2 Timoti 2:2 - Hano Niu Testamen

² Giḡo gon ron̄oau huba be nan toretore lolmatan sinombu. Gov haḡo wasi ira toretore uhu i gov taua la liman atat tavtavuha be rav toretore dumwi lalai atat dodolua.

2 Timoti 2:2 Referans Kwoze

1 Timoti 4:6

Be goi vev ginau kera geki lalai ira, tua goi vora atatun rovoga tavuha non Kraes Jisas. Avoana ata lol binihimwasigi garagusi vi loligo gov wasi lol binihimwasigi i silo vagahi tavuha be gov huria.

1 Timoti 6:12

Bwalo gin bwaloan tavuha gin binihimwasigi garagusi, ḡamus batugehi alun rahuana kea be mwa du rahurahu vai tuai. Nu uloinigo be gov haḡo rahuana gea batena be gon seserai lua tavuhainia lolmatara kera ivusi.

2 Timoti 3:10

Take giḡo gon huri hano be nan vagahia, hala be nam dogo, noḡu hala. Gon huri noḡu binihimwasigi garagusi, noḡu ron̄ mwan̄ava, i lolotabetabe, i gom iloe be nan hav lin̄ia tehe,

Leo Tavuha gabe Luk nu Ravae 12:42

Haḡe Ratahigi mwa bwaliua mwa bevea be, “Matu ihei atatun rovoga binihi marahi i mataisao? Kea be non ratahigi vi taria be vi ratahigi ḡoro imwa i vi harabora tatan̄an ginaganiana lalai atatun rovoga rituai la mwasin mahavana.

1 Timoti 1:18

Timoti, nituku, nam laia lalainigo avoan wasi be mwa dadariha mai avoan vevsera be nu hagainia hurigo lol taro nu ḡao huba. Nam bevea kunia lalainigo huri be gov hurira i gov bwalo tavuhai.

1 Timoti 1:12

Nam avkari Kraes Jisas nonda Ratahigi, kea nu lai hui wasi lalaiau, bwatuna be kea mwa butu aluku i nu lai rovoga lalaiau be nav lol rovoga lalainia.

1 Timoti 4:14

Batena be ira atatun vevsera ran lai avoana lalainigo i ira tomuai lol uloilua, ran tau limara alun bwatumwa. God nu lai muramura lalainigo be gov lol non rovoga. Gosav mom dau te muramura gea be vi togo bonogai.

1 Korin 4:2

Kunia la hala haḡea geki kera gabe mwa dau non butuana alura, alun raumatan ginau be mwa du dahuligi radu rav seserainia be kera ran dadariha alun taritari gea be mwa daria alura.

2 Timoti 3:14

Take giḡo mwa du be gov huri rahurahui silo vagahi be gon huhuinia. Gom iloe be kera silo vagahi mwasigi, bwatuna be gom butu alura be ran vagahigo.

Kolosi 1:7

Gim ron̄oe huri hogoi non God nin Epavras, kea be gam dabea. Mwa lol rovoga ute gaituvwa mai kamai i kea atat binihimwasigi non Kraes huri kamai.

Hibru 2:17

Kea vivora gida vwate huria be vi lol rovoga lalai God kun gabe nonda muai tataroi rahurahu i mwa dataroi ginia sibona huri tugu kaburai nonda bwatigoro.

1 Timoti 5:22

Gov binbinihi tavuha amua gim siv tau limamamwa alun bwatun ihei tehe, i gosav hovi tehe lol vuro non kera dodolua. Gov gitaḡoro be gov melmelo.

Matiu 24:25

Giv ron̄oe! Nam seserai ginau kera geki lalai kimiu amua gim siv loli.

Matiu 13:52

Haḡe mwa bwaliura be, “Geki gin binihiva be vagahin Silo gabe mwa roron̄tai huri Ute Lavoa atamare, kea kun vuigin imwa mwa lai lua ginau i maleiga nin vwavwan imwana.”

2 Korin 2:14

Take avkari lalai God, kea tagaro mwa domuai gida vai lol tanoi sivi Kraes. God mwa haḡo kamai be gav lon̄ahi ute gin non iloute vataha ute kun bonin ruḡuruḡu bonboni.

2 Korin 3:5

Gam hav vevea tehe be gav lol dum rovoga uhu gahemai. God, kea haḡea be mwa lol kamai gam lol dum rovoga be mwa du be gav lolira.