1 Timoti 6:19 - Hano Niu Testamen

¹⁹ Rav lolia kunia, rav lol ḡoḡo mwasin roso hurira sibora gi bwatbwatun ara vatu vainon̄oiha. Vuvuri rav haḡo dum rahuana be mwasin rahuana.

1 Timoti 6:19 Referans Kwoze

1 Timoti 6:12

Bwalo gin bwaloan tavuha gin binihimwasigi garagusi, ḡamus batugehi alun rahuana kea be mwa du rahurahu vai tuai. Nu uloinigo be gov haḡo rahuana gea batena be gon seserai lua tavuhainia lolmatara kera ivusi.

2 Timoti 2:19

Take bwatbwatu be God nu taria sihav rihuan te dumwi; ira iha haḡea keragea ram du aluna: “Ratahigi mwa ilo kera be bilana,” i “atatu n̄oto be rai vora bilan Ratahigi rav mambu gin lalaḡov hantai.”

1 Pita 1:4

Kadogaha tam hohov ira vatavuha be God mwa do maia huri ira nituna. Ira vatavuha, gabe sihav lol te dum kaburainia sage sihav lol te dum bwarebware i sihav vano te dumwi na nora ute mutai, ram dogo lol ute atamare huri kimiu.

Leo Tavuha gabe Luk nu Ravae 16:9

Haḡe Jisas mwa bev muleinia be, “Kunia nam bevea lalai kimiu be: giv mwemwearu gingin kimiu mai roso ata lol ureure, huri be batena be vi vinogonogo take rav lai ḡoḡo dum kimiu vai lol rahuana gabe vi togo vai tuai.

Filipae 3:14

Nam lol ron̄oe tagaro be nai votui tovtovo gea i nav lai tavwe kea be God nu uloiau sivi Kraes Jisas huri rahuana amare.

Ifisas 3:17

Nam dataro be Kraes vi togo lol sibwen̄imwa gin binihimwasigi garagusi i be rahumwa vi tu wasigi lol lolotabetabe i be vi haḡoe alun tabeana.

Leo Tavuha gabe Luk nu Ravae 18:22

Mahavana be Jisas mwa ron̄ non avoan vwaliu uhu, mwa bevea lalainia be, “Take ginau vwate radu be gov lolia, van ba salei nom vilogoana, i gov lai homu lalai ira hiru. Kunia gov lai rosomwa amare; vuvuri gov mai ba huriau.”

Leo Tavuha gabe Luk nu Ravae 12:33

Giv salei nomiu ginau duluai i giv lai mwane lalai ira hiru. Giv lol vatuvwai huri nomiu tan̄an mwane gabe sihav boboga te dum i giv varahu rosomiu duluai amare aben God. Aia ginau duluai rasav hantai tehe, bwatuna atat surasura sigai be men surai dumwira, kakurus mulei sihav gan te kaburai dumwira.

Matiu 19:21

Haḡe Jisas mwa bevea lalainia be, “Be gom doron be gov to vavtutu rahurahu, vano ba salei nom viloḡoana, i gov lai homuna lalai ira hiru. Kunia, gov lai rosomwa lol ute atamare. Vuvuri gov mai ba huriau.”

Kelesia 5:6

Mahavana be gida lol Kraes Jisas, mwa hav vora te maragai be tav lai tav dovon̄a sa sigai. Muan ginau mutai be binihimwasigi lalan̄an binihimwasigi garagusi be mwa lol rovoga sivi lolotabetabe.

Leo Tavuha gabe Luk nu Ravae 18:2

Mwa bevea be, “Lol bwatutun vanua vwate ratahigi vwate mwa dogo mwa hav matagun te God i mwa hav binihi te marahi atatu.

Leo Tavuha gabe Luk nu Ravae 16:25

Take Ebraham mwa bevea be, “Gov binihi dumwia nituku, be lol gubwen̄in rahumwa gon haḡo ginau tavtavuha ivusi, i Lasarus nu to ririhai lol rahuna. Ta uhugaha kea mwa samsamwara teti i giḡo gom ron̄ ḡagarasi.

Filipae 3:12

Nam hav vevea te gin binihiva be, inau huba kunia be God mwa doroniau. Nam hav votui te radui tovtovo gea, i nav laia noḡu. Kraes Jisas mwa doroniau be nav lolia kunia bwatuna haḡea gea mwa loliau nam mai gi bilana.

2 Timoti 1:1

Nin Pol, hala non Kraes Jisas hurin doroniva non God. God nu horau be nai vevea huri tatauleon rahuana kea be lol Kraes Jisas.