Hibru 6:11 - Hano Niu Testamen

¹¹ I kamai gam doron maragai be nomiu binihiva vi tu wasigi tagaro, i giv lai dum ginau gea be nomiu doronhohov mwa du wasigi aluna.

Hibru 6:11 Referans Kwoze

Hibru 3:6

Take Kraes, kea nitun God, i mwa binihi garagusi be vi gitaḡoro la imwan God. Batena be tav binihimwasigi wasigi alun God, i tam dau nonda binihiva mwa du wasigi aluna, gida tam mai gi imwan God.

2 Pita 1:10

Ira tuaku atamwani i vavine, giv vinihi hahavwani be kimiu mwasigi gin uloiana i gin gitan lua sivi God. Kebe giv lol ginau duluai geki, gisav hovi te dumwi.

Hibru 3:14

I gida duluai tam bulu alun rovoga non Kraes la bwativuna huri be tav haḡo te dum alun udun tatauleo non God vai votui nogonana.

Hibru 10:22

I huri ginau geki nu tavuha be tam mai sosori aben God be binihinda vi melmelo i nonda binihimwasigi garagusi ran wasi. Amua binihinda ran bibili gin vuroda, mwa melmelo be tam ḡagaru lol wai melmelo.

Visirai 2:26

Lalainira be rav muramuraga lol bwaloana vaivotu nogonana, inau nav lai muramura gea lalainira be tata nu laia lalaiau. Nav lai muramura lalainira ḡoro varan sinombu duluai la ureure, i rav lavoa ḡorora. I nora bwatan bwaloana be dovon̄an ihara be ihan tanon lavoa, i kea nu ḡun aian be nu dadariha be vi wehi bora rebehin atatu lol ute duluai, kunia be aian vi tal momogai bwalgulu n̄oto i vi maverovero,

1 Jon 3:14

Nonda lolotabetabe huri gida vatvataha mwa seserainia be, tan mwalue nin mateana vai lol rahuana. Take be gim hav lolotabetabe te kimiu, kea kimiu gim dogo radu lol muramura nan mateana.

2 Pita 3:14

Ira tuaku, lol taro be gim hohovi huri ginau geki be vi loli, giv lol ron̄oe be giv togo dagai nin vuro i dagai nin totoa bibili i han̄ora. Giv lol ron̄oe be giv lol tamwata mai God.

1 Pita 1:21

Sivi Kraes gim binihimwasigi God, gabe nu tomarei Kraes nin mateana i nu lai lalainia ute Sarisari. Nomiu binihimwasigi garagusi i nomiu doronhohov mwa do alolon God.

2 Tesalonaeka 3:13

Ta kimiu ira tuaku, gisav bwatiḡoruga tehe be giv lol tavuha.

Ravrava non Pol lalai ata Rom 15:13

Nam dataro lalai God be mwa hogoi doronhohov be vi hogon bamasiri kimiu gin ron̄ mwandavuha i tamwata lol taro be giv binihimwasigi garagusi aluna. I nomiu doronhohov vi maumauri gin muramura non Vui Sabuga.

1 Tesalonaeka 4:10

I mwasigi gim lolotabetabe atatun Kraes duluai be ram do Masedonia. Ira tuaku, kadogaha gam dura kimiu be giv tabera vivora liu.

1 Tesalonaeka 1:5

bwatuna be Roroi Tavuha be gan laia vai abemiu nu hav vora te gin avoana n̄ano, take gin muramura, non Vui Sabuga, i mai binihimwasigi wasi be kea mwasigi. Mulei gin iloe be gon togo kun hanigi batena be kamai abemiu be gai bului kimiu.

Kolosi 1:5

Batena be mwasin roroi be Roroi Tavuha mwa mai muana abemiu, gin ron̄oe huba i gim ilo doronhohov be mwa dogo alolona. Doronhohov geki kea bwatun nomiu binihimwasigi garagusi mai nomiu lolotabetabe be mwa lol vatuvwainia hurigo lol ute atamare.

Filipae 3:15

Gida duluai be tan metua lol hogoi ata lol vui mwa du be tai binbinihi huri hala geki mulei. I be aia ginau rituai be gim hav dame te huria, God vi lolira rav melmelo lalai kimiu.

Kelesia 6:9

Si hav sav gita te gida gin lolian tavuha. Tav lai vwain bilada gin rahuana vai tuai la mwasin tarona kebe si hav sav te gida.

1 Korin 15:58

Ira tuaku, giv tu wasigi. Gosav lin̄ te ginau vwate be vi leahigo. Gov lin̄ mulei duluainigo huri rovoga non God, huribe gom iloe be nom rovoga lol God mwa hav van te kaburai.

1 Korin 13:13

I ginau gaitolu geki ram du rahurahu vai tuai: binihimwasigi garagusi, doronhovhov, i lolotabetabe. Ta ginau mutai alolora kea lolotabetabe.

Matiu 24:13

Take wani gabe mwa du wasigi rahurahu vai votu nogonana vi rahu.

1 Jon 3:19

Kunia haḡea be tam iloe be tam huri mwasin hala non God? Geki haḡea hala be tam iloe be God mwa dogo mai gida.

Kolosi 2:2

Nam doronia be rav muramuraga i rav bul gaituvwa lol lolotabetabe be rav rosoga lol nora iloilo. La hala n̄an gea ram ilo ute rosoga dahuligi non God, kea Kraes sibona.

Kolosi 1:23

Geki vi loli be gov tu rahurahu wasigi i gov ilo didinigi lol non binihimwasigi. Gosav tagara te dagai nin doronhohov be nu laiana lalainigo sivi Roroi Tavuha. Inau Pol, atatun rovoga be nam bului lol toretoreanan Roroi Tavuha gea, Roroi Tavuha gea be atatu n̄oto lol ureure ram ron̄oe.

Ravrava non Pol lalai ata Rom 12:8

Ihei tehe be nu lai hogoi huri be vi lai avoan dura lalai atatu, kea vi lolia kunia. Ihei be nu lai hogoi be vi hogos atatu dolua, kea vi hogoi vuroinia. Ihei be nu lai hogoi be vi vora tomuai vi n̄aitai lol taro be mwa domua. Ihei be nu lai hogoi huri sine hagavi huri atat dolua vi lolia kunia gin samwarana.

Kelesia 5:5

Take gida tam haḡo mwasin doronhohov be mwa mai nin lolian vavtutu mai God, i gin Vui non God tam hohovi gin doroniva maragai huri doronhohov geki.

Leo Tavuha gabe Luk nu Ravae 1:1

Ratahigi Tiovilas: Atatu ivusi ran lol ron̄oe huba be ramen rava roroi huri ginau duluai gabe ran lolia abemai.