Jemes 4:17 - Hano Niu Testamen

¹⁷ Atatu be mwa ilo ginau vavtutu be vi lolia, take mwa hav lolia tehe, kea mwa buroga.

Jemes 4:17 Referans Kwoze

Leo Tavuha gabe Jon nu Ravae 9:41

Jisas mwa bwaliura mwa bevea be, “Be kimiu gim matagaraga, kunia gin hav hantai tehe; take huribe gim bevea be gim ḡita ute, kunia gin binihiva be kimiu gim bahala radu.”

Leo Tavuha gabe Jon nu Ravae 13:17

Kadogaha be gim ilo mwasigi geki, giv samsamwara liu be giv lalaḡoinia!”

Leo Tavuha gabe Jon nu Ravae 15:22

Kera rasav vuroga tehe be inau nan hav mai tehe be namen avo lalainira; take inau nan mai huba, kunia rasav mom ḡolai te dumwia huri vurora.

2 Pita 2:21

Uwe, Nu tavuha hurira be rasav man ilo te hal vavtutu ninia be ras iloe i ras vanburigai nin vagahi sabuga be nu laiana lalainira.

Ravrava non Pol lalai ata Rom 1:32

Ram iloe huba be God vi vevegi atatu be ram lol alen̄a geki, be vi mate huria, take ram lol rahurahui alen̄a gea. Hage ninia gea, kera ram ron̄ mwandavuha n̄ano be ramen bului atatu be ram do ram lol alen̄a kunia.

Ravrava non Pol lalai ata Rom 7:13

I kea mwa haḡo ginau be nu tavuha n̄ano, i mwa wehi bamateau be men seserai luae alen̄a vwat be nu hantai. Huribe alen̄an vuro mwa haḡo avoanan silo, mwa hantai maragai.