2 Timoti 2:13 - Hano Niu Testamen

¹³ Be gida tasav tu te wasigi, kea vi tu wasigi radu, bwatuna be sihav ruruhia te dum sibona.”

2 Timoti 2:13 Referans Kwoze

Ravrava non Pol lalai ata Rom 3:3

Kebe ira Jius ram hav binihi te marahinia, kea vi tuḡoro God nin ginau be mwa datauleo huria?

Taetas 1:2

Binihi mwasigi gea i iloute gea mwa mai nin doronhohov huri rahuana vai tuai, taro mwa siv bwativuga, i God sihav tentene te dumwi.

2 Tesalonaeka 3:3

Ta nonda Ratahigi kea nu mwasigi i vi lai lalainigo muramura i vi gita ḡorogo nin Vui son̄son̄o.

1 Tesalonaeka 5:24

Giv butu be kea be mwa uloi kimiu mwa lolia kunia lalai kimiu.

1 Korin 1:9

God kea atatu be tav binihimwasiginia, i mwa ḡita lua kimiu be giv togo bulgaituvwa mai nituna Jisas Kraes nonda Ratahigi.

Hibru 6:18

Avoana gairua kera gea, raru sihav leahi te dumwi, i alun avoana gairua gea God sihav tententene tehe dumwi. Gida gabe tam habwe ute tavuha huba, avoana gairua gea ramuru lol nonda binihiva mwa wasi liu, i tav haḡo wasi alen̄a gea be God nu laia huba lalai gida, gabe tam dau nonda doronhohov be mwa du wasigi alun non tatauleo.

Matiu 24:35

Ute atamare i ureure vi nogo kaburai, take noḡu avoana si hav nogo tehe.

Ravrava non Pol lalai ata Rom 9:6

Vorate huria be God mwa hovi la non tatauleo lalainira. Take ata Israel n̄an rituai be kera ira mwasin atat non God,