Filipae 1:27 - Hano Niu Testamen

²⁷ Ginau gaituvwa n̄an be nam binihi maragainia. Be giv gitae be giv togo la hala be vi lai binihi marahi lalai Roroi tavuha huri Kraes. Be nam dogo mai kimiu sa nam lago dagai nin kimiu, be gim du wasigi mai binihiv gaituvwa, be giv lol rovoga bulbulu kun gaituvwa lol binihimwasigi garagusi huri Roroi Tavuha.

Filipae 1:27 Referans Kwoze

Ifisas 4:1

Inau lol imwa vauvauhi bwatuna be inau bilan Ratahigi. God nu gita lua kimiu be giv vora non sinombu, i nam avdura kimiu kadogaha be giv togo lol rahuana gabe God mwa uloi kimiu huria.

1 Korin 1:10

Ira tuaku, inau hala non Jisas Kraes, nam navohi kimiu be giv bulgaituvwa huribe harabora vi sigai lol davolamiu. Giv bulgaituvwa mai binihiv gaituvwa lol binihimiu mai alen̄amiu.

2 Pita 3:14

Ira tuaku, lol taro be gim hohovi huri ginau geki be vi loli, giv lol ron̄oe be giv togo dagai nin vuro i dagai nin totoa bibili i han̄ora. Giv lol ron̄oe be giv lol tamwata mai God.

Kolosi 1:10

Gov togo lol rahuana be mwa lol doroniva non God la hala duluai. Nom rovoga tavuha vi vwaevwae i vi mauri lol mataisao non God.

Ravrava nin Jud 1:3

Ira tuaku, nam doron maragai be nav ravae lalai kimiu huri varahuva be tam dogo alolona lol God. Take nav ravae i nav hudali kimiu be giv bwalo mwasigi huri binihimwasigi garagusi be God nu laia lalai non atatu.

1 Tesalonaeka 4:1

Ira tuaku, gan vagahi kimiu be hanigi giv togo la hala be God vi samsamwara ginia, i kimiu gim dogo alun hala gea. Kadogaha gam hudaligi i gam avdura kimiu lol Ratahigi Jisas be giv togo la hala gea vi liu.

Filipae 2:12

Ira tabetabe, kun vataha mahavana gim roron̄taiau batena be nam dogo mai kimiu, vi tavuha maragai be giv roron̄taiau batena nam hav togo te mai kimiu. Giv lol rovoga ḡaoḡao gin binihi marahi mai huiruru be giv lai dum rahuana,

Filipae 3:18

Atatu ivusi ram dogo kun be ira ivwalu huri volovolo non Kraes. Vataha mahavana nan vevea lalai kimiu hurira i mwa loliau mataruaku mwa hovi be namen vevea lalai kimiu kadogaha.

2 Korin 13:11

Kadogaha, ira tuaku nam bevea be tai vilin̄lin̄i. Giv lol ron̄oe be giv mai gi atat duluai. Giv lol havanau be nan hudali kimiu be giv togo lol tamwata. Vuvuri God be kea lolotabetabe i tamwata vi togo mai kimiu.

Lalaḡova 4:32

Ira binihimwasigi ram dogo gin binihiv gaituvwa mai lolora duluai. Atatu vwate sigai alolora be mwa uloi non ginau sibona be nona gahena, take ram hara ginau be nora sibora batvatahara.

2 Pita 3:11

La hala gea ginau duluai vi lolian kaburai! Haḡe hava lalan̄an atatu haḡea mwa du be vi vora kunia? Kimiu mwa du be giv rahu lol rahuanan vui i giv lol rovoga lalai God,

1 Korin 15:58

Ira tuaku, giv tu wasigi. Gosav lin̄ te ginau vwate be vi leahigo. Gov lin̄ mulei duluainigo huri rovoga non God, huribe gom iloe be nom rovoga lol God mwa hav van te kaburai.

Ravrava non Pol lalai ata Rom 1:16

Nam hav busbusi tehe gin Roroi Tavuha, huri be kea haḡea muramura be God nu lolia be men varahu sinombu be ram binihimwasigi nu varahu ira vara ira Jius muana, i mulei nu varahu kera be varate ira vara vai Israel.

Jemes 3:18

Atatu be ram riv birin tamwata rav harahara ginau tavtavuha huri rahuan tavuha.

Filimon 1:5

bwatuna be nam ron̄oe huri lolotabetabe be gom lolia huri ira sinombu sabuga non God duluai, i nom binihimwasigi garagusi alun Ratahigi Jisas.

Taetas 2:10

Rasav surai te nora ratahigi take rav lol ron̄oe be rav seserainia lalainira be rav tau dum nora butuana aluna. Lol ginau duluai be ram lolia, ram lol silo vagahi non God varahuda be vi lol dum doroniva non atatu.

2 Timoti 4:7

Nan bwalo gin bwaloan tavuha, nan nogoi rovoan viluslusi, nan haḡo batugehi binihimwasigi garagusi.

1 Timoti 1:19

Gov binihimwasigi garagusi tagaro i gov lol havanau be gom iloe be nu vavtutu. Atatu rituai ram binihi marahinia, i nora binihimwasigi garagusi mwa bora kun waḡa be mwa saḡa.

1 Timoti 1:11

Silo vagahi kea udun Roroi Tavuha non God samsamwara kea nu lai lalaiau be nai vevea.

Lalaḡova 2:46

Vataha gubwen̄i ram ḡoḡo ute gaituvwa vataha tatan̄ana lol Imwa Tataro, i ram ḡan gara ginau ute gaituvwa lol imwara gin samwarana i lolo tavuha,

Matiu 12:25

Haḡe Jisas mwa ilo nora binihiva, mwa bevea lalainira be, “Vanua vwate si haraborae sibona gi tatan̄an ivusi be men bwalo, si hav tu tehe. Haḡe be bwatutun vanua vwate sage imwa vwate si haraborae sibona gi tatan̄an ivusi be men bwalo, si hav tu te dum.

1 Tesalonaeka 3:6

Take Timoti kadogaha nu mai mulei nin kimiu vai abemai nu tabagilu mai Roroi Tavuha vai abemai huri nomiu binihimwasigi garagusi i lolotabetabe. Nu vevea lalai kamai be kimiu mulei gim binihi dum kamai lol hal tavuha i be gim doron be gimen gita te kamai kunia be kamai mulei gam doron be gamen gita te kimiu.

Kolosi 1:4

bwatuna be gan ron̄oe huri binihimwasigi garagusi be gin togo maia huri Kraes Jisas i lolotabetabe be gin haḡoe huri ira atatu non God.

Filipae 2:24

Nam binihimwasigi be Ratahigi vi buluiau be nai mai vai abemiu barabe vi n̄ava.

Ifisas 1:15

Bwatuna haḡea nu tau bwatuna be nam ron̄oe huri nomiu binihimwasigi garagusi lol Ratahigi Jisas i nomiu lolotabetabe huri sinombu non God,

Ifisas 1:13

Haḡe kea mai kimiu mahavana be gin ron̄ mwasin silo vagahi huri Roroi Tavuha be vi lai varahuva lalai kimiu, kimiu gim binihimwasigi alun Kraes. I lol Kraes, God mwa dau mwasin non dovon̄a alun gogonaiana alumiu, ginia be mwa lai non Vui Sabuga gabe nu tatauleo huria.

Kelesia 1:7

Mwasigi, Roroi Tavuha mulei vwate sigai. Take atatu rituai ram lolia gim bilen̄alen̄a; ram doronbe ramen leahi Roroi Tavuha non Kraes.

2 Korin 9:13

Dovon̄an nomiu binihimwasigi, sinombu ivusi rav vev roroai God bwatuna be kimiu gim ron̄ maḡemu alun Leo Tavuha huri Kraes, Leo Tavuha be gim bevea be gim binihimwasigi i bwatun be gim bete vuroinia maira i mai atat dodolua.

2 Korin 4:4

Setan be mwa lalaḡoi ureure uhu mwa lol binihiva ram matagaraga. Kera be ram hav binihi te mwasigi. Rasav gita te dum gigitan Leo Tavuha. Leo Tavuha huri sarisarin Kraes, kea gaituvwa n̄an mai God.

Ravrava non Pol lalai ata Rom 15:29

Nam iloe be lol taro be nav mai abemiu nav lai vatavuha non Kraes duluai.

Ravrava non Pol lalai ata Rom 15:16

huri be nav vora atatun rovoga non Kraes Jisas lalai nira Lolobon̄i. Nam lol rovoga non God be nam bagahi non Roroi Tavuha, be kera be ira Lolobon̄i rav vora ira hogoi be God vi dara aluna hogoi be nu lolian Sabuga nin Vui Sabuga.

Ravrava non Pol lalai ata Rom 10:8

Geki haḡea hano be avoan sabuga nu vevea be: “Avoana mwa dogo abemwa; mwa dogo lol bwan̄omwa i lol irubwimwa.” Kea haḡea silo vagahi huri binihimwasigi garagusi be gam bevea.

Ravrava non Pol lalai ata Rom 1:9

Inau nam lol rovoga non God mai ira noḡu binbinihi be namen vev lua Roroi Tavuha non nituna, mwa iloe be inau tagaro nam bev kimiu

Ravrava non Pol lalai ata Rom 1:5

Sivi Kraes, God nu lai rovoga non ira hala, be vi tomuai atatu lol ute duluai be rav binihimwasigi i rav ron̄oe.

Lalaḡova 24:24

Gubwen̄ rituai ataguna Vilikis mwa mai mai tasalana Drusila kea vavine ata Jiu. Kea mwa hora huri Pol i mwa roron̄tainia be mwa bev non binihimwasigi garagusi alun Kraes Jisas.

Filipae 1:5

Nam avkari God huri buluiana be gin lolia lalaiau batena be nan toretore huri Roroi tavuha buluiana gin lolia la muan gubwen̄i be gin siv binihimwasigi vaivotu kekadogaha.

Filipae 3:20

Take mwasin vanuanda kea amare, i gida tam hohovi huri varahuda Ratahigi Jisas Kraes, be vi himai nin amare.

Filipae 4:1

Ira mwasin tuaku, nam dabe kimiu i nam doron be nav gita kimiu. Gin lai samsamwara lalaiau i gim loliau nam sasagerega huri kimiu, i giv tu wasi alun Ratahigi kunia be nan vevea huba lalai kimiu.