Hibru 13:14 - Hano Niu Testamen

¹⁴ Lol ureure geki bwatutun vanua lavoa vwate sigai be vi tu dum vai tuai, take gida tav atei vanua vwate be vi mai radu.

Hibru 13:14 Referans Kwoze

Filipae 3:20

Take mwasin vanuanda kea amare, i gida tam hohovi huri varahuda Ratahigi Jisas Kraes, be vi himai nin amare.

Hibru 12:22

Ta kimiu gin hav ḡao tehe habwe ginau kungeki i gin mai la vusi Saeon, i la bwatutun vanua gaivua gea vanuan God rahu be sihav mate te dumwi. Geki Jerusalem ata amare, mai ira enjel sinombu ram ḡoḡo bulbul abena.

Ifisas 2:19

Kadogaha kimiu ira Lolobon̄i gim hav mom bora te ira atat mai sage ira tausala mulei, take kimiu mwasin atatun vanua gaituvwa bul mai sinombu sabuga non God. Kimiu gim bora vara alun God.

2 Korin 4:17

Gam habwe taro ririhai kokolo huri mahavana kadogaha, take ram bului kamai be gav lai dum sarisari vai tuai kea haḡea ginau gaivua lalai kamai liu taro ririhai.

1 Korin 7:29

Ira tuaku, geki haḡea binihivanan hano be nam bevea: Taro vwelvwele huba mwa du lalai gida. Mwa dau bwatuna kadogaha, kera gabe tasalara abena rav togo kun gabe tasalara sigai.

1 Pita 4:7

Taro vi sosori be ginau duluai vi nogo. Giv binbinihi tavuha i giv vwalau rebehimiu sibomiu i kimiu giv lol dumwia be giv tataro.

Hibru 4:9

Take mwa hav vora te kunia. Haḡe bwatuna gea, tarona radu huri sinombu non God be rav haroro huri mambuana la hala n̄an gea be God nu lolia amua, gabe nu mambu harainia la gubwen̄ gaibituna.

Hibru 2:5

Tam iloe be God nu hav tau te non binihiv dau huri ureure aten muramura non ira enjel.

Hibru 9:11

Imwa haohao sabuga gea be mwa dogo alolona nu liu nin ata amua. Imwa gea atatu ram hav lolia tehe, nu hav vorate ginau non ureure be God nu lolia.

Hibru 10:34

Gom bului atat binhimwasigi be ram dogo lol vauvauhi. I lol taro be atatu ram mai ram lai dagai nomiu vataha ginau take kimiu gim samsamwara n̄ano, huribe gim iloe huba be nomiu vataha ginau rituai ram dogo be ran tavuha liu, i be rasav van te dagai nin kimiu.

Hibru 12:27

Avoana gea be God mwa bevea be, “Vi vora vatuvwa mulei,” kea mwa lolia mwa seserainia mwa melmelo be God mwa bevea huri ginau ata lol ureure geki be kea nu taua. Kea vi lol ginau kera gea rai virururu, i vi lai dagainira. Take ginau kera gabe rasav virururu te dumwi, ginau n̄an kera gea rav tu dumwi.

Visirai 3:12

Nav lolira be ran muramuraga lol bwaloana rav mai gi gai mahan̄an imwa tataro alolon imwan noḡu God, i sihav derai te dumwia. I nav rav ihan noḡu God aluna, i ihan bwatutun ihan vanuan noḡu God, Jerusalem gara, gabe vi himai vai ata nin ute amare nin noḡu God. I nav rava ihaku mulei aluna, iha gara.”