Biblia Todo Logo
Bib sou entènèt

- Piblisite -




Leo Tavuha gabe Jon nu Ravae 1:14 - Hano Niu Testamen

14 Haḡe Avoana mwa bora atatu, mwa masiri gin hogoi i mwasigi, i mwa dogo mai gida. Tam ḡita sarisarina, sarisari gabe nu laia kun gabe Nitun vora gaituvwa non Tamana.

Gade chapit la Kopi




Leo Tavuha gabe Jon nu Ravae 1:14
60 Referans Kwoze  

God mwa seserai non lolotabetabe huri gida, mahavana be nu hora Nituna vora gaituvwa vai lol ureure be vi lai rahuana lalai gida.


Tanon binihiv gairuruai sigai, rahuda dahuligi huri gogonai gaivua maragai: Kea nu seserainia lalai gida lol rebehin atatu, nu dovon̄ainia be nu vavtutu lol Vui, i nu gitana gin ira enjel. Kea nu toretore lalainira be ram hav vora te ira varan Israel, binihimwasigi lol ureure, i God mwa lai luau vai amare lol sarisari.


Amua nin bwatun ureure, Avoana nu togo huba, kea nu togo mai God, i kea kun God.


Take lol taro be taro vavtutu mwa mai, God nu hora nituna, be nu vora nin vavine i nu togo halaten silo.


I Nitun God mwa haḡo mwasin roron̄o non God i sarisarina duluai, i kea nu ḡun God la hala duluai. Kea mwa haḡo bul ureure duluai, gin non avoan muramura. Ataguna be Nituna mwa dugu kaburai vuroda duluai, kea mwa domahuri la mwatuan roron̄o non God lol ute ata amare.


Inau haḡea bereti rahu gabe mwa himai nin lol ute atamare. Be ihei tehe be mwa ḡan bereti geki kea vi rahu vai tuai. Bereti gabe nav laia lalainia gabe vigohoku, gabe nam laia be ureure vi rahu ginia.”


Mwasin binihin God sibona be vi tau ginau duluai be nona alun Nituna.


Muan Adam nu mai nin taniavu ata lol ureure. Gairuan Adam mwa mai nin amare.


Silo gea roron̄ona sigai, huribe silo gea mwa loliana mwa mamara gin vuroda siboda. Ta God mwa lol hano gabe silo si hav lol te dumwia. Nu hora nituna vai lol ureure mai rahuana n̄ano kun gida, ke atatu rituai ram lol rahu gi tanon vuro. Mwa hora nituna kun gabe tataroi tuntun be men vol vuroda, God mwa lol rahun atatu be men lol kaburai vuro.


God nu hora Nituna be vi vora Varahun ureure. Gida tan gita Nituna, i kadogaha tam bev sera huria lalai atat dodolua.


Rahun God duluai lol Kraes sibona be mwa mai gi atatu.


Ira vagahi dentene ivusi lol ureure kadogaha be ram hav vev te luae be Jisas Kraes nu mai lol ureure kun abe atatu. Ihei tehe be mwa hav vev te luae kunia kea vagahi dentene i ivwalu non Kraes.


Haḡe nan ron̄ silo gaivua mwa mai nin tanon togotogon ratahigi, mwa bevea be, “Gita imwa hauhau non God mai non silo i kea vi togo la imwana maira, i kera rai vora non sinombu, i kea vivora nora God.


Haḡe la hala n̄an haḡea mulei kunia, be Kraes nu hav lai te tanoi roroa gea vai aluna be men vora muai tataroi. Take God nu vevea lalainia be, “Giḡo Nituku. Garigi inau nam bora Tamamwa.”


Bwatuna ginau kerageki, amua Kraes mwa lol vatuvwai be vi mai lol ureure, mwa bevea lalai God be, “Gom barihai be atatu rav lol hogoi i tataroi tuntun, take gom lol vatuvwai rebehiku vwate huba.


Jisas mwa bevea lalainia be, “Matuke nan hav vevea te lalainigo be gov gita muramura non God, be gov binihimwasigi?”


Huri God mwa dabe mutai ureure haḡe mwa horau, inau gabe mwasin Nituna vora gaituvwa be irahei gabe rav binihimwasigiau, rasav mate tehe ta rav rahu vai tuai.


Jisas nu lol muan ginau dan̄an̄a geki Kena lol vanua Kalili; aia kea nu lol bisirai sarisarina, i non roron̄tai ram binihimwasiginia.


Jisas mwa bwaliua be, “Inau matanhala, mwasigi, i rahuana; atatu vwate sihav van te dum aben Tata dagai niniau.”


God nu hav vevea tehe lalainira ira enjel vwate be, “Giḡo haḡea Nituku, bwatuna garigi Nam bora Tamamwa!” God mwa hav avo te hohoigi lalai enjel vwate ninira kunia be, “Nai vora Tamana, i kea vi vora Nituku!”


Jisas mwa bwaliua be, “Nam dogo mai kimiu duluai huri mahavana n̄ava huba; take gom hav iloau te radu, Vilip? Ihei tehe be nu gitau nu gita Tata. Hurihano gom bevea be, ‘Vagahi kamai gin Tata’?


Pita maira non buluana ram maturu maragai take ram dol mamata, i ram ḡita sarisarin Jisas i atatu gairua gabe ramuru du bul maia.


Nan lol roroainira kunia gabe gon lol roroaiau, huri be rai vora gaituvwa, kunia be giḡo i inau gaituvwa:


Ihei tehe be mwa binihimwasigiau, God si hav vevegi te dumwia; take ihei tehe gabe mwa hav binihi te mwasigiau nu vevegia huba, bwatuna be mwa hav binihi te mwasigiau inau Nitun God vora gaituvwa.


Huri Varahu mwa bora lalai kimiu garigi bon̄i la vanuan Deved, kea haḡea Kraes gabe wani Vurai i Ratahigi!


Jisas mai sinombu gabe mwa lolira ram sabuga, kera duluai ram bora vara gaituvwa. Bwatuna haḡea kea mwa hav busbusi tehe be men uloinira be ira tuana mai ira hogosina.


Take nu vevea lalaiau be, “Noḡu hogoi kea nu dadariha hurigo. Batena be gom mandamanda, noḡu muramura mwa mai melmelo alolomwa.” Kadogaha nam ron̄ mwandavuha be namen vev lua noḡu vahalana, huribe muramura non Kraes vi togo aloloku.


Jekob mwa bav nituna Josep, Josep haḡe uhu gabe ahoan Mere, gabe ratahin Jisas be tam uloinia be Kraes (gabe Wani Vurai).


Kraes kea bwatun gaihavan̄i be mwa haḡo ira ute rosoga dahuligi, kun ira iloilo i mataisao non God.


Inau nam hav vora te lavoa take tiri savele alolon ira sinombu non God, take God nu lai hogoi geki lalaiau be nai vev luae hurira Lolobon̄i, Roroi Tavuha huri roson Kraes.


Kera haḡea varan ira sibida, i kera mulei ran togo lol taron Kraes be nu vora, kea be God ḡoro gida sinombu duluai, tav uloi roroainia vai tuai i tuai! Amen.


Kea mwa haḡo nituna muai bwana atamwani, mwa nubwae lol gavu, i mwa lidua lol tanon ginau gan buluki bwatuna tanora nu sigai lol imwa tausala.


giv ilo mwasigi i mwasigi vi ribwes kimiu.”


“Tata! Gon laira lalaiau, i nam doron be rav togo maiau lol ute be nav to aia, huribe rav gita sarisariku, sarisari gabe gon laia lalaiau; huribe gon tabeau la bwativuna vuvuri mwa siv tau ureure.


Haḡe Paelat mwa hudalinia mwa bevea be, “Giḡo Ratahigi Lavoa, mwasigi?” Jisas mwa bwaliua be, “Gom bevea be inau Ratahigi Lavoa. Nan vora i nan mai lol ureure bwatuna ginau gaituvwa geki, be nav avo huri mwasigi. Ihei tehe mwa du huri mwasigi vi roron̄taiau.”


Haḡe kea gabe mwa rovo alun hos mwa sagasagai gaisaga n̄ava i nu masiri gin daga, i ihana be, “Avoana non God.”


Swiv nou:

Piblisite


Piblisite