Jemes 4:1 - Hano Niu Testamen

¹ Gom iloe haḡea kun hanigi bwatun nomiu vigaigaiana i bwaloana? Ram mai nin nomiu binihiv hahantai gabe ram bwalo alolomiu.

Jemes 4:1 Referans Kwoze

1 Pita 2:11

Ira tuaku, kimiu gin ḡun atat mai i tausala lol ureure geki. Nam doron be giv lin̄ ginau hahantai be rebehimiu mwa doronia be vi lolia be mwa bwalo vai alun vui rahu.

Kelesia 5:17

Nonda doroniva siboda mwa doron hano be mwa hav eno tehe lol Vui, i Vui mwa hav doron te hano be mwa en lol nonda doroniva. Ginau gairua geki ramuru barivarihainira, i gisav lol te dum hano n̄ano be gim doronia.

Ravrava non Pol lalai ata Rom 7:23

Take nam ḡita silo dolua mwa lol rovoga alolon rebehiku, kea haḡea mwa lol bwaloana mai silo be rebehiku mwa dara aluna. Silo dolua be mwa lol rovoga lol rebehiku kea silo huri vuro, i mwa loliau gi non atat to vauhi.

Ravrava non Pol lalai ata Rom 8:7

La mahavana be binihin atatu mwa lalaḡo hurin non doroniva sibona, kea nu hav tavuha tehe la lolmatan God huribe ram hav doron te didi huri silo non God i ram hav doron te mwasigi be ramen huri silo non God.

Jemes 1:14

Take sinombu ram lai kalkaliana batena nora doroniva sibora mwa domuainira i ram vidi aluna.

1 Pita 1:14

Kadogaha be gim bora naturirigi tavuha non God gisav mom dogo tehe kunia be gin togo tuai Gin hav ron̄ te batoia, i gin lol ginau hahantai be gin doronia.

Kolosi 3:5

Giv tau kaburai ginau hantai duluai lol rahumiu: vuro lol alen̄ bwatigoro, lolian daltalei gom lin̄ binihiv taltale mwa domuainigo, gon doron ginau lete, i ginau ravravwega i bugurana (huribe bugurana kea dovon̄an gogonaiana lalai tagaro dodolua).

2 Pita 3:3

Nu tavuha maragai huri kimiu be giv ilo tavuhai havanau be vi loli lol ira nogonan gubwen̄i. Atatu rav manuhi kimiu. Kera rav rahu ba lol ira bwatigoro kun be ram doroni.

Jemes 4:3

Be gov hudaligi, gosav laia tehe bwatuna be gom hudali God gin alen̄ hantai. Gom doron ginau be gov haḡora huri nom doroniva sibomwa.

2 Pita 2:18

Ram bev avoan sasagerega be binihiva ata alolona sigai. Gin nora doroniv bwatigoro ram domuai sinombu vai alolon vidin vuro---atatu be ram siv tau bwatuna be ramen romaragai nin atatu be ram dogo lol vahalana.

Taetas 3:3

Amua radui gida mulei tan dadaloiga. Tan dahadaha, tan lol bahala, i tan vora turi huri ginau ivusi be rebehida ran doronira i ran samsamwara ginira. Tan lin̄ rahuda vai lol vahalana i tam binbinihi hantai. Sinombu ran varihai gida, i gida mulei tan varivarihai gida.

Taetas 3:9

Take giv to dagai ninira be ram bigaigai daltale i ram avo alun vevurin vevuri hahantai ata lol imwa i vigaigai i ram biavoavo huri silo. Ginau kera gea mwasira nu sigai i rasav bului te atatu vwate.

Ravrava non Pol lalai ata Rom 7:5

Take tuai, lol taro be tan huri alen̄an atatu n̄ano, Silo gea nu lolia tam doron maragai ira ginau hahantai be binihinda mwa doronia. Haḡe bwatun ginau geki, tam do tam lol rovoga non mateana n̄ano.

Matiu 15:19

Bwatuna be nin lolon atatu binihiv hahantai kera geki ram mwalue, wehi bonogai, vuro mai atat lagi, vuro mai atatu dagai nin lagiana, surasura, tenteneana, i tul bonogai.

Leo Tavuha gabe Jon nu Ravae 8:44

Kimiu haḡea ira nitun tamamiu, gabe Setan, i gim doron be giv huri binihiva non tamamiu. La bwativuna kea atat wehiwehi atatu, kea mwa hav vora te mwasigi bwatuna gea mwasigi sigai alolona. Mahavana gabe mwa dentene kea mwa lol ginau hurin mwasin alen̄ana, bwatuna gabe kea tenteneana i taman ira tenteneana duluai.

2 Timoti 2:23

To dagai nin vagaigaian dadaloiga i vagaigaiana hantai, bwatuna be gom iloe be ram mauri vai lol bwaloana.