Sinombu aia ram samsamwara maragai huri nora avoana, liu ninira ata Tesalonaeka. Ram roron̄tai nora avoana vataha gubwen̄i gin n̄aitaiana gaivua, i ram binbinihi alun leo tavuha huri be havanau gabe Pol mwa bevea mwasigi.
Ira vagahi tentene kera geki ran derai mwasin hala i ram sala, i ram huri hala be Balam nu huria. Balam kea nitun Beo, gabe nu doroni be rav volia huri lol bahala.
Vevea lalainira be ram rosoga gin ginau ata lol ureure geki be rasav sasagerega tehe. Vevea lalainira be rav doronhohov lol God, take sihav vora te alun roso be ram len̄a. God mwa hogoi tavuhai hogoi duluai lalai gida gin samsamwara.
Take mahavana be ira Jius gabe ram dogo Tesalonaeka ram ron̄oe be Pol mwa doretore huri avoana non God Berea mulei, ram mai ram lol loḡeloḡera be rai van burigai ira tarua.
take Pol mwa binihia be nu hav tavuha tehe be raru vi laia, bwatuna be nu van burigai i mwa lin̄ira tuhi bobon nora lagoana la bwativuna la vanua Pamvilia.
Pol maira non buluana ram mwalue nin Pavos ram mai vai Pega, bwatutun vanua vai Pamvilia, i Jon Mak mwa rov maragai ninira mwa bano mulei vai Jerusalem.
“Atatun rovoga sihav vora te turin rovoga dum lalai ratahigi gairua; kea vi varihai vwate i vi tabe vwate; kea vi binihi marahi vwate i vi varihai vwate. Gisav lalaḡo te dum lalai God mai homu vatuvwa.”
Haḡe Jisas mwa bev nogonogoinia be, “La hala n̄an kea mulei, tuamiu vwate nin kimiu sihav vora te noḡu roron̄tai dum vaivotu be vi binihi dul rosona duluai.”
I mulei ihei tehe be mwa bev hantaiau Nitun Atatu, vi binihi kaburainia. I take ihei be mwa bev hantai Vui Sabuga, si hav vinihi te dum kaburainia, kekadogaha i vai tuai.
Kadogaha huri Taetus kea vwaliuku, kea mwa lol rovoga bul maia be vi bului kimiu. I huri ira tuada rituai ram matu nin ira binihimwasigi, i ram lai sarisari lalai Kraes.