwa ron̄ mwandavuha ginia.

Ifisas 1:17

nam hudali God non nonda Ratahigi Jisas Kraes, Tata be nu roroa liu be vi lai vuin mataisao i visirai lalai kimiu huri be giv ilo tavuhainia.

2 Korin 9:8

I God vi lai vatavuha ivusi liua be gom doronia. Kunia gov lai ivusi na ginau duluai be vi dadariha huri vataha rovoga tavuha.

Leo Tavuha gabe Jon nu Ravae 17:3

Rahuana vai tuai gin binihiva be atatu vi ilogo, be giḡo n̄ano God mwasigi, i be atatu ramen ilo Jisas Kraes gabe gon horae.

2 Korin 4:6

God nu vevea be, “Giv lin̄ gigita vi sarisari lua lol metmeto! Geki God n̄an be nu lol gigita mwa sarisari lol loloda mwa lin̄ gida tam ilo huri sarisarin God kea be lolmatan Kraes.”

Ravrava non Pol lalai ata Rom 4:12

I Ebraham kea mulei tamara gabe ran tav dovon̄ara i ram dogo alun binihimwasigi garagusi be tamanda Ebraham nu haḡoe amua ram siv tav dovon̄ana.

Ravrava non Pol lalai ata Rom 1:13

Ira tuaku, nam doron be giv iloe be, nan lol taritari vaivusi be nav mai abemiu, take ginau geki mwa hav dumwi tehe. Nam doron be nav mai bwatuna be nav bului kimiu be giv mauri lol vui kunia be nan bului ira vara dagai nin varan Israel.

2 Korin 5:9

Gatavada gaituvwa n̄an be tav lol samsamwarai God be tam do teti sa amare.

3 Jon 1:6

Ram bevea lalai atatun uloilua huri nomiu lolotabetabe. Nam hudalinigo be gov buluira be nora lagoana vi van rahurahu la hala be nu vavtutu i la lolmatan God.