Ifisas 5:8 - Hano Niu Testamen

⁸ Tuai huba kimiu gin togo; lol ute meto, take kadogaha kimiu gim dogo lol ute rani lol Ratahigi. Haḡe giv togo kun ira nitun ute rani.

Ifisas 5:8 Referans Kwoze

Leo Tavuha gabe Jon nu Ravae 8:12

Jisas mwa avo lalai ira Varise be, “Inau haḡea gigitan ureure. Be ihei tehe mwa huriau vi lai gigitan rahuana i sihav lago te dum lol ute meto.”

1 Jon 1:7

Take be tas togo lol gigita, kun gabe God mwa dogo lol gigita, kea gin binihiva be gida duluai tam bora vatugi gaituvwa n̄an maia. I dagan Jisas nitun God vi bwaga melmeloi gida nin nonda bwatigoro.

Lalaḡova 26:18

“Giḡo haḡea gov havan̄ matara, i gov lai luara nin ute meto vai lol gigita i nin muramura non Setan huri God, huri be gin nora binihimwasigi garagusi aluku vi binihi kaburai vurora i rav lai dum tanora mai ira atat gita lua non God.”

Kolosi 1:13

God nu lai lua gida nin muramura ata lol ute meto, i mwa lai gida vai lol ute ratahigi non nituna.

Leo Tavuha gabe Jon nu Ravae 12:46

Nam mai lol ureure kun gabe gigita, huribe atatu duluai gabe ram binihimwasigiau rasav togo tehe lol ute meto.

Ifisas 4:18

Ram hav ilo te batoia, i ram hav ilo te havanau, bwatuna be ram hav doron tehe didi roron̄tai, i kera rasav lai te dum rahuana be God nu laia.

Leo Tavuha gabe Jon nu Ravae 12:36

Giv vinihi mwasigi lol gigita kunia, bwatuna gin laia, huria be giv vora atatu ata lol gigita.” Ataguna be Jisas nu vev ginau geki, mwa bwihi avare ḡoḡonai mwa hilinira.

Ifisas 2:2

Uwe, tuai gin togo la rahuana be ureure nu togo aluna, gin huri tomuai non ira Vui hantai gabe ran togo la ulun ureure. Vui n̄an haḡe gea be mwa lol rovoga alolon irahei gabe ram barihai be rav tabe God.

2 Korin 4:6

God nu vevea be, “Giv lin̄ gigita vi sarisari lua lol metmeto! Geki God n̄an be nu lol gigita mwa sarisari lol loloda mwa lin̄ gida tam ilo huri sarisarin God kea be lolmatan Kraes.”

Taetas 3:3

Amua radui gida mulei tan dadaloiga. Tan dahadaha, tan lol bahala, i tan vora turi huri ginau ivusi be rebehida ran doronira i ran samsamwara ginira. Tan lin̄ rahuda vai lol vahalana i tam binbinihi hantai. Sinombu ran varihai gida, i gida mulei tan varivarihai gida.

Leo Tavuha gabe Luk nu Ravae 16:8

“Haḡe gitaḡoro hantai mwa lol vavtutui halan non lalaḡova i kunia non ratahigi mwa avkari maragai nia huri be kea atat mataisao. Bwatuna ira atatu ata lol ureure ran mataisaoga huri lalaḡova nin nira ata lol gigita.”

Ifisas 6:12

Nonda bwaloana vorate vai alun atatu lol ureure, take tam bwalo vai alun ira vui hahantai ata lol ureure amare, ira gitaḡoro hahantai, i ira muramura hahantai ata lol taro geki.

2 Korin 3:18

Lol matada, mwa hav mom ḡagavuan te ḡoro. Gida duluai tam seserai dum sarisarin God, i tam leahi be tai mai kunia. Leahi geki be mwa mai aluda mwa lai sarisari gaivua, be mwa mai nin God, be kea Vui Sabuga.

Leo Tavuha gabe Luk nu Ravae 1:79

be vi gigitainira gabe ram dogo lol ute meto i lol malumalun mateana, i vi bula matanhalada la halan tamwata.”

2 Korin 6:14

Kimiu gis hav vora kunira be ram hav binihi te mwasigi. Gisav bulu te sibomiu maira. Tavuha mai hantai ramuru hav to te ute gaituvwa. Gigita i metmeto ramuru hav bul te gaituvwa.

1 Korin 1:30

Take God nu haḡo bul kimiu alolon Kraes Jisas, i God nu lol Kraes be vi vora nonda mataisao. Sivi Kraes haḡea mwa dau bavtutui mulei gida lol God i mwa lol gida tam bora atat mataisaoga, i mwa ḡita batoi gida i mwa lol sabugai gida.

Ravrava non Pol lalai ata Rom 2:19

Gom binibe hiḡo haḡea gitaḡoro non ira matagara i gaibula non atatu be ram dogo lol ute meto.

Leo Tavuha gabe Jon nu Ravae 1:9

Geki haḡea mwasin gigita, gigita uhu mwa mai lol ureure i mwa ḡigitai atatu duluai.

Matiu 4:16

Kera gabe ram dogo radu lol ute meto rav gita dum gigita gaivua. Irahei gabe ram dogo la vanuan mateana, kera rav gita.”

Kelesia 5:25

Tam lai rahuan gara nin Vui Sabuga, i tav huri Vui.

Ravrava non Pol lalai ata Rom 1:21

Kera ram ilo God, ta ram hav uloi te roroainia sage ram bev nora tabeana lalainia. Nora binbinihi mwa hantai. Binihira mwa dadaloiga i nu masiri gin ute bon̄i.

Ifisas 5:2

Gov togo lol rahuana lolotabetabe kunia gabe Kraes nu tabe gida i nu lin̄ia sibona huri gida kun gabe hogoi bonboni i tataroi lalai God.

Lalaḡova 17:30

God nu ate ḡalau lalaḡova lete non sinombu mahavana be ran hav iloe te radu, take kadogaha mwa lol gida duluai la ureure be tav taleva nin nonda lalaḡova hantai.

Matiu 3:8

Be kimiu gim binihileahi mwasigi, giv dovon̄ainia alun nomiu lalaḡova.

Leo Tavuha gabe Jon nu Ravae 12:35

Jisas mwa bwaliura be, “Gigita vi togo mai kimiu huri mahavana vwelvwele. Giv van rahurahu la halamiu mahavana be gigita mai kimiu, huri be ute meto sihav mai te ḡoro kimiu; bwatuna be atatu gabe mwa lago lol ute meto mwa hav iloe tehe be mwa bano vai behe.

Ravrava non Pol lalai ata Rom 13:12

“Bon̄i” mwa bwelvwel gim nogo, “Rani” mwa sosori gin gida. I gida tav lin̄ ginau ata lol ute meto i tas lai vatahanan bwaloana ata lol gigita.

Kolosi 1:12

I gov samwara ba lai tabeana lalai tata be nu loligo gom haḡo dum houn ginau duluai be nu lol vatuvwainia huri non sinombu lol ute ratahigi huri gigita.