Hibru 13:9 - Hano Niu Testamen

⁹ Gisav huri te lalan̄an silo vagahi dodolua be mwa eno dagai nin hal vavtutu. Tav lai silo vagahi alun hogoi non God gabe mwa dabe gida, huria be vi lol wasi gida, take nu hav tavuha tehe be tav togo ba ḡita silo huri ginaganiana be vi lol gida tav wasi huria be ira hei gea be ram huri silo huri gina ganiana mwa hav buluira te n̄an haḡea.

Hibru 13:9 Referans Kwoze

Ifisas 4:14

I sihav n̄ava tehe gida tas hav mom bora te kun naturigi mulei. Tasav vora te kun waḡa be mwa halahala dadaligi navo mwa bohainia ban mwa mai. Sihav avte lumlum gida gin silo vagahi gara duluai gam ron̄oe non sinombu be ram lol ron̄oe be ramen saruruhi kamai. Ram dari halana i ram lol ron̄ hal saruruhi be men ruruhi sinombu vai alolon halan salana.

Ifisas 5:6

Gosav mahin̄a tehe be atatu vi saruruhigo ginia be men vev ginau lalainigo be ram hav vora te mwasigi, bwatuna be ginau kerageki vi lai lolhoro non God vai alura be ram hav tabe te silona.

Ravrava non Pol lalai ata Rom 14:6

Atatu be ram binibe gubwen̄i vwate nu sabuga nin rituai, ram lolia kunia huri God. I kera gabe ram ḡan ginau n̄oto, ram lolia kunia huri God, i ram lai avoan avkari lalai God. Rituai be ram barihai didi gan ginau rituai, ram lolia kunia lalai God, i ram lai avkari lalai God.

1 Jon 4:1

Ira noḡu buluana, gisav vinihi te mwasigi kera be ram bevea be ram haḡo Vui Sabuga, take giv haḡo ron̄ora be vui be ram haḡoe mwa mai nin God. Ira atatun vevsera tentene ivusi ram ban lol ureure duluai.

Lalaḡova 20:30

Tarona vi mai be atatu rituai n̄an mulei alolomiu rav tentene ba domuai letei ira binihimwasigi be rav hurira.

Ravrava nin Jud 1:12

Ram bora kun ginau bibili lol ginaganian sabuga be gim hogohogo alolona. Ram ḡan ginau maigo i ram hav matagu tehe, ram binihira sibora. Ran kun dodo be uhe sigai, be lan̄i mwa here dodorainia. Ram bora kun gai ata lol taron rara be ram mauri nin tano take vwaira sigai, i ram mate vairuruai.

1 Timoti 6:20

Timoti gov gitaḡoro havanau be God nu taua huba alumwa. Gov tu dagai nin alen̄ taltale, avoan hahantai i nin vigaigaiana huri hano be mwa uloiana be, “iloute.”

Ravrava nin Jud 1:3

Ira tuaku, nam doron maragai be nav ravae lalai kimiu huri varahuva be tam dogo alolona lol God. Take nav ravae i nav hudali kimiu be giv bwalo mwasigi huri binihimwasigi garagusi be God nu laia lalai non atatu.

Matiu 24:24

Bwatuna Kraes tentene i atatun vevsera tentene rai visirai i rav lol dovon̄a i taro ririhai be ramen salainira gabe God nu gita luara, be si dum.

Matiu 24:4

Haḡe Jisas mwa bwaliura be, “Giv gitaḡoro be ihei si hav ruruhi te kimiu.

Kolosi 2:4

Nam bevea kungeki huribe atatu vwate si hav saruruhigo tehe gin vigaigaiana be men tavuha, take tenteneana.

2 Korin 1:21

Giv iloe be, God gaituvwa be nu tau kimiu i kamai tam bulgaituvwa lol rahuana mai Kraes. God nu tau gida non ira sinombu gitalua,

1 Korin 8:8

Take ginaganiana si hav lai te gida sosori vai aben God. Take be tasav gan te ginau, tan vahal ginau vwate. Take be tav gan ginau, tam lai ginau tavuha vwate.

Ravrava non Pol lalai ata Rom 14:17

Lol ute ratahigi non God, ginaganiana i wai mwinu varate ginau gaivua. Ginau n̄ano be nu marahi, kea be gom lol vavtutu lalai God, tamwata, i samwarana lol Vui Sabuga.

Ravrava non Pol lalai ata Rom 14:2

Atatu rituai ram binibe nu tavuha be vi ganiana na lalan̄an ginaganiana n̄oto. Take rituai be ran mandamanda, ram binihimwasigi garagusi be nu vavtutu be vi ganiana n̄ano na ginaganiana be mwa rivuana lol ute loloara.

Lalaḡova 20:32

“I kadogaha nam lin̄ kimiu ta aten muramura non God i gin avoana huri non hogoi, gabe vi lol kimiu giv mauri wasigi, i vi lai lalai kimiu vatavuha God mwa laia huri non sinombu.

2 Tesalonaeka 2:2

Gosav lol te binihimwa vi lalan̄aga sa gosav matagu tehe be gov ron̄oe be gubwen̄i non ratahigi nu mai huba. Atatu vwate vi vevea kungeki lol toretore sa lol roroi sage lol ravrava vwate be ran vevea kunabe kamai gan ravae.

1 Korin 6:13

Atatu vwate vi vevea be “Ginaganiana kea huri tabwan̄i, i tabwan̄i huri ginaganiana.” Uwe, take God vi lol kaburai saraḡora. Rebehi mwa hav vora te huri vuron bwatigoro take huri Ratahigi, i Ratahigi kea mwa ḡita ḡoro rebehi.

Kelesia 6:1

Ira tuaku, be atatu vwate lol nomiu tatan̄ana mwa lol ginau vahala, giḡo gabe gom dogo lol Vui gos vano aben wani gea ba buluia ba lol bavtutu muleinia. Take giv gitaḡoro, bere gim ḡal kimiu vai lol vuro mulei.

Leo Tavuha gabe Luk nu Ravae 5:38

Take, waen gara vi sisiaiana vai lol bwelehu gara!