Leo Tavuha gabe Jon nu Ravae 13:15 - Hano Niu Testamen

¹⁵ Nam dau malele lalai kimiu huri be giv lol hano kun gabe nan siv lolia lalai kimiu.

Leo Tavuha gabe Jon nu Ravae 13:15 Referans Kwoze

Matiu 11:29

Giv haḡo lua noḡu gai tatauleo vai la isibwamiu, i giv huhui ginau niniau, bwatuna inau nam maḡemu i nam do tirigi lol binihiva. I giv habwe mabuana.

1 Jon 2:6

I be tas vevea be gida tam dogo lol bulbuluana mai God, gida tav huri malelen Jisas Kraes mwasigi.

1 Pita 2:21

Geki haḡea hano be nu uloinigo be gov lolia, bwatuna Kraes nu ron̄ ḡagarasi hurigo i nu tau malele be gov huria. Mwa du maragai be gos lolia kunia be nu lolia.

Ifisas 5:2

Gov togo lol rahuana lolotabetabe kunia gabe Kraes nu tabe gida i nu lin̄ia sibona huri gida kun gabe hogoi bonboni i tataroi lalai God.

Ravrava non Pol lalai ata Rom 15:5

Lin̄ maḡemu i avoan dura mwa mai n̄ano nin God. I nav tataro be God vi tataro bului kimiu be giv dame mai ira tuamwa la hala be Kraes Jisas mwa doronia.

1 Pita 5:3

Gisav vora te tomuai lololhoroga ḡoro sinombu be gim gitaḡoro, take giv vora malel tavtavuha lalainira.