1 Timoti 5:15 - Hano Niu Testamen

¹⁵ Take rituai ran van burigai huba ram huri Setan.

1 Timoti 5:15 Referans Kwoze

2 Pita 2:2

Ivusi rav huri nora hal bwatigoro i ram bev avoan hahantai huri hala be nu mwasigi.

1 Jon 2:19

Sinombu kera geki tam mai nin nomai vatugigi, take ram bano bwatuna be la mwasigi, kera ram hav vora te mai kamai mwasigi. Be sivora kera bul mai kamai mwasigi ras togo mai kamai. Take kera ram bano i mwa ḡigilaga be kera ram hav vora tehe bul mai kamai.

2 Timoti 4:10

Bwatuna be Dimas, be nu tabe maragai ureure uhu, nu lin̄iau mwa ban vai Tesalonaeka. Kresens kea nu van vai Kelesia, i Taetus nu van vai Dalmatia.

1 Timoti 1:20

Himenaeus i Aleksanda ran lolia kunia, i nan hagainira lalai Setan huri be rav huhuinia be rasav avo tehe vai alun God.

Visirai 12:9

I ram bohai kaburai drakon, kea teltele bwatavwega ataa lol ureure tuai be mwa uloiana be Atmate, sa Setan be mwa sine ureure duluai. Kea mwa bohaiana himai vai lol ureure geki, maira non enjel duluai.

2 Pita 3:16

Nu ravae huri ginau geki lol non avoana duluai. Ginau rituai lol avoana non Pol ran ririhai be tav iloe, i atatu be ram hav ilo te halana i ran mandamanda lol binihimwasigi ram bev avoana tentene huria. Kera mulei ram bev avoan tentene huri ira ravrava Sabuga dodolua, take kera ram lol kaburainira sibora lol taro be ram lol ginau geki.

2 Timoti 2:18

Ran derai mwasin avoan vagahi, ram bevea be tomarean mulei nin mateana nu lai tanona huba, i ram lol kaburai binihimwasigi garagusi non sinombu rituai.

2 Timoti 1:15

Gom iloe be sinombu duluai lol Vanua Esia ran lin̄iau huba, Vijelas i Hemojenes kera mulei.

Matiu 4:10

Take Jisas mwa bwaliua be, “Vis dagai niniau, Setan. Huri lol Ravrava Sabuga mwa bevea be, ‘Gov gogonai God gabe nom Ratahigi, i gov lalaḡo lalainia gaituvwa n̄ano.’ ”