1 Timoti 5:12 - Hano Niu Testamen

¹² Vi vevegira huri hano be ran tatauleo be rav lolia muana take ram hav lolia tehe.

1 Timoti 5:12 Referans Kwoze

Jemes 3:1

Ira tuaku duluai be nam dabera, mwa hav tu tehe be kimiu ivusi giv mai gi vagahi, bwatuna be gom iloe be gida be tam bagahi, vagahi vi lai vevegi wasi maragai nin atat dodolua.

Kelesia 1:6

God, gin non hogoi sivi Kraes, mwa uloinigo be gov mai gi non atatu. I inau nam dan̄an̄a be gom ban burigai vilehi i gom binihimwasigi ginau dolua nin Roroi Tavuha.

1 Pita 4:17

Taron vevegi be mwa dau bwatuna mai atatu ata lol imwan God. I kebe vevegi gea vi tau bwatuna mai gida, Havanau haḡea vi loli lalai sinombu be ram hav lin̄ te maḡemu huri Leo Tavuha non God?

1 Korin 11:34

Ihei be maro mwa gasia vi gan ginau lol imwana huribe lol taron togoan bulbulu gosav lai te silo vevegi non God alumwa sibomwa. Nai vevea huri hano be giv lolia lol taro be nav mai mulei.

1 Timoti 5:11

Gosav tau te ihan ira bwero be vavin bweihe lol ihara bwero bwatavwe. Ataguna be ram lin̄ira la ihan Kraes, vuvuri ram ban burigainia bwatuna doroniva non rebehira, haḡe ram doron lagiana mulei.

1 Timoti 5:13

Kunia mulei, ram huhuinia be rav sabwelei nora taro, ram batvataha imwa. Ram hav sabwelei te nora taro n̄an take mulei ram dau bwatuna ram hun̄ahun̄a i ram habwe sibora nin atat dodolua be ram daura sibora la rovoga hahavwani, ram bev ginau be mwa du be rasav vevea tehe.