Leo Tavuha gabe Jon nu Ravae 5:6 - Hano Niu Testamen

⁶ Batena Jisas mwa ḡitae be mwa en aia i mwa ḡita batoia be wani gea nu haro huri mahavan n̄ava huba; i mwa hudalinia mwa bevea be, “Gom doron be gov rahu mulei?”

Leo Tavuha gabe Jon nu Ravae 5:6 Referans Kwoze

Hibru 4:15

Nonda Muai Tataroi, nu hav vora te kun ira muai tataroi dodolua be mahavana be gida nonda muramura sigai, i gida tam hovi lol bwatigoro, take rasav hagav te dum gida. Take nonda Muai Tataroi gea mwa hagav maragai gida, huria be ginau kera gea be ram ḡal gida atagu take rav ḡalia muana. Kea haḡea dolua i vurona sigai.

Leo Tavuha gabe Luk nu Ravae 18:41

“Gom doron be nav lol hano lalainigo?” I kea mwa bwaliua be, “Ratahigi, nam doron be nav gita mulei ute.”

Hibru 4:13

Ginau vwate mulei sigai be vi hili nin God, dagai nin tanon limana duluai. Havanau tehe mwa ḡigilaga n̄an duluai, la lolmatan God. I gida duluai tav seserai lua rahuda i nonda lalaḡova duluai la lolmatana.

Leo Tavuha gabe Jon nu Ravae 21:17

Jisas mwa bev muleinia vatoluna be, “Saemon nitun Jon, gom dabeau?” Pita mwa ron̄ mwahantai bwatuna Jisas mwa hudalinia vatoluna be, “Gom dabeau?” Haḡe kea mwa bevea lalainia be, “Ratahigi, gom ilo ginau duluai; gom iloe be nam dabego!” Jisas mwa bevea lalainia be, “Gov gitaḡoro bilaku sipsip.

Leo Tavuha gabe Jon nu Ravae 5:5

Atatu vwate aia nu haro huri taul n̄avul gaitolu domwan gaivwelu.

Leo Tavuha gabe Jon nu Ravae 5:7

Haḡe haroharogana mwa bwaliua mwa bevea be, “Ratahigi atatu sigai teti be men tauau lol wai batena be waitogo mwa sabwariana; batena be nam lol ron̄oe be nav hiv alolona, atatu dolua mwa hiv vilvilehi amua vai alolona.”