1 Timoti 5:22 - Hano Niu Testamen

²² Gov binbinihi tavuha amua gim siv tau limamamwa alun bwatun ihei tehe, i gosav hovi tehe lol vuro non kera dodolua. Gov gitaḡoro be gov melmelo.

1 Timoti 5:22 Referans Kwoze

Ifisas 5:11

Gisav lol te havanau gabe mwa lalaḡoiana lol ute meto, be nu hav tavuha tehe huri havanau tehe. Take mwa seserainia be kera ran vahala.

1 Timoti 3:10

Giv haḡo ron̄ora amua. Vuvuri giv siv lin̄ira be rav lol rovoga kun ira dikon be gisav habwe te vahalana alura.

1 Timoti 3:6

Take tomuai huri uloilua vi vora atat metuaga sihav vora te malaḡel vuroi lol binihimwasigi garagusi sage kea mwa hav binihi te sagea sibona huribe kea sihav hovi tehe lol gaosani non atmate.

1 Timoti 4:14

Batena be ira atatun vevsera ran lai avoana lalainigo i ira tomuai lol uloilua, ran tau limara alun bwatumwa. God nu lai muramura lalainigo be gov lol non rovoga. Gosav mom dau te muramura gea be vi togo bonogai.

Lalaḡova 6:6

Haḡe kera gaibitu geki ram lai vatavuha nin ira hala i ram dataro ram dau limara alura i ram batavuhainira.

2 Jon 1:11

Be gov laiḡoḡo atatu kunia, gom lai rovoga daltale.

2 Timoti 1:6

Geki haḡea huri hano nam basineraninigo be gov haḡo ḡoḡo hogoi be God nu laia lalainigo batena be nan tau limaḡu alumwa.

Hibru 6:2

Mwa hav tu tehe be tav avoi avoanan garuhisabuga mai vatavuhai bwatu. Kimiu gim iloe tomarean mulei i silo vevegi vai tuai lol gubwen̄i be vi mai.

2 Timoti 2:2

Giḡo gon ron̄oau huba be nan toretore lolmatan sinombu. Gov haḡo wasi ira toretore uhu i gov taua la liman atat tavtavuha be rav toretore dumwi lalai atat dodolua.

1 Timoti 4:12

Gosav lin̄ te atatu be rav gita bahivoinigo huribe giḡo mwalaḡelo n̄ano, take gov vora malele lalai ira atat binihimwasigi lol nom avoana, nom lalaḡova, nom lolotabetabe, nom binihimwasigi garagusi, i lol nom togoan melmelo.

Lalaḡova 13:3

Haḡe ram dataro, ram dau limara alura i ram hora luara.

Visirai 18:4

Haḡe nam ron̄ silo ata amare vwate mulei mwa bato mwa bevea be, “Noḡu sinombu, giv rov maragai nin Babilon. Gisav haroro tehe lol non bwatigoro i be kimiu bulu lol non silo vevegi!

Lalaḡova 20:26

Haḡe bwatuna gea nam bev luae lalai kimiu lol gubwen̄ garigi; be ihei tehe vi sala, mwa hav vora te bwatuna inau.

Lalaḡova 18:6

Haḡe mahavana be ram ban burigainiai ram bev ginau hahantai vai aluna, kea mwa lai tagu gin nora avoana ginia be mwa darudaruai taniavu nin non koti mwa bevea lalainira be, “Be kimiu giv sala, kimiu sibomiu giv lai silo vevegi huria! Take inau sigai. I kadogaha nai vano huri Lolobon̄i.”

1 Timoti 3:2

Tomuai non uloilua sihav lol te ginau be sinombu rav vinihi hantainia, i vivora tasalana n̄an gaituvwa. Kea vi vwalaunia sibona gin mataisao, atat dodolua rav binihi marahinia. Vi laiḡoḡo dumwira be non tausala, i vi vagahi dumwi.