Hibru 12:14 - Hano Niu Testamen

¹⁴ Giv lol ron̄oe be giv togo lol tamwata lolmatan sinombu, i giv togo lol rahuan gogona. Be gosav haḡo te alen̄a geki, gosav gita te dum God.

Hibru 12:14 Referans Kwoze

2 Korin 7:1

Ira tuaku, tatauleo uhu lalai gida nin God, tav lol gida siboda be tai melmelo tai maribwesi nin ginau be rav lol rebehida mai atmateda rav bibili. Tav lol ron̄oe be tav sabuga la hala be tam dogo aluna, bwatun be tam binihi marahi God.

1 Tesalonaeka 4:7

God nu hav uloi te gida be tav togo lol vuro, take tav togo melmelo.

1 Pita 3:11

Mwa du maragai be kea vi nogo nin ginau hahantai i vi lol ginau tavuha. Mwa du be kea vi hiḡe tamwata i vi lol rovoga huria.

Ravrava non Pol lalai ata Rom 12:18

Gov lol ron̄oe be gav togo lol tamwata mai atatu duluai.

Ravrava non Pol lalai ata Rom 14:19

I tav lol ron̄oe be tav lol hano be mwa lol tamwata i mwa bului gida gaitutuvwai.

1 Tesalonaeka 3:13

Nam dataro be lolomiu vi tu wasigi, be giv vora atat sabuga i vahalana sigai lolmatan nonda i Tata batena be nonda Ratahigi Jisas vi mai mai non ira sabuga duluai.

Ravrava non Pol lalai ata Rom 6:22

Ta kadogaha gom du dagai nin vuro i gom mai gi turi non God. Geki mwa lai rahuana lalainigo huri God n̄ano, i geki mwa lai rahuana lalainigo vai tuai.

3 Jon 1:11

Tuaku gosav huri te havanau be nu hantai; gov huri hano be nu tavuha. Atatu be mwa lalaḡo tavuha kea bilan God. Take atatu be mwa hav lalaḡo te tavuha mwa hav ilo te hohoi God.

Ifisas 5:5

Giv ilo dumwia be atatu be mwa lol bwatigoro mai vavine sa atamwani sage mwa lol ginau hahantai, i bugurana (huribe bugurana kea dovon̄an gogonaiana lalai tagaro dodolua). Kea sihav togo te dumwi lol Ute Lavoa non Kraes i non God.

Hibru 12:10

Ira tamanda ata lol ureure geki, mahavana be ram lai silo vevegi lalai gida, ram lolia huri mahavana vwelvwele n̄ano, dadariha mai nora iloute. Take God Tata mwa bevegi gida huri be men vavtutui gida, i tav bulu dum maia be tav gogona, kunia be kea nu gogona.

1 Timoti 6:11

Take giḡo, atat non God gov romaragai nin ginau kera gea. Ninia gea, gov togo la hal vavtutu, lol rovoga lalai God, haḡo binihimwasigi garagusi, lolotabetabe, alen̄ mahuri i alen̄ maḡemu.

1 Pita 3:13

Kebe gom binihi hahavwani be gov lol tavuha, atatu vwate sihav lol te ḡagarasigo.

Leo Tavuha gabe Mak nu Ravae 9:50

“Tahi ginau tavuha; be tam lolia lol ginaganiana, take la mahavana be garagarana mwa bano, gov lol haninia be vi garagara mulei?” “Tahi vi togo lol rahumiu tagaro i giv togo lol tamwata tagaro bul mai ira tuamiu.”

2 Pita 3:11

La hala gea ginau duluai vi lolian kaburai! Haḡe hava lalan̄an atatu haḡea mwa du be vi vora kunia? Kimiu mwa du be giv rahu lol rahuanan vui i giv lol rovoga lalai God,

1 Korin 1:10

Ira tuaku, inau hala non Jisas Kraes, nam navohi kimiu be giv bulgaituvwa huribe harabora vi sigai lol davolamiu. Giv bulgaituvwa mai binihiv gaituvwa lol binihimiu mai alen̄amiu.

Leo Tavuha gabe Luk nu Ravae 1:75

Gin togoana sabuga mai vavtutu la lolmatana vataha gubwen̄ida duluai.”

2 Timoti 2:22

Giv romaragai nin ginau hantai be ira malaḡelo mai ira dadaulato ram doron be rav lolia. Butu wasigi be gov lago bavtutu i haḡo binihimwasigi garagusi, lolotabetabe, i tamwata, bulbulu maira be ram butu alun Ratahigi alolon lolo melmelo duluai.

1 Tesalonaeka 5:15

Giv gitae be ihei sihav vwaliu te vahalana gin vahalana. Take tagaro giv lol ron̄oe be giv lol hano be nu tavuha lalai kimiu gaitutuvwai i lalai sinombu.

2 Pita 3:18

Take giv mauri lol hogoi i mataisao non nonda Ratahigi varahuda Jisas Kraes. Sarisari lalainia Kadogaha i vai tuai! Amen.

Filipae 3:12

Nam hav vevea te gin binihiva be, inau huba kunia be God mwa doroniau. Nam hav votui te radui tovtovo gea, i nav laia noḡu. Kraes Jisas mwa doroniau be nav lolia kunia bwatuna haḡea gea mwa loliau nam mai gi bilana.

2 Korin 6:17

God mwa bevea kunia, “Giv visdagai nin sinombu kera gea, i giv hara bora. Gisav sibweri te hano be ran hav melmelo tehe, kunia inau nav laiḡoḡo kimiu.”

1 Korin 13:12

Kadogaha tam ḡita nunu be mwa hav melmelo tehe, kunia be tam ḡitae lol kilas gitagita, take tav gitae vi melmelo. Kadogaha nam ilo uduna n̄ano, take nav ilo duluainia, kunia be God nu iloau.

Kelesia 3:21

Mandovai gin binihiva be silo mwa hav dara tehe la tatauleo non God? Sigai hohoigi! Kea vi vora mwasigi n̄ano be silo vi lol gida tav vavtutu. Take God nu hav lai te silo be vi lai dum rahuana.

Hibru 9:28

Kunia Kraes mwa lin̄ muleinia gi tataroi vatuvwa n̄ano be men lai dagai vuron sinombu. Kea vi mai mulei varuana, take lol taro gea mwa hav mai tehe be men lin̄ muleinia huri vuro, take men lai rahuana hurira be ram hohovia.