Filipae 1:16 - Hano Niu Testamen

¹⁶ Kera ram doretore bwatuna be nora lolotabetabe, i ram iloe be God nu laia lalaiau rovoga be nav tuḡoro Roroi Tavuha.

Filipae 1:16 Referans Kwoze

2 Korin 2:17

Gam hav salei te avoana non God huri be gav lai homu aluna kun sinombu ivusi ram lolia huba. Take alun Kraes gam bev mwasigi lolmatan God, kun be kamai ira vwalaua huri non avoana.

Filipae 1:12

Ira tuaku nam doronia be giv iloe be, hano be nu loli lalaiau, nu loli huria be vi vavtutui Roroi Tavuha.

Filipae 1:10

be giv gitae dolua lol davolan tavuha i hantai i giv gita lua tavuha; be giv melmelo i nomiu vahalana vi sigai huri maiana non Kraes;

Filipae 1:7

I inau nam iloe be nan vavtutu be nav binihia kungeki huri kimiu duluai, bwatuna be nam haḡo kimiu lol irubwiku. Kimiu duluai gim bete alolon lolotavuha non God maia kadogaha be inau lol imwa vauvauhi i kadogaha be nam duḡoro i nam seserai lua mwasigi non Roroi tavuha.

1 Korin 9:17

Be nav toretore la noḡu doroniva, nav lai tavwe huria. Take be nav toretore hurin doroniva non Ratahigi, bwatuna God nu laia lalaiau.

Filipae 1:5

Nam avkari God huri buluiana be gin lolia lalaiau batena be nan toretore huri Roroi tavuha buluiana gin lolia la muan gubwen̄i be gin siv binihimwasigi vaivotu kekadogaha.

Filipae 2:22

Gim iloe be Timoti kea lalan̄an atatu vwate. Gim iloe be nu lol rovoga maiau be nu vev Roroi Tavuha kun be naturigi mwa lol rovoga huri tamana.

Filipae 4:3

I nam hudali kimiu, ira tuaku be gin masiri gin binihimwasigi, giv bului ira vavine uhu. Kera ram lol rovoga buluiau be ramen vev Roroi tavuha, kera mai Klemen i rituai mulei be ram lol rovoga maiau, ihara nu ravana lol bukan rahuana.

Filipae 4:15

Kimiu ata Vilipae giv binihi dumwia batena be nan toretore huri Roroi Tavuha muana aia. Batena be nan lin̄ Masedonia, kimiu n̄an imwa tataro be gin buluiau.