Leo Tavuha gabe Jon nu Ravae 13:18 - Hano Niu Testamen

¹⁸ “Nam hav avo tehe huri kimiu duluai; nam ilo ira hei gabe nan gita luara. Take mwa du be ravrava Sabuga vi visirai gabe mwa bevea be, ‘Atatu gabe mwa ḡan bul maiau vi van burigaiau.’

Leo Tavuha gabe Jon nu Ravae 13:18 Referans Kwoze

Matiu 26:23

Jisas mwa av korora be, “Wani gabe mwa ruhu bereti lol disi gaituvwa maiau, kea haḡea vi lin̄iau vai lol limara.

Leo Tavuha gabe Jon nu Ravae 17:12

Mahavana be nan togo maira, nan gitaḡorora be rav rahu gin ihamwa be nu muramura, iha gabe gom laia lalaiau. Nan gitaḡorora, i vwate ninira nuhav sala tehe, take atatu n̄an gaituvwa gabe nu taua be vi sala huribe ravrava Sabuga vi visirae.

Leo Tavuha gabe Mak nu Ravae 14:20

Haḡe Jisas mwa bwaliura mwa bevea be, “Vi vora ihei nin tuamiu vwate han̄vul domwan gairua, kea gabe vi ruhu gan bereti lol disi utegaituvwa maiau.

Leo Tavuha gabe Jon nu Ravae 13:26

Jisas mwa bwaliua be, “Nav ruhu bereti lol beleti ba laia lalainia; wani haḡe gea.” Haḡe kea mwa lai tavihen bereti, mwa ruhua, mwa laia lalai Judas, nitun Saemon Iskariot.

Leo Tavuha gabe Jon nu Ravae 6:70

Haḡe Jisas mwa bwaliura mwa bevea be, “Matu nan hav gita te lua kimiu han̄vul domwan gairua? Take vwate nin kimiu atmate!”

Leo Tavuha gabe Jon nu Ravae 15:19

Be gis vora bilan ureure, kunia ureure si tabe kimiu kun gabe bilana sibona. Take nan gita lua kimiu nin ureure geki, i kimiu gim hav vora te bilana; i bwatuna higea ureure mwa barihai kimiu.

Hibru 4:13

Ginau vwate mulei sigai be vi hili nin God, dagai nin tanon limana duluai. Havanau tehe mwa ḡigilaga n̄an duluai, la lolmatan God. I gida duluai tav seserai lua rahuda i nonda lalaḡova duluai la lolmatana.

Leo Tavuha gabe Jon nu Ravae 15:16

Gin hav gita te luau; nan gita lua kimiu i nam uloi kimiu be giv vano ba bwavwae bilin̄ai, vwae gai gabe vi tu vai tuai. Haḡe Tata vi lai havanau tehe lalai kimiu gabe gim hudalinia lol ihaku.

Matiu 10:36

Haḡe kunia muai ivwalu non atatu vi mai nin lolon imwana sibona.

Visirai 2:23

Inau nai wehi non virangai mulei, i kunia uloilua duluai vi iloe be inau haḡea be nam ilo binihin atatu duluai mai nora doroniva. Nav lai tavwe lalai gaitutuvwai i vatvataha kimiu hurin hava lalaḡova be kea nu lolia.”

Leo Tavuha gabe Jon nu Ravae 21:17

Jisas mwa bev muleinia vatoluna be, “Saemon nitun Jon, gom dabeau?” Pita mwa ron̄ mwahantai bwatuna Jisas mwa hudalinia vatoluna be, “Gom dabeau?” Haḡe kea mwa bevea lalainia be, “Ratahigi, gom ilo ginau duluai; gom iloe be nam dabego!” Jisas mwa bevea lalainia be, “Gov gitaḡoro bilaku sipsip.

2 Korin 4:5

Gam hav toretore te huri kamai sibomai, take gam doretore be Jisas Kraes kea Ratahigi i kamai nomiu atatun rovoga huri Jisas.

Matiu 26:21

Lol mahavan ginaganiana Jisas mwa bevea be, “Nam bev mwasigi lalai kimiu be, tuamiu vwate nin kimiu vi lin̄iau vai lol limara atatu.”

Leo Tavuha gabe Mak nu Ravae 14:17

Haḡe lol ute ravravi, Jisas mwa mai bul maira roron̄tai han̄vul domwan gairua.

Leo Tavuha gabe Mak nu Ravae 14:18

Batena be ram dogo dalis tebol ram ḡan ginau, Jisas mwa bevea be, “Nam bevea lalai kimiu be, tuamiu vwate nin kimiu vi sinaeu, vai lol limara atatu, kea gabe mwa ḡan ginau bul maiau.”

Leo Tavuha gabe Luk nu Ravae 22:21

“Take, giv gitae! Wani gabe mwa sineau, kea gekado la tebol maiau!

Leo Tavuha gabe Jon nu Ravae 13:21

Ataguna be Jisas nu vev vuvuri ginau geki, binihina mwa n̄ala maragai i mwa bev luae mwa bevea be, “Nam bev mwasigi lalai kimiu be: vwate nin kimiu vi sineau.”

Leo Tavuha gabe Jon nu Ravae 13:22

Haḡe ira roron̄tai ram ḡitagitara, ram binbinihi mamaragai aluna be ihei uhu be mwa avo huria.

Leo Tavuha gabe Jon nu Ravae 15:25

Ginau geki, mwa du be vi loli mahaḡea huribe havanau gabe nu ravana lol nora silo vi visirae be: ‘Ram barihai bonogaiau n̄an bwatuna sigai.’”

Leo Tavuha gabe Jon nu Ravae 18:32

Geki mwa loli huribe men lol dum avoana non Jisas gim mai gi mwasigi, avoana nu vevea mahavana be nu avo huri halana be kunhanigi kea vi mate.

Leo Tavuha gabe Jon nu Ravae 19:24

Haḡe atatun bwaloana ram bevea ginginira be, “Tasav herae tehe; take tai vohai dais i vi seserainia be ihei vi laia.” Ginau geki mwa loli be men lol ravrava Sabuga gim mwasigi: gabe mwa bevea be, “Ram hara gaisagaku vatvatahara i ram bohai dais huri noḡu koti.” I geki haḡea havanau gabe ira atatun bwaloana ram lolia.

Leo Tavuha gabe Jon nu Ravae 19:36

Ginau geki nu loli be ravrava Sabuga men mai gi mwasigi be, nu vevea be, “Huina vwate sihav mosi tehe.”

Lalaḡova 1:2

vaivotui gubwen̄i gabe mwa laia vai amare. Amua mwa siv laia vai amare, kea nu lai avoan dura gin muramura non Vui Sabuga lalainira gi non hala.

Lalaḡova 1:16

I mwa bevea be, “Ira tuaku, mwa du be Ravrava Sabuga vi visirae la halan Vui Sabuga, gabe nu avo sivi Deved, mwa bev sera huri Judas, tomuai ḡoro atatu gabe ran haḡo batugehi Jisas.