Hibru 7:8 - Hano Niu Testamen

⁸ I ira tataroi be ram dogo ram lai tatan̄an gina ganiana kera gea, kera atat vuroi i rav mate dumwi. Take Melkisidek gea be mwa lai tatan̄an gina ganiana gea, kea atatu gabe buka Baebol mwa bevea be, mwa rahu mwa dogo.

Hibru 7:8 Referans Kwoze

Hibru 6:20

Jisas nu haroro huba aia la ihada, huria be men havan̄ matan halada. Kea nu mai gi Muai Tataroi huba vai tuai, kun muai tataroi gea Melkisidek tuai.

Hibru 5:6

Haḡe mwa bevea lol ute vwate mulei be, “Giḡo goi vora tataroi vai tuai, kun tataroi gea Melkisidek.”

Visirai 1:18

Inau gabe nam rahu. Nan mate take kadogaha nam rahu mulei vai tuai vai tuai. Nam muramuraga ḡoro mateana ureure non ira atat mate.

Hibru 7:23

I ginau vwate mulei be nu hav vora te kunia. Muana tuai kera gabe ira tataroi kera ivusi, bwatuna be kera atatu n̄an vuroi, i rav mate dumwi, i kunia rasav haḡo te dum nora rovoga huri mahavana n̄ava.

Leo Tavuha gabe Jon nu Ravae 14:19

Tiri ḡalia n̄an ureure sihav mom ḡitau tehe, take kimiu giv gitau; i bwatuna be nam rahu kimiu mulei giv rahu.

Hibru 3:16

Ira hei haḡea be ran ron̄ avoana non God ram ban burigainia? Geki kera gabe Moses nu tomuai luara nin Ijip.

Leo Tavuha gabe Jon nu Ravae 14:6

Jisas mwa bwaliua be, “Inau matanhala, mwasigi, i rahuana; atatu vwate sihav van te dum aben Tata dagai niniau.”

Hibru 9:27

Mwa du be atatu duluai rav mate vatuvwa i God vi vevegira.

Hibru 7:7

Kadogaha mwa melmelo tavuhai be atatu be mwa batavuhaiau, atatu gabe ihana nu lavoa vi vatavuhai atatu be mwa dogo gin alen̄a hivhivo.

Hibru 7:9

Bisata tai vev dumwia kunia be, tuai mahavana be Ebraham nu vol tatan̄an gina ganiana gea lalai Melkisidek, kun gabe Livae mulei nu lai tatan̄an ginaganiana gea mulei lalainia.