Hibru 12:22 - Hano Niu Testamen

²² Ta kimiu gin hav ḡao tehe habwe ginau kungeki i gin mai la vusi Saeon, i la bwatutun vanua gaivua gea vanuan God rahu be sihav mate te dumwi. Geki Jerusalem ata amare, mai ira enjel sinombu ram ḡoḡo bulbul abena.

Hibru 12:22 Referans Kwoze

Filipae 3:20

Take mwasin vanuanda kea amare, i gida tam hohovi huri varahuda Ratahigi Jisas Kraes, be vi himai nin amare.

Kelesia 4:26

Take Jerusalem atamare, kea kun vavin maribwesi i ratahida.

Visirai 14:1

Haḡe nam ḡarere i nam ḡita Nitui Sipsip mwa du la Vusi Saion; i tovtovon sinombu gabe ram du bul maia vasan̄vul vudolu vatuvwa vena n̄avul gaivasi domwan gaivasi (144,000), gabe ihana mai ihan tamara nu ravara alun rera.

Visirai 21:2

I nam gita bwatutun vanua sabuga, Jerusalem Gara, mwa himai nin God lol ute atamare vai ataa. Nu vagaha vatuvwainia kun vavin lagi nu gabuinia huri lagiana i mwa hohovi be vi visogari mai ahoana.

Visirai 22:19

Haḡe be ihei tehe vi lai dagai te havanau tehe nin buka geki, God vi lai dagai rahuana ninia huri gain rahuana vai tuai mai bwatutun vanua sabuga be mwa bevea huria alolon buka geki.

Visirai 3:12

Nav lolira be ran muramuraga lol bwaloana rav mai gi gai mahan̄an imwa tataro alolon imwan noḡu God, i sihav derai te dumwia. I nav rav ihan noḡu God aluna, i ihan bwatutun ihan vanuan noḡu God, Jerusalem gara, gabe vi himai vai ata nin ute amare nin noḡu God. I nav rava ihaku mulei aluna, iha gara.”

Hibru 13:14

Lol ureure geki bwatutun vanua lavoa vwate sigai be vi tu dum vai tuai, take gida tav atei vanua vwate be vi mai radu.

Hibru 11:10

Ebraham mwa dogo kunia bwatuna be mwa do mwa hohovi be vi vano vai la bwatutun vanua be God mwa lol vatuvwai halana, i mwa haḡo domareinia. I bwatutun vanua gea bwatbwatuna vi tu bavtutu wasigi vataha mahavana.

Visirai 21:10

Haḡe gin buluiana non Vui, kea mwa domuaiau vai la n̄alivun vusi holomare. I aia kea mwa bagahiau gin bwatutun vanua sabuga Jerusalem mwa himai amare nin God.

Visirai 7:2

Haḡe nam ḡita enjel vwate mwa mwalue nin tanon al tomare mai tigoro non God rahu. Kea mwa ulo amare gin silo gaivua lalai ira enjel gaivasi gabe God nu lai muramura lalainira be rav lol hantai tahi mai ureure.

Ravrava nin Jud 1:14

Enok, gaibitun vara ata la Adam, mwa bevea huri atatu kerageki be: “Gitae, Ratahigi mwa mai, mai non ira enjel vasan̄vul vavasi be

Hibru 10:31

God gea mwa rahu vai tuai i tuai i be tav ḡao lol limana be vi vevegi gida, kea ginau matagui vwate be nu hantai maragai.

Hibru 9:14

Take dagan Kraes vi lol rovoga wasi maragai. Kraes nu kun ginau rahu be ginau vwate nu hav hantai tehe lol rebehina be ram wehia huribe men lai dagai vuron atatu. Gin muramura non Vui Sabuga be mwa dogo vataha mahavana mwa lai rahun Kraes vai aben God. Dagana mwa lol binihinda mwa melmelo lol ginau duluai be tam lolia, huria be tav lol dum rovoga non God be mwa rahu.

Hibru 3:12

Kimiu ira tuaku mai ira hogosiku. Giv gitaḡoro be vwate nin kimiu lolona sihav masiri tehe gin binihiv hahantai, i kea sihav binihi te mwasigi God rahu, i kea vi taleva ninia.

1 Tesalonaeka 1:9

Sinombu vataha ute ram bevurinia be gin lai ḡoḡo kamai batena be kamai aia mai kimiu. Ram bevurinia be kun hanigi giv lin̄ ira nunvatu i gim bavora gim lol rovoga huri God rahu i God mwasigi.

Ravrava non Pol lalai ata Rom 11:26

I kea haḡea kun hanigi ira Jius rav rahu. Nu ravana lol ravrava sabuga be: “Varahu vi mai nin Saion kea vi lai lua lalaḡov hantai nin ira varan Jekob.

Ravrava non Pol lalai ata Rom 9:26

I lol ute n̄an gea, be tuai nan vevea lalainira be, ‘Kimiu vorate noḡu atatu,’ nav vevea lalainira be, ‘Inau God be nam rahu, nam dogo vai tuai, i kimiu ira nituku.’ ”

Matiu 5:35

Gisav vev te ihan ureure, bwatuna be ureure mwa dogo aten muramura non God. Mulei gisav vev te ihan Jerusalem, bwatuna be kea vanuan Ratahigi lavoa.

Matiu 16:16

Saemon Pita mwa bwaliua be, “Giḡo haḡea Mesaea, Nitun God varahu.”

Ifisas 2:19

Kadogaha kimiu ira Lolobon̄i gim hav mom bora te ira atat mai sage ira tausala mulei, take kimiu mwasin atatun vanua gaituvwa bul mai sinombu sabuga non God. Kimiu gim bora vara alun God.

2 Timoti 4:18

God vi varahuau lol taro be ihei mwa doronia be vi lol ḡagarasiau, i vi lai rahurahuiau vai lol non Ute Ratahigi amare. Uloi roroi God vai tuai i vai tuai! Amen.

Hibru 11:16

Kera gea ram doron ute dolua vwate gi tanora gabe nu tavuha liu, i ute lol ute atamare n̄ano. I huria gea busbusiana sigai mai God, huria be kera ram bevea be kea nora God, huria be God mwa lol dautau bwatutun vanua vwate huba huria.