2 Timoti 4:1 - Hano Niu Testamen

¹ Pol mwa bevea be, nam lai avoan wasi lolmatan God i Kraes Jisas, kea be vi harahara lalainira ran rahu radu i lalainira be ram mate huba, gin non maiana i non Ute Ratahigi.

2 Timoti 4:1 Referans Kwoze

Lalaḡova 10:42

I nu vevea lalai kamai be gav toretore huri leo tavuha lalai sinombu, i mulei be gav tu gi gaitura huria be kea God nu gita luae be vi vora vevegi huri rahuana i mateana.

2 Timoti 4:8

Kadogaha, gaisosorin bwatu mwa do dautau hohoviau. Gaisosorin bwatu be God nu tau bavtutuiau maia. God be mwa harahara bavtutu, kea vi lai gaisosorin bwatun gea lalaiau la Nogonan Gubwen̄. Sihav vora te lalaiau gaheku take lalainira duluai be ran hohovi gin lolotabetabe huria be vi mai mulei.

1 Timoti 5:21

Lolmatan God i lolmatan Kraes Jisas i ira enjel, nam bev wasinia be gov lol ginau kera geki, gosav lai te mai ihei la hava hala tehe.

2 Timoti 2:14

Gov vagahi rahurahui ginau kera geki, vev daua lalai sinombu lolmatan God be rasav vigaigai te huri ira avoana. Mwa hav bului te ihei, i mwa lol hantainira be ram roron̄tai.

Matiu 16:27

Inau Nitun Atatu nav mai vainon̄oiha mai noḡu enjel lol ginau sarisari non Tamaḡu. La mahavana gea inau nav tavwe vatvataha atatu hurin nora lalaḡova.

Taetas 2:13

Mwa du be tav togo kunia lol taro be tav hohovi huri be nonda doronhohovi gaivua liu i huri maiana lol sarisari non nonda God holomare hae i varahu Jisas Kraes.

1 Pita 5:4

I lol taro be Kraes, muai radaiḡoro, vi mai, kimiu giv lai gaisosorin bwatu sarisari be sihav vano te dumwi na gabolanana.

1 Jon 2:28

Ira nituku, giv tu wasigi alun Kraes i mahavana be kea vi tabagilu, tav tu wasigi i tasav mom hili tehe mai nonda busbusiana.

1 Pita 4:5

Gubwen̄ vwate rav vev melmeloinia lalai God, kea be mwa lol vatuvwai be vi vevegi rahuana i mateana.

1 Pita 1:7

Ginau hahantai geki ram mai be ramen gitae be nom binihimwasigi garagusi nu melmelo. Melmelo non binihimwasigi nu marahi liu vatan̄oga, Gabe vi Seserainia gin gabi be nu melmelo i vi nogonogo dumwi. Take nomiu binihimwasigi garagusi vi lai lalai kimiu uloi roroai i binihimarahi lol taro be Jisas Kraes mwa seseraiana lalai kimiu.

2 Tesalonaeka 2:8

I atatun vui son̄son̄o vi visirai, i ratahigi Jisas vi wehia gin mambuha be mwa mai nin bwan̄ona i vi lol kaburainia gin sarisarin non maiana.

Ravrava non Pol lalai ata Rom 2:16

Ginau n̄oto kerageki rav loli lol gubwen̄i be God, sivi Jisas Kraes, vi vevegi binihiv dahuligi non atatu. Roroi Tavuha gabe nam doretore huria mwa bev ginau kerageki.

Lalaḡova 17:31

Bwatuna be nu hara vatuvwai gubwen̄i huria be vi vevegi ureure duluai gin vavtutu gin atatu gabe nu gita luae. Kea nu lai non mwasigi huri ginau geki lalai atatu duluai ginia be nu lol domarei wani gea nin mateana!”

2 Pita 1:11

I kimiu giv lai laiḡoḡo gaivua vai alolon ute ratahigi non nonda Ratahigi i varahuda Jisas Kraes vai tuai i tuai.

Leo Tavuha gabe Luk nu Ravae 23:42

Haḡe mwa bevea lalai Jisas be, “Gov binihi dumwiau Jisas mahavana be gov mai gi Ratahigi Lavoa!”

Leo Tavuha gabe Luk nu Ravae 19:15

Wani gea mwa mai gi Ratahigi Lavoa i mwa dabagil mulei. Haḡe vilvilehi mwa hora huri non atatun rovoga gabe nu hagai homu lalainira be rav mai vai abena be men habwe luae be homu nu mauri kunhanigi.

Leo Tavuha gabe Luk nu Ravae 19:12

I mwa bevea be, “Atatu vwate ata lol tanoi lavoa be mwa ban vai la vanua hautu be ramen taria gi ratahigi lavoa, vuvuri gim siv lol non taritari be vi tabagilu mulei.

Visirai 1:7

Gin gitae! Kea mwa mai mai ten lan̄i. Mata duluai rav gitae, vaivotu gabe kera gabe ran wehia. Ira sinombu ata lol ureure rav dei ba dalan̄lan̄a bwatuna kea. Ginau gea vi loli! Amen.

2 Pita 1:17

Jisas nu ron̄ silon God, sarisari lavoa, lol taro be nu lai binihi marahi i sarisari nin God tata. Silo mwa bevea be, “Geki nituku, kebe nam dabea, i nam ron̄ mwandavuha ginia.”

Kolosi 3:4

Kraes kea rahuda, i lol taro gabe vi mai mulei tav haḡohaḡo lol sarisarina.

2 Timoti 1:10

Take kadogaha mwa seserainia lalai gida gin maiana non varahuda Kraes Jisas. Nu lol kaburai mateana, i sivi Leo Tavuha kea mwa seserainia lalai gida hala be tav lai rahuana be sihav lol te kaburaiana.

2 Timoti 4:18

God vi varahuau lol taro be ihei mwa doronia be vi lol ḡagarasiau, i vi lai rahurahuiau vai lol non Ute Ratahigi amare. Uloi roroi God vai tuai i vai tuai! Amen.