Leo Tavuha gabe Jon nu Ravae 5:23 - Hano Niu Testamen

²³ Huri be vataha atatu rav binihimarahiau kun n̄an gabe ram binihi marahi Tata. Ihei tehe be mwa hav binihi te marahiau Nitun Tata, mwa hav binihi te marahi Tata be nu horau.”

Leo Tavuha gabe Jon nu Ravae 5:23 Referans Kwoze

1 Jon 2:23

Be tas siehi naturigi tas siehi Tamana mulei. Take be tas vevea be tam dabe Nitui, tam dabe Tamana mulei.

Leo Tavuha gabe Luk nu Ravae 10:16

Haḡe Jisas mwa bevea lalai non roron̄tai be, “Ihei tehe mwa ron̄ kimiu mwa ron̄oau; take ihei tehe mwa barihai kimiu mwa barihaiau; i ihei tehe mwa barihaiau mwa barihai wani gabe nu horau.”

2 Jon 1:9

Ihei tehe be mwa ban avare la silo vagahi non Kraes i mwa hav lol te rahurahuinia be men huri non Silo Vagahi n̄ano kea mwa hav huri te God Vai lol rahuna. Take ihei be mwa huri rahurahu silo vagahi non Kraes kea mwa lai saraḡo tamanda i nituna vai alolona.

Matiu 11:27

“Tamaḡu nu lai ginau duluai lalaiau. Atatu vwate mwa hav ilo te Nitui, take Tata n̄an. Haḡe atatu vwate mwa hav ilo te Tata, take Nitui n̄an, i irahei Nitui mwa doron be vi lol bisirainia lalainira.

Hibru 1:6

I mahavana be God mwa lai mwasin Nituna muai bwana vai lol ureure, kea mwa bevea be, “Nu tavuha maragai be ira noḡu enjel rav hivbwaubwau kera duluai rav gogonainia.”

Ifisas 6:24

Hogoi non God lalai kimiu duluai be gim dabe nonda Ratahigi Jisas Kraes gin lolotabetabe be mosmosianana nu sigai.

2 Pita 3:18

Take giv mauri lol hogoi i mataisao non nonda Ratahigi varahuda Jisas Kraes. Sarisari lalainia Kadogaha i vai tuai! Amen.

Ravrava non Pol lalai ata Rom 8:9

Ta giḡo rahumwa si hav togo tehe la vuromwa sibomwa. Giḡo gom dogo halaten Vui Sabuga, kebe Vui Sabuga non God mwasigi mwa dogo maigo. Ta atatu be mwa hav haḡo te Vui Sabuga non Kraes, kea mwa hav vora te non Kraes.

1 Korin 10:31

Mwasigi n̄ano be, gom ḡan ginau, sage gom lol hano tehe, gom lolia duluai huri sarisari non God.

Ravrava non Pol lalai ata Rom 6:22

Ta kadogaha gom du dagai nin vuro i gom mai gi turi non God. Geki mwa lai rahuana lalainigo huri God n̄ano, i geki mwa lai rahuana lalainigo vai tuai.

Leo Tavuha gabe Jon nu Ravae 16:14

Kea vi lol ihaku vi sarisari bwatuna be kea vi lai ginau gabe nam bevea, ba bevea lalai kimiu.

1 Korin 6:19

Mwa du maragai be gov iloe be rebehimwa kea imwa tataro non Vui Sabuga gahena mwa dogo alolomwa. Gon lai Vui Sabuga huba nin God. Haḡe kunia giḡo gom hav mom bora te bilamwa sibomwa,

Matiu 12:21

I sinombu duluai rav tau nora doronhohov aluna.”

2 Timoti 1:12

Nam ron̄ ḡagarasi kadogaha bwatuna be nam bev Leo Tavuha, take nam hav busbusi tehe, bwatun be nam ilo Jisas, wani be alolona nan binihimwasigi. I nam binihimwasigi be kea vi holḡoro havanau be nu taua aluku vai votu Gubwen̄i kea be vi mai.

2 Korin 13:14

Hogoi non nonda Ratahigi Jisas Kraes, tabetabe non God, bulbul tavuha non Vui Sabuga, vi togo mai kimiu duluai.

2 Korin 5:19

God kea lol Kraes, mwa lol tamwata lol davolan ureure i kea sibona. Lol Kraes, God nu hav haḡo te wasi ureure be vi ron̄oe be mwa bahala lol bwatigoro, i nu lai lalai gida roroi geki huri tamwata.

2 Korin 1:9

Mwasigi maragai be lol irubwimai gam binihimwasigi be gai mate. Take geki mwa loli huri be gasav butu te alumai sibomai take alun God n̄ano, kea nu ragas sinombu nin mateana.

1 Korin 1:3

Nam dataro be hogoi i tamwata lalai kimiu, non God tamanda i Ratahigi Jisas Kraes.

Leo Tavuha gabe Jon nu Ravae 14:1

Jisas mwa bevea lalainira be, “Gisav binbinihi te lavoai. Giv binihimwasigi alun God i giv binihimwasigi mulei aluku.

Matiu 10:37

“Be ihei alolomiu mwa dabe maragai tamana sage ratahina ninia gabe mwa dabeau, wani gea mwa hav dadariha tehe be vi vora noḡu roron̄tai. Sa ihei mwa dabe maragai nituna ninia gabe mwa dabeau, wani mulei gea mwa hav dadariha tehe be vi vora noḡu roron̄tai.

2 Korin 5:14

Lolotabetabe non Kraes mwa haḡo bul gida, bwatun be gam iloe be kea nu mate huri atatu duluai. Kera duluai rav mate lol Kraes.

1 Korin 16:22

Be vwate si hav tabe te God, lin̄ia na togo dagai nin God. Nomai Ratahigi, gam doron be gov mai vilvilehi!

Ravrava non Pol lalai ata Rom 15:12

I Aesaia mwa bevea be, “Ratahigi lavoa gara vwate vi mai nin varan Jese. Kea vi mai i vi tomuai ira Lolobon̄i, i nora doronhohov vi mai bwatuna kea.”

Ravrava non Pol lalai ata Rom 1:7

Lalai kimiu duluai Rom gabe God mwa doron kimiu i nu uloi kimiu be giv vora ira non atat sabuga: Noḡu tataro, be God, tamanda, mai Jisas Kraes, raru vi tau hogoi i tamwata be vi togo mai kimiu.

Leo Tavuha gabe Jon nu Ravae 17:10

Ginau duluai be noḡu kea nomwa, i ginau duluai be nomwa kea noḡu; i mwa lol bisirai sarisariku ginira.

Matiu 28:19

Bwatuna gea, giv van vai lol sinombu duluai vataha ute, i giv lolira gi noḡu roron̄tai. Giv garuhisabugainira vai lol ihan Tata i Nitui i Vui Sabuga.

2 Pita 1:1

Nin Saimon Pita, atatun rovoga i hala non Jisas Kraes. Lalai Kimiu be gin lai binihimwasigi garagusi kun kamai, bwatuna be nonda God i Varahuda Jisas Kraes, mwa lol havanau be nu vavtutu.

Matiu 15:8

‘God mwa bevea be, “Kera sinombu geki ram ḡogonaiau gin nora avoana n̄an, take lolora hautu niniau.