Leo Tavuha gabe Jon nu Ravae 9:39 - Hano Niu Testamen

³⁹ Haḡe Jisas mwa bwaliua be, “Nan mai lol ureure geki huri vevegi, huribe ira matagara rav gita ute i kera be ram ḡita ute rav matagaraga.”

Leo Tavuha gabe Jon nu Ravae 9:39 Referans Kwoze

Leo Tavuha gabe Jon nu Ravae 3:19

Silo vevegi mwa lalaḡo kun geki: gigita nu mai huba vai lol ureure, take sinombu ram dabe ute meto nin gigita, bwatuna nora lalaḡov hantai.

Leo Tavuha gabe Jon nu Ravae 12:46

Nam mai lol ureure kun gabe gigita, huribe atatu duluai gabe ram binihimwasigiau rasav togo tehe lol ute meto.

Lalaḡova 26:18

“Giḡo haḡea gov havan̄ matara, i gov lai luara nin ute meto vai lol gigita i nin muramura non Setan huri God, huri be gin nora binihimwasigi garagusi aluku vi binihi kaburai vurora i rav lai dum tanora mai ira atat gita lua non God.”

Leo Tavuha gabe Jon nu Ravae 8:12

Jisas mwa avo lalai ira Varise be, “Inau haḡea gigitan ureure. Be ihei tehe mwa huriau vi lai gigitan rahuana i sihav lago te dum lol ute meto.”

1 Jon 2:11

Be gida tam barihai atat dodolua, nonda lagoana i togoana mwa dogo lol ute meto.

Leo Tavuha gabe Luk nu Ravae 4:18

“Vui non Ratahigi mwa dogo aluku, bwatuna nu vurai luau be nai vev sera Roroi Tavuha lalai ira hiru. Nu horau be nai vev luae huri ribwesiva nora atat vauvauhi i huri lol i ba lol bugeri matara ira matagara, i mulei nav ribwesira ram dogo aten nora ivwalu

Leo Tavuha gabe Luk nu Ravae 1:79

be vi gigitainira gabe ram dogo lol ute meto i lol malumalun mateana, i vi bula matanhalada la halan tamwata.”

1 Pita 2:9

Take kimiu haḡea atat gitalua, houn lalaḡo ata la ratahigi lavoa, bwatun vanua sabuga, atatu huri rovoga non God sibona. Kimiu gin gitalua huri lalaḡov tavuha huri God, gabe nu uloi lua kimiu nin ute meto vai lol gigita.

Ifisas 5:14

i ginau duluai be mwa loliana mwa maron̄ron̄o vi mai dumwi gi gigita. Geki haḡea huri havanau mwa bevea be: “Mamata nin maturuva! Tomare nin mateana, i Kraes vi gigita alumwa.”

2 Korin 2:16

Lalainira be ran sala huba, kamai kun be atatun mateana, be gam mai mai mateana, take lalainira be ran lai rahuana huba, kamai kun be halan rahuana be gam lai rahuana. Matu ihei be vi lol dum rovoga uhu?

Leo Tavuha gabe Jon nu Ravae 9:25

Haḡe mwa bwaliura mwa bevea be, “Nam hav iloe tehe be kea atat vuroga sa sigai, ta nam iloe be nan matagaraga ta kadogaha nam ḡita ute.”

Leo Tavuha gabe Jon nu Ravae 8:15

Kimiu gim lai silo vevegi lalai atatu hurin alen̄an atatu; take inau nam hav lai te silo vevegi lalai atatu vwate.

Leo Tavuha gabe Jon nu Ravae 3:17

God nu hav horau tehe, inau Nituna vai lol ureure be nai vevegi ureure take be nav vora varahun ureure.

Leo Tavuha gabe Luk nu Ravae 13:30

Nu tavuha be giv gita batoi ute geki. Atatu rituai be ran mai i ira tomuai rav mai i ira tatagui i kera tatagui rav mai i ira tomuai.”

Leo Tavuha gabe Luk nu Ravae 7:21

Lol mahavana Jisas mwa barahu sinombu ivusi nin nora lalan̄an harova; i mwa hora lua vui hantai ivusi i mwa lol bugeri matara ivusi gabe ram matagaraga.

Leo Tavuha gabe Luk nu Ravae 2:34

Simion mwa batavuhainira i mwa bevea lalai Mere ratahin naturigi be, “Naturigi geki God mwa ḡita luae be sinombu ivusi ata Israel rav hovi ta rav lai varahuva bwatuna kea. Kea vivora dovon̄ana nin God gabe sinombu ivusi rav ivwaluinia gin nora avoana,

Matiu 11:5

Ira matagara ram ḡita dum ute, ira luḡu ram lago, ira leba ram melmelo mulei, ira bwerovono ram ron̄ dum ute, ira atatmate ram domare mulei, haḡe ira hiru ram ron̄ toretore huri Roroi Tavuha.

Matiu 6:23

Sa be matamiu vi hantai, rebehimiu n̄oto mwa dogo lol ute meto. Be gigita alolomiu mwa bogi gi ute meto, vi vora ginau meto hantai maragai!

2 Tesalonaeka 2:10

Kea vi lolia gin hal lete ivusi be men sasaruhira gabe ran sala. Kera rav mate, huribe ram barihai didi huri hal mwasigi. (Kebe ras doron mwasigi, kera ras rahu.)

Matiu 15:14

Gisav vinihira te gea! Kera tomuai take ram matagaraga. Mahavana be matagara mwa domuai matagara vwate kera saraḡo raru vi hovi lol lulu.”

Leo Tavuha gabe Jon nu Ravae 12:31

Kadogaha tarona huri ureure geki be men vevegia; i tomuai ata lol ureure geki vi vohaian kaburai.