Leo Tavuha gabe Jon nu Ravae 1:10 - Hano Niu Testamen

¹⁰ Avoan mwa dogo lol ureure, i God nu tau ureure ginia, take ureure mwa hav gita te batoia.

Leo Tavuha gabe Jon nu Ravae 1:10 Referans Kwoze

Leo Tavuha gabe Jon nu Ravae 17:25

Tata mwasin vavtutu! Ureure mwa hav ilogo tehe, take nam ilogo, i kera geki noḡu atatu ram iloe be gon horau.

1 Jon 3:1

Giv vinihi lolotabetabe non Tata be kea mwa dabe maragai gida. Kea mwa dabe maragai gida i mwa uloi gida be ira nituna. Gida mwasin ira nituna. Take sinombu ata lol ureure geki ram hav iloe tehe be gida ira nitun God, bwatuna be ram hav ilo te God.

1 Korin 2:8

Vwate nin ira tomuai ata lol ureure geki nu hav ilo te dum mataisao gea. Be ras ilo dum batoia, rasav voha te bolvolo Ratahigi roroa.

1 Korin 1:21

Alolon mataisao non God ureure mwa hav ilo te God sivi non mataisao sibona. Haḡe kunia God mwa ḡita luae be vi varahu atatu n̄ano be ram binihihimwasigi toretore bwaḡelega be tam doretore aluna.

Matiu 11:27

“Tamaḡu nu lai ginau duluai lalaiau. Atatu vwate mwa hav ilo te Nitui, take Tata n̄an. Haḡe atatu vwate mwa hav ilo te Tata, take Nitui n̄an, i irahei Nitui mwa doron be vi lol bisirainia lalainira.

Hibru 11:3

Alen̄a la halan binihimwasigi garagusi haḡe gea mwa lolia tam ḡita batoia be mwasigi, avoana non God n̄ano gabe mwa dau ginau duluai ginia, i mwa lai bisirai ureure gabe tam dogo aluna. Non muramura haḡea mwa lai dum ginau gabe atatu si gita te dumwia, nu tau ginau duluai be tam do tam ḡitae.

Leo Tavuha gabe Jon nu Ravae 1:18

Atatu vwate mwa hav gita te radui God. Nituna vora gaituvwa, gabe kea kun God sibona i mwa dogo hurin Tamana, kea mwa seserainia lalai gida.

Leo Tavuha gabe Jon nu Ravae 1:5

Haḡe gigita mwa ḡigita lol ute meto, ta ute meto mwa hav tu te ḡoro dumwia.

Lalaḡova 14:17

Take vataha mahavana kea mwa lol seserainia be kunhanigi rahuna alun vataha ginau tavtavuha, mwa lol uhe mwa uhe nin ute atamare i mwa lol ute loloara ram mwasiga lol mwasin tarona. I kea mwa hogoi ginaganiana lalai kimiu, i mwa lol kimiu gim samsamwara lol nomiu binihiva.”

Leo Tavuha gabe Jon nu Ravae 5:17

Haḡe Jisas mwa bwaliura mwa bevea be, “Tamaḡu mwa lalaḡo vataha mahavana i inau mulei nav lalaḡo kunia.”

Leo Tavuha gabe Jon nu Ravae 1:3

God nu lol ginau duluai ginia; ginau vwate lol tauva nu hav tauana te dagai ninia.

Leo Tavuha gabe Jon nu Ravae 1:11

Kea nu mai lol mwasin vanuana, take non sinombu sibona ran hav lai te ḡoḡoe.

1 Korin 8:6

take lalai gida God gaituvwa n̄ano gabe tamanda. Ginau duluai ram mai ninia, i tam rahu huria. Mulei Jisas Kraes gaituvwa n̄ano. Ginau duluai mwa loli sivinia, i gida mulei tam bora sivinia.

Kolosi 1:16

Sivi non muramura God nu lol ginau duluai mwa lol ginau amare i ata lol ureure, ginau be mwa ḡitana i mwa hav gitana tehe, muramura duluai, ginau mutai ratahigi i tomuai. Ginau duluai mwa loli sivi Kraes i huri Kraes.