Ifisas 1:13 - Hano Niu Testamen

¹³ Haḡe kea mai kimiu mahavana be gin ron̄ mwasin silo vagahi huri Roroi Tavuha be vi lai varahuva lalai kimiu, kimiu gim binihimwasigi alun Kraes. I lol Kraes, God mwa dau mwasin non dovon̄a alun gogonaiana alumiu, ginia be mwa lai non Vui Sabuga gabe nu tatauleo huria.

Ifisas 1:13 Referans Kwoze

2 Korin 1:22

i nu tau non dovon̄a aluda, be vi dovon̄ainia be gida bilana, i nu tau non Vui Sabuga lol irubwida be vi vora dovon̄ana huri non tatauleo duluai.

Ifisas 4:30

I gosav lol te Vui Sabuga be vi ron̄ mwahantai. Vui kea mwasigi non God be kea bilana God nu lai Vui lalainigo be men seserainia be God vi loligo gov maribwesi mahavana be nogonan gubwen̄ vi mai.

2 Timoti 2:19

Take bwatbwatu be God nu taria sihav rihuan te dumwi; ira iha haḡea keragea ram du aluna: “Ratahigi mwa ilo kera be bilana,” i “atatu n̄oto be rai vora bilan Ratahigi rav mambu gin lalaḡov hantai.”

1 Tesalonaeka 2:13

Mulei, gam avkari God bwatuna be batena be gin ron̄ non roroi nin kamai, gin lai ḡoḡoe kun be avoana non God, nu hav vora te avoana non atatu. I mwasigi be avoana non God, nu hav vora te avoana non atatu. I mwasigi be avoana non God be mwa lol rovoga alolomiu be gim binihimwasigi.

Ravrava non Pol lalai ata Rom 4:11

Ram dav dovon̄an Ebraham be men lol seserainia be nu vavtutu la lolmatan God sivi binihimwasigi garagusi vuvuri ram siv tav dovon̄ana. Ebraham kea tamara duluai gabe ram binihimwasigi, ta ram hav tav te dovon̄ara, kea tamara atat binihimwasigi duluai gabe ram dame be ran vavtutu la lolmatan God.

Taetas 2:11

Hala haḡea gea be mwa du be tav togo maia, bwatuna be hogoi non God nu visirai huba be vi lai varahuva lalai atatu duluai.

Kelesia 3:14

Kraes mwa lolia kungeki huribe vatavuha non God be nu tatauleo lalai Ebraham be rav mai sivi Kraes Jisas lalai ira Lolobon̄i. Jisas mwa mate huribe gin nonda binihimwasigi garagusi tav lai dum Vui Sabuga be God nu tatauleo huria.

Ravrava non Pol lalai ata Rom 1:16

Nam hav busbusi tehe gin Roroi Tavuha, huri be kea haḡea muramura be God nu lolia be men varahu sinombu be ram binihimwasigi nu varahu ira vara ira Jius muana, i mulei nu varahu kera be varate ira vara vai Israel.

Lalaḡova 2:33

God nu lol domareinia vai amare huba, be vi togo la mwatuana. God Tamanda nu lai Vui Sabuga lalainia huba, kun gabe nu tatauleo huba huria lalainia tuai. I ginau duluai gea be gim du gim ḡitae, i gim ron̄oe, kea rovoga non Vui Sabuga duluai gabe Jisas mwa laia lalai kamai.

Leo Tavuha gabe Jon nu Ravae 14:26

Gaituramiu gabe Vui Sabuga, kea gabe Tata vi horae lol ihaku, vi vagahi kimiu alun ginau duluai i vi lol kimiu giv vinihi dum ginau duluai gabe nan vevea lalai kimiu.”

Leo Tavuha gabe Jon nu Ravae 1:17

God nu lai Silo sivi Moses, take God mwa lai hogoi i mwasigi sivi Jisas Kraes.

Leo Tavuha gabe Luk nu Ravae 24:49

I inau siboku nav horae vai alumiu ginau gabe Tamaḡu nu tatauleo huria. Take giv hohov lol bwatutun vanua vai votu muramura ata amare vi himai alumiu.”

1 Pita 2:10

Tuai kimiu gin hav vorate atatu, take kadogaha kimiu haḡea atat non God. Tuai kimiu gin hav lai te sine hagavi, take kadogaha gim lai sine hagavi non God.

Ravrava non Pol lalai ata Rom 6:17

Amua gon vora turin vuro, i vuro nu haḡo rahumwa. Ta gov avkari God, gom dabe mwasigi ginau gabe gon lai silo vagahi huria.

Lalaḡova 1:4

Haḡe mahavana be ram mai ute gaituvwa, kea mwa lai avoan dau geki lalainira mwa bevea be, “Gisav van te nin vanua Jerusalem, take giv hohovi huri hogoi gabe Tamaḡu nu tatauleo huria, kea gabe nan vevea lalai kimiu.

Leo Tavuha gabe Jon nu Ravae 15:26

“Taro vi mai gabe Vui vi lol bisirai mwasigi huri God i kea mwa mai nin Tata. Nav horae huri kimiu nin Tata, i kea vi avo huriau.

Lalaḡova 13:26

“Ira tua kimiu ira Jius, gabe gim mai nin varan Ebraham, mai ira Lolobon̄i duluai teti gabe gim ḡogonai God: roroi huri varahuva geki be nu horae haḡea lalai gida!

Leo Tavuha gabe Jon nu Ravae 6:27

Gisav lalaḡo tehe huri ginaganiana be vi hantai dumwi ta giv lalaḡo huri ginaganiana gabe vi togo huri rahuana vai tuai. Geki haḡea ginaganiana gabe inau Nitun Atatu nav laia lalai kimiu, bwatuna God Tata nu tau dovon̄an non roron̄o aluku huba.”

Leo Tavuha gabe Luk nu Ravae 11:13

Kimiu atat hantai take gim ilo halana be gim lai ginau tavuha lalai ira nitumiu. Vaviha mulei be Tamamiu amare vi lai Vui Sabuga liu lalai ira hei gabe ram hudalinia huria!”

Visirai 7:2

Haḡe nam ḡita enjel vwate mwa mwalue nin tanon al tomare mai tigoro non God rahu. Kea mwa ulo amare gin silo gaivua lalai ira enjel gaivasi gabe God nu lai muramura lalainira be rav lol hantai tahi mai ureure.

Jemes 1:18

God nu vinihi tuhi be vi lai rahuana sivi avoan mwasigi be tai vora raumatan ginau duluai lol ginau duluai be nu lolia.

Hibru 2:3

Be gida tas varihai hal gaivua geki huri halan varahuva, i kunia tav lol haninia be tamen romaragai nin silo vevegi? Ratahigi sibona kea muana be nu vevea huri varahuva, i sinombu gabe ran ron̄ roroi lol taro gea mwa seserainia lalai gida be mwasigi.

2 Timoti 3:15

La mahavana be giḡo naturigi gon ilo Avoan Sabuga kea be mwa domuainigo vai lol varahuva sivi binihimwasigi garagusi lol Kraes Jisas.

2 Timoti 2:15

Gov lol ron̄oe lolmatan God be vi ron̄ mwandavuha ginigo. Gov mai gi atatun rovoga be gom hav busbusi tehe gin nom rovoga. Gov mai gi atatu be mwa bagahi atatu gin mwasin avoana non God la mwasin halana.

Ifisas 4:21

Nam iloe be gin ron̄oe huria, i kimiu haḡea alolona, i kimiu gin lai silo vagahi huri mwasigi be mwa dogo alolon Jisas.

2 Korin 6:7

gin avoan mwasigi, i gin muramura non God. Gam haḡo rahuana vavtutu mwa bora tutuḡoro huri kamai sibomai ḡoro ginau duluai.

Leo Tavuha gabe Jon nu Ravae 3:33

Take ihei tehe gabe mwa lai ḡoḡo non avoana, mwa dovon̄ainia be God kea mwasigi.

Jemes 1:21

Vuro i alen̄ deḡeteḡe gov tau dagainia nin rahumwa. Gin ron̄ maḡemu gov lai ḡoḡo silo vagahi non God i gov rivua lol irubwimwa. Silo vagahi geki vi varahu rahumwa.