Ifisas 4:10 - Hano Niu Testamen

¹⁰ Jisas nu himai vai ataa, i kea atatu n̄an haḡe gea radu gabe nu hae la ulun mahao duluai. Kraes nu lolia kunia huri be men ron̄ inau duluai gin rebehina sibona mai non ron̄ova.

Ifisas 4:10 Referans Kwoze

Hibru 7:26

Jisas mwasigi nu votui tovtovo huri nonda muai tataroi. Kea atat vavtutu be non vahalana sigai, i ginau vwate nu hav lol te hantainia. Kea gaituvwa dolua nin atat hahantai, i God mwa daria haehae liu ninira duluai be ram dogo lol ute atamare.

Hibru 4:14

Gida tav haḡo wasi nonda binihimwasigi garagusi gabe tan vev luae huba. Huribe nonda muan Muai Tataroi gabe mwa hae i mwa du la lolmatan God sibona, kea Jisas nitun God.

Kolosi 2:9

Rahun God duluai lol Kraes sibona be mwa mai gi atatu.

Kolosi 1:19

Mwasin binihin God sibona be vi tau ginau duluai be nona alun Nituna.

Matiu 24:34

Nam bev mwasigi lalai kimiu be, atatu be ram dogo kadogaha rasav mate te radu vai votu ginau kera geki rav loli.

1 Timoti 3:16

Tanon binihiv gairuruai sigai, rahuda dahuligi huri gogonai gaivua maragai: Kea nu seserainia lalai gida lol rebehin atatu, nu dovon̄ainia be nu vavtutu lol Vui, i nu gitana gin ira enjel. Kea nu toretore lalainira be ram hav vora te ira varan Israel, binihimwasigi lol ureure, i God mwa lai luau vai amare lol sarisari.

Ifisas 3:19

Lolotabetabe non Kraes gaivua liu ninia be ihei tehe mwa iloe, take nam dataro be giḡo gov ilo dum huri lolotabetabe gea, i giv masiri gin alen̄an God.

Lalaḡova 1:9

Mahavana be mwa bev vuvuria kun geki, God mwa laia vai lol ute atamare ran tu ram ḡitae, radu ten lan̄i nu haravuinia ḡoro lolmatara, i gam hav mom ḡitae tehe.

Hibru 8:1

Geki haḡea kun be muana huri bwativun nomai avoana duluai. Nonda muai tataroi gaituvwa, be nu vavtutu kun gabe kamai gam bevea. Kea mwa dogo lol ute atamare huba, i mwa dogo la mwatuan God gabe muramura duluai nona.

Lalaḡova 3:18

God nu vev serae tuai lalai ira atatun vevsera be Wani Vurai gabe kea vi horae, vi ron̄ ḡagarasi, i non avoana mwa mai gi mwasigi la hala geki.

Lalaḡova 2:33

God nu lol domareinia vai amare huba, be vi togo la mwatuana. God Tamanda nu lai Vui Sabuga lalainia huba, kun gabe nu tatauleo huba huria lalainia tuai. I ginau duluai gea be gim du gim ḡitae, i gim ron̄oe, kea rovoga non Vui Sabuga duluai gabe Jisas mwa laia lalai kamai.

Lalaḡova 1:11

Ira tarua geki ramuru bevea lalainira be, “Ata Kalili, huri hano gim du gim ḡarere vai hae lol mahao? Jisas geki, gabe God mwa laia nin kimiu hae vai lol mahao, vi himai mulei la hala n̄an kunia be gim ḡitae mwa hae vai lol ute atamare.”

Leo Tavuha gabe Jon nu Ravae 19:36

Ginau geki nu loli be ravrava Sabuga men mai gi mwasigi be, nu vevea be, “Huina vwate sihav mosi tehe.”

Leo Tavuha gabe Jon nu Ravae 19:28

Jisas mwa iloe be kadogaha ginau duluai nu haraharai; huria be men lol bisirai ravrava Sabuga, mwa bevea be, “Nam mandou.”

Leo Tavuha gabe Jon nu Ravae 19:24

Haḡe atatun bwaloana ram bevea ginginira be, “Tasav herae tehe; take tai vohai dais i vi seserainia be ihei vi laia.” Ginau geki mwa loli be men lol ravrava Sabuga gim mwasigi: gabe mwa bevea be, “Ram hara gaisagaku vatvatahara i ram bohai dais huri noḡu koti.” I geki haḡea havanau gabe ira atatun bwaloana ram lolia.

Leo Tavuha gabe Jon nu Ravae 1:16

Kea mwa lol bamasiri gida duluai gin non hogoi tavuha, i mwa lai lalan̄an vatavuha vatvataha gida.

Leo Tavuha gabe Luk nu Ravae 24:44

Haḡe mwa bevea lalainira be, “Geki haḡea ginau be nan vevea lalai kimiu mahavana be nan togo radu mai kimiu: ginau duluai nu ravae huriau lol Silo non Moses, i Ravrava non ira Atatun Vevsera, i lol bukan Sam mwa bisirai mwasigi.”

2 Korin 12:2

Nam ilo atatu lol Kraes kea nu laiana vai lol gaitolun ute ata amare taul han̄vul domwan gaivasi be nu ḡao huba. Nam hav iloe tehe be daga wani gea nu hae mai mwasin rebehina sa nu mwalue nin rebehina, take God mwa iloe.