1 Timoti 4:7 - Hano Niu Testamen

⁷ Take gosav huri te vevuri dadaloiga be ram hav dame tehe mai mwasigi non God, take gov vagahigo sibomwa be gov lol rovoga mai God.

1 Timoti 4:7 Referans Kwoze

1 Timoti 1:4

Vevea lalainira be rasav sabwelei te nora taro alun ira vevuri tentene i alun varavarain iha lol vevuri ata la varara tuai. Ginau kera geki ram lol vigaigaiana n̄ano; ram hav bului tehe huri taritari non God, kea be mwa loliana gin binihimwasigi garagusi.

2 Timoti 2:16

To dagai nin avoan dadaloiga i avoan hahantai bwatuna be kunia vi tomuai sinombu hautu dagai nin God.

Taetas 2:12

Mwa bagahi gida be tasav van te burigai God sa tasav lol te ginau hahantai be ureure mwa doronia. Take, hogoi non God mwa bagahi gida be kadogaha tav togo gin mataisao i lol hal vavtutu i lol hala kea be mwa seserainia be tam lol lalaḡova non God.

Taetas 3:9

Take giv to dagai ninira be ram bigaigai daltale i ram avo alun vevurin vevuri hahantai ata lol imwa i vigaigai i ram biavoavo huri silo. Ginau kera gea mwasira nu sigai i rasav bului te atatu vwate.

Hibru 5:14

Hala vwate huri ginaganianan wasi gea huri atat lalavoa n̄ano, be ran lalaḡo huba tuai i ram ilo hala huri vavtutu i lete.

2 Timoti 2:23

To dagai nin vagaigaian dadaloiga i vagaigaiana hantai, bwatuna be gom iloe be ram mauri vai lol bwaloana.

2 Timoti 4:4

Rasav mom doron tehe be rav roron̄tai huri mwasigi i rav tau bwatuna ba huri silo vagahi tentene.

1 Timoti 6:11

Take giḡo, atat non God gov romaragai nin ginau kera gea. Ninia gea, gov togo la hal vavtutu, lol rovoga lalai God, haḡo binihimwasigi garagusi, lolotabetabe, alen̄ mahuri i alen̄ maḡemu.

Lalaḡova 24:16

Nam lol ron̄oe vataha mahavana be noḡu binihiva vi vavtutu mai God i atatu.”

1 Timoti 6:20

Timoti gov gitaḡoro havanau be God nu taua huba alumwa. Gov tu dagai nin alen̄ taltale, avoan hahantai i nin vigaigaiana huri hano be mwa uloiana be, “iloute.”

Taetas 1:14

Rasav lai te Israel i avoan wasi non sinombu be ram av doron te mwasigi.

2 Timoti 3:12

Kera duluai be ram doron be rav togo kunia be God mwa doronia, lol Kraes Jisas, rav ron̄ḡagarasi.

1 Timoti 3:16

Tanon binihiv gairuruai sigai, rahuda dahuligi huri gogonai gaivua maragai: Kea nu seserainia lalai gida lol rebehin atatu, nu dovon̄ainia be nu vavtutu lol Vui, i nu gitana gin ira enjel. Kea nu toretore lalainira be ram hav vora te ira varan Israel, binihimwasigi lol ureure, i God mwa lai luau vai amare lol sarisari.

1 Timoti 2:10

Leahia gea, rav lol lalaḡov gin sine tavuha, kea be nu vavtutu huri ira vavine kera be ram bevea be ram ḡogonai God.

1 Timoti 1:9

Gam iloe mulei be silo mwa hav vora te huri atat tavuha take hurira be ram du ḡoro silo i hurira be ram hav doron tehe be rav huria. Hurira be ram du ḡoro God, i ran masiri gin bwatigoro, kera be ran hav sabuga tehe i ram hav haḡo te halan binihimwasigi, kera ram wehi ira tamara i ratahira, kera ram wehi surai.

1 Timoti 4:8

Huhui rebehimwa be vi buluigo alun hala rituai take gov lalaḡo lalai God vi buluigo la hala duluai. Bwatuna be vi lai vatavuha lalainigo lol rahuana geki i vai lol rahuana vai tuai.

1 Timoti 6:3

Ihei be mwa lai silo vagahi dolua be mwa hav dadariha tehe mai silo vagahi non nonda Ratahigi Jisas Kraes i silo vagahi be mwa seserai matan halan rovoga mai God.

1 Timoti 6:5

sinombu kera geki ram bigaigai vataha mahavana. Binihira ran hantai i ram salai mwasigi. Ram binihia be lalaḡova lalai tagaro kea hala be rav rosoga.

2 Timoti 3:5

Rav lolia kun be ram lol rovoga huri God take rasav haḡo te dum non muramura. Gov to hautu nin atatu kera gea.