Hibru 12:2 - Hano Niu Testamen

² Matada vi tutu alun Jisas vataha mahavana, huria be alen̄an nonda binihimwasigi garagusi nu mwalue n̄an ninia, i nu bwativuga la vavorana vai votui nogonana. Mahavana be nu hae be men mate la volovolo, nu hav derai te dagai hala gea. Nu gita batoia, be kea vi ron̄ mwa davuha nu hav mom binihia tehe be non duleana la volovolo gea vain busbusiana lalainia, kea nu samsamwara n̄ano. I kadogaha, kea mwa dogo lol ute ata amare la mwatuan Tanon togotogon Ratahigi God.

Hibru 12:2 Referans Kwoze

1 Pita 3:18

Kraes sibona nu ron̄ ḡagarasi huri Vuro vatuvwa n̄an huri sinombu duluai. Kea nu hav matagu tehe be vi lai kimiu vai aben God. Rebehina nu wehiana, take kea nu rahu alolon vui.

Hibru 1:3

I Nitun God mwa haḡo mwasin roron̄o non God i sarisarina duluai, i kea nu ḡun God la hala duluai. Kea mwa haḡo bul ureure duluai, gin non avoan muramura. Ataguna be Nituna mwa dugu kaburai vuroda duluai, kea mwa domahuri la mwatuan roron̄o non God lol ute ata amare.

Ifisas 5:2

Gov togo lol rahuana lolotabetabe kunia gabe Kraes nu tabe gida i nu lin̄ia sibona huri gida kun gabe hogoi bonboni i tataroi lalai God.

Filipae 1:6

God nu tau bwatuna be men lol rovoga tavuha alolomiu, i inau nam binihimwasigi be vi van rahurahu aluna vaivotu be vi nogoinia batena be Kraes Jisas vi mai mulei.

Hibru 9:28

Kunia Kraes mwa lin̄ muleinia gi tataroi vatuvwa n̄ano be men lai dagai vuron sinombu. Kea vi mai mulei varuana, take lol taro gea mwa hav mai tehe be men lin̄ muleinia huri vuro, take men lai rahuana hurira be ram hohovia.

Leo Tavuha gabe Jon nu Ravae 6:40

Huri havanau be Tamaḡu mwa doronia, mwa doron be kera duluai be ram ḡita Nituna i ram binihimwasiginia rav haḡo rahuana vai tuai. I nav lol domarei muleinira vai lol rahuana lol nogonan gubwen̄i.”

1 Pita 3:22

Kadogaha Jisas nu vano vai lol ute atamare i mwa dogo la mwatuan God i mwa ḡitaḡoro ira enjel, ira roron̄o i ira muramura.

Lalaḡova 5:31

God nu lol domareinia vai la mwatuana kun gabe Tomuai i Varahu, be vi lai lalai sinombu ira Jius mahin̄ana huri tanon binihi leahi i, vi tugu kaburai vurora.

Leo Tavuha gabe Luk nu Ravae 24:26

Matuke nu hav maron̄ron̄o te lalai Kraes wani Vurai be men ron̄ḡagarasi alun ginau kera geki i gim haroro lol sarisarina?”

Ravrava nin Jud 1:21

Giv togo lol lolotabetabe non God, lol taro be gom hohovi huri sine hagavi non Ratahigi Jisas Kraes mai non Vui be vi lai rahuana lalainigo vai tuai.

Hibru 8:1

Geki haḡea kun be muana huri bwativun nomai avoana duluai. Nonda muai tataroi gaituvwa, be nu vavtutu kun gabe kamai gam bevea. Kea mwa dogo lol ute atamare huba, i mwa dogo la mwatuan God gabe muramura duluai nona.

2 Timoti 4:8

Kadogaha, gaisosorin bwatu mwa do dautau hohoviau. Gaisosorin bwatu be God nu tau bavtutuiau maia. God be mwa harahara bavtutu, kea vi lai gaisosorin bwatun gea lalaiau la Nogonan Gubwen̄. Sihav vora te lalaiau gaheku take lalainira duluai be ran hohovi gin lolotabetabe huria be vi mai mulei.

Filipae 3:20

Take mwasin vanuanda kea amare, i gida tam hohovi huri varahuda Ratahigi Jisas Kraes, be vi himai nin amare.

Leo Tavuha gabe Mak nu Ravae 14:36

Mwa dataro mwa bevea be, “Tata, Tamaḡu! Ginau duluai nu maron̄ron̄o lalainigo. Lai dagai laha huri ron̄ḡagarasi uhu niniau. Take noḡu doroniva vina nomwa n̄ano.”

Visirai 2:8

Gov rav noḡu avoana vi vano lalai enjel lol uloilua Smana ba bevea be, “Geki roroi nin wani be kea muana i nogonana, i gabe nu mate i mwa rahu mulei.

Hibru 13:13

Kunia mulei gida tav hiv avare dagai nin bwatutun vanua i tav bete la non busbusiana.

Hibru 5:9

Mahavana be kea mwa bavtutu, i mwa bora gi bwatun varahuva be mosmosianana nu sigai huri kera be ram dabea.

Leo Tavuha gabe Jon nu Ravae 13:3

Jisas nu iloe be Tata nu lai muramura duluai lalainia; nu iloe be kea nu mai nin God i vi vano vai aben God.

Leo Tavuha gabe Luk nu Ravae 17:5

Haḡe ira hala ram hudali Ratahigi ram bevea be, “Gov lol gavuai nomai binihimasigi garagusi.”

Leo Tavuha gabe Mak nu Ravae 9:24

Haḡe tamana mwa haharigi amare mwa bevea be, “Nam binihimwasigi garagusi, take noḡu binihimwasigi garagusi nu hav dadariha tehe, buluiau ba noḡu binihimwasigi garagusi na wasi!”

Hibru 12:3

Nu tavuha be kimiu giv vinihi dum taro ririhai duluai be nu dumwia, gabe ira tomuai lete ran tomare ram ban burigainia. I kunia nomiu binihiva si hav hovi tehe take giv tu wasigi lol nomiu binihimwasigi garagusi.

Ifisas 2:16

Ita mulei bwatuna Kraes be men lol kaburai silo harabora lol davolan tatan̄ana gairua, be men lolira ramuru bora rebehi gaituvwa, i be men lai muleinira lalai God. Kraes mwa lol ginau duluai geki gin mateanana la volovolo.

Lalaḡova 5:41

Mahavana be ira hala ram bwihavare, ram samsamwara, bwatuna be God vi vev dumwia ke ram dadariha be rav ron̄ ḡagarasi bwatuna Jisas.

Leo Tavuha gabe Jon nu Ravae 12:32

Batena be vi lol domareiau nin ureure geki, nav haraḡoḡo atatu duluai huriau.”

1 Pita 1:11

Vui non Kraes nu togo alolon ira atatun vev sera, nu vev daua huri ron̄ ḡagarasi non Kraes i huri sarisari be vi huri ron̄ ḡagarasi gea Ira atatun vev sera ran lol ron̄oe be rav hiḡehiḡe huri havanau be Vui Sabuga mwa bagahira, lol taro be ginau kerageki ran loli, i havanau haḡea ureure vi kunia lol taro gea.

Hibru 10:14

La tataroi tuntun gaituvwa n̄an gea Kraes mwa lol atatu duluai ram sabuga i ran vavtutu duluai, i gov togo kunia vai tuai.

Leo Tavuha gabe Jon nu Ravae 12:24

Nam bev mwasigi lalai kimiu be: birin koni, mwa du be vi hovi lol tano ba mate, bisata vi togo gahena, ta be vi mate vwaina vivora ivusi.

Leo Tavuha gabe Jon nu Ravae 8:56

Tamamiu Ebraham nu samsamwara huribe kea vi gita noḡu maiana; nu gitae i mwa samsamwara.”

Leo Tavuha gabe Jon nu Ravae 1:29

Haḡe gubwen̄ dolua Jon mwa ḡita Jisas mwa mai huria, mwa bevea be, “Kea ha kahaḡa be Nitui Sipsip bilan God, gabe mwa lai dagai vuron ureure!

Leo Tavuha gabe Luk nu Ravae 23:11

Herod maira non atatun bwaloana ram lol leilei Jisas i ram rav savwiria; ram dau koti tavuha vwate aluna i ram hora muleinia vai aben Paelat,

Matiu 20:28

Kun inau, Nitun Atatu, nam hav mai tehe be ramen lol noḡu rovoga. Take nam mai be namen lol nora rovoga, i nam lin̄ rahuku be men vol rahun atatu ivusi.”

Matiu 16:21

Nin mahavana gea Jisas mwa dau bwatuna mwa bev luae lalai non roron̄tai be, “Mwa du be nav hae vai Jerusalem, i nav ron̄ḡagarasi maragai gin hano be ira bwatmetua ira Jius maira muai tataroi maira vagahin Silo rav lolia aluku. Kera rai wehiau, nai mate. Itake atagun gubwen̄ gaitolu God vi lol domarei muleiau.”

Visirai 1:17

Mahavana be nam ḡitae nam hovi vai lol bwalagena kun atat mate. Take mwa dau mwatuana aluku mwa bevea be: “Gosav matagu tehe! Inau muana, i nogonana.

Visirai 1:11

Silo mwa bevea be, “Rava havanau be gom ḡitae alolon buka. I gov horae vai lol uloilua gaibitu kera geki kun Ivisas, Smana, Pekamam, Taeatira, Sadis, Viladelvia i Laodisia.”

Hibru 7:19

Silo non Moses gea nu hav dadariha te dumwi be vi vavtutui ginau vwate be nu vavtutu. Take kadogaha alen̄a vwate dolua be nu tavuha nu visirae huba, huria be tav tau nonda doronhohov wasigi aluna. I alen̄a gea mwa do mwa lai gida tan mai sosori gin God.

Hibru 1:13

God nu hav vevea tehe lalai non ira enjel vwate be, “Gov togo la mwatuaku vaivotu be nav tau nom ivwalu gi tanon vavarahin bwalagemwa!”

Lalaḡova 2:36

“Haḡe sinombu duluai ira Jius rav iloe mwasigi be, Jisas geki gabe gin vohae vai alun volovolo, kea mwasigi atatu gabe God nu taua, Ratahigi i Wani Vurai.”

Leo Tavuha gabe Mak nu Ravae 9:12

Kea mwa bwaliura mwa bevea be, “Elaija mwasigi vi mai amua be men lol vatuvwai ginau duluai. Take huri hano ravrava sabuga mwa bevea be, Nitun Atatu vi ron̄ḡagarasi gaivua i rai varihainia?

Visirai 1:8

Ratahigi God mwa bevea be, “Inau muana i nogonana, inau Alva i Omeka, gabe mwa dogo mwa rahu i mwa mai. Inau God muramura duluai.”

Hibru 11:36

Atatu rituai atatu ram manuhi hantainira, i ram bivilisira. I atatu rituai mulei kunia atatu ram bauhira gin gao talai ram daura lol imwa vauvauhi.

Hibru 10:33

Gubwen̄ rituai ram bev bwarebware kimiu lolmatan atatu i ram lol bwarebware kimiu.

Leo Tavuha gabe Mak nu Ravae 16:19

Haḡe ataguna be Jisas nu avo vuvuri maira, kea mwa hae mulei vai amare mwa dogo la mwatuan God.

Lalaḡova 3:15

Haḡe kunia gim wehi atatu gabe mwa domua huri rahuana, take God mwa lol domareinia atagun mateana, i kamai haḡea gaitura huri ginau geki.

1 Korin 1:18

Silo vagahi huri volovolo kea mwa bora bwaḡele lalainira gabe ran sala, take lalai gida be tam rahu lol binihimwasigi, kea muramura non God.

1 Korin 1:23

Take gam doretore alun Kraes be nu voha bolvoloe. I geki mwa bora ginau vahala be gaivua lalai ira Jius, i ira Lolobon̄i ivusi ram binihia be ginau bwaḡelega.

Jemes 2:1

Ira tuaku duluai be nam dabe kimiu, gim binihimwasigi lol nonda Ratahigi sarisari Jisas Kraes, i gisav vinihia tehe be atatu rituai raumatan atatu liu rituai.

Leo Tavuha gabe Mak nu Ravae 15:28

La hala geki Ravrava Sabuga mwa mai gi mwasigi batena mwa bevea be, “Mwa mate bultai maira hantai.”