Ifisas 4:23 - Hano Niu Testamen

²³ Take kimiu nu vagahi kimiu be giv lol garai kimiu lol sibwen̄imiu,

Ifisas 4:23 Referans Kwoze

Ravrava non Pol lalai ata Rom 12:2

Gosav leahigo te sibomwa be goi vora kun ata lol ureure geki, ta gov leahi la hal gara la halan binbinihi. Vuvuri gov vinihi dum hano be God mwa doronia hurigo, gov iloe be havanau nu tavuha i mwa lol dum binihina i havanau nu tavuha be giv lolia.

Ravrava non Pol lalai ata Rom 8:6

Mandovai be binihin atatu mwa dogo halaten vurona sibona, kea mateana. Ta kebe binihira vi lalaḡo hurin Vui Sabuga, kea rahuana vi tamwata.

Kolosi 3:10

Gom saga gaisagan rahuan gara, kebe mwa lol garainigo i gom mai kun wani gabe nu loligo. Rahuan gara geki mwa lai lalainigo iloilo nin God.

1 Pita 1:13

Giv lol vatuvwai binihimiu huri rovoga i giv gitaḡoro rebehimiu. Nomiu doronhohov duluai sivora non hogoi huri vatavuha be vi vora nomiu lol taro be Jisas Kraes vi visirai abemiu.

Taetas 3:5

kea nu varahu gida bwatuna non sine hagavi. Nu hav vora te bwatun be huri rovoga tavuha be tan lolia haḡe tam bavtutu maia. Nu varahu gida sivi bwaga melmeloi gida gi sinombu gara sivi Vui Sabuga.

Ifisas 2:10

God nu loli gida be tav togo haḡea kun geki. Lol Kraes Jisas, God nu lol gida be tav lol rovoga tavuha, gabe God mwa lol daua lol non hogoi huri gida be rahuda vi togo mai nonda lalaḡova.

Ravrava non Pol lalai ata Rom 6:4

La mahavana be tam ḡaruhisabuga, tam davi gida mai Ratahigi i tam hara mateanana. Kunia n̄ano be Jisas nu tomare nin mateana gin muramura non God, gida mulei tav rahu gin rahuan tavuha.