1 Timoti 6:14 - Hano Niu Testamen

¹⁴ Gov lol hano be nan vevea lalainigo i gov haḡo wasinia vai votu be nonda Ratahigi Jisas Kraes vi mai mulei.

1 Timoti 6:14 Referans Kwoze

2 Pita 3:14

Ira tuaku, lol taro be gim hohovi huri ginau geki be vi loli, giv lol ron̄oe be giv togo dagai nin vuro i dagai nin totoa bibili i han̄ora. Giv lol ron̄oe be giv lol tamwata mai God.

1 Pita 1:7

Ginau hahantai geki ram mai be ramen gitae be nom binihimwasigi garagusi nu melmelo. Melmelo non binihimwasigi nu marahi liu vatan̄oga, Gabe vi Seserainia gin gabi be nu melmelo i vi nogonogo dumwi. Take nomiu binihimwasigi garagusi vi lai lalai kimiu uloi roroai i binihimarahi lol taro be Jisas Kraes mwa seseraiana lalai kimiu.

1 Tesalonaeka 5:23

Kadogaha nam dataro be God sibona, God huri tamwata, vi lol kimiu giv melmelo giv vora huria n̄ano. Nam dataro be rahumiu duluai lol Vui, atmatemiu, i rebehimiu vi to rahurahu i vahalana sigai batena be nonda Ratahigi Jisas Kraes vi mai.

Ravrava nin Jud 1:24

Lalainigo be vi gitaḡorogo be gosav hovi tehe i vi lai lalainigo rahuan melmelo be vahalana sigai mai samwarana lol non sarisari,

Hibru 9:28

Kunia Kraes mwa lin̄ muleinia gi tataroi vatuvwa n̄ano be men lai dagai vuron sinombu. Kea vi mai mulei varuana, take lol taro gea mwa hav mai tehe be men lin̄ muleinia huri vuro, take men lai rahuana hurira be ram hohovia.

Taetas 2:13

Mwa du be tav togo kunia lol taro be tav hohovi huri be nonda doronhohovi gaivua liu i huri maiana lol sarisari non nonda God holomare hae i varahu Jisas Kraes.

Visirai 1:7

Gin gitae! Kea mwa mai mai ten lan̄i. Mata duluai rav gitae, vaivotu gabe kera gabe ran wehia. Ira sinombu ata lol ureure rav dei ba dalan̄lan̄a bwatuna kea. Ginau gea vi loli! Amen.

Hibru 9:14

Take dagan Kraes vi lol rovoga wasi maragai. Kraes nu kun ginau rahu be ginau vwate nu hav hantai tehe lol rebehina be ram wehia huribe men lai dagai vuron atatu. Gin muramura non Vui Sabuga be mwa dogo vataha mahavana mwa lai rahun Kraes vai aben God. Dagana mwa lol binihinda mwa melmelo lol ginau duluai be tam lolia, huria be tav lol dum rovoga non God be mwa rahu.

2 Timoti 4:1

Pol mwa bevea be, nam lai avoan wasi lolmatan God i Kraes Jisas, kea be vi harahara lalainira ran rahu radu i lalainira be ram mate huba, gin non maiana i non Ute Ratahigi.

2 Tesalonaeka 2:8

I atatun vui son̄son̄o vi visirai, i ratahigi Jisas vi wehia gin mambuha be mwa mai nin bwan̄ona i vi lol kaburainia gin sarisarin non maiana.

Kolosi 4:17

Vevea lalai Akibas, “Gov lol ron̄oe be gov nogoi rovoga gabe God nu laia lalainigo.”

Kolosi 1:22

Take kadogaha, God mwa lol kimiu gi ira tuana mulei sivi mateanan Kraes. I kadogaha gov mai dum lolmatan God kun atatu gabe ran sabuga, i nu melmelo be vahalana sigai.

Filipae 1:10

be giv gitae dolua lol davolan tavuha i hantai i giv gita lua tavuha; be giv melmelo i nomiu vahalana vi sigai huri maiana non Kraes;

1 Korin 1:8

Jisas Kraes vi haḡo wasi kimiu lol binihimwasigi vai votu nogonana, huribe giv melmelo lol taron non Gubwen̄i.

1 Jon 3:2

Ira noḡu buluana, gida ira nitun God, take huria be tai vora atatu kun hanigi, kea mwa hav melmelo tehe lalai gida radu. Take tam iloe be mahavana be Kraes vi mai mulei, gida tai vora kunia, be tav gitae be kea mwasigi.

1 Pita 1:19

take mai dagan Kraes, gabe nu vora kun sipsip mwalkeloi.

1 Timoti 6:20

Timoti gov gitaḡoro havanau be God nu taua huba alumwa. Gov tu dagai nin alen̄ taltale, avoan hahantai i nin vigaigaiana huri hano be mwa uloiana be, “iloute.”

2 Tesalonaeka 2:1

Ira tuaku, ginau vwate be nav vevea huri maiana non ratahigi Jisas Kraes i taro be tav visvisogari vatuvwa maia.

1 Tesalonaeka 3:13

Nam dataro be lolomiu vi tu wasigi, be giv vora atat sabuga i vahalana sigai lolmatan nonda i Tata batena be nonda Ratahigi Jisas vi mai mai non ira sabuga duluai.

Filipae 2:15

Vuvuri giv melmelo i nomiu vahalana vi sigai. Giv vora ira nitun God be vahalana sigai. Take gim dogo mai sinombu lete i atat hahantai dalis kimiu, alolora gim ḡigita kun ira visiu lol mahao.

Filipae 1:6

God nu tau bwatuna be men lol rovoga tavuha alolomiu, i inau nam binihimwasigi be vi van rahurahu aluna vaivotu be vi nogoinia batena be Kraes Jisas vi mai mulei.

Ifisas 5:27

Kea nu mate huribe kea vi lai uloilua lalainia sibona kun vavin lagi mwa ḡabui rebehina sibona. Kea nu mate huribe uloilua vi melmelo dumwi i vurona vi sigai.

2 Pita 2:21

Uwe, Nu tavuha hurira be rasav man ilo te hal vavtutu ninia be ras iloe i ras vanburigai nin vagahi sabuga be nu laiana lalainira.

2 Pita 3:2

Nam doron be giv vinihi dum ira avoana be ira atatun vevsera sabuga ran avoinia tuai, i giv vinihi dum avoan wasi be nonda Ratahigi i varahu nu laia sivi ira hala.