1 Timoti 4:13 - Hano Niu Testamen

¹³ Vaivotu be nav mai be goi vasogo nom Baebol lalai atatu duluai i huri nom toretore i nom silo vagahi lalainira huri ravrava sabuga, vivora muan ginau lalainigo.

1 Timoti 4:13 Referans Kwoze

Lalaḡova 6:4

I kamai sibomai vataha gubwen̄i gav togo nan ba tataro i ba doretore.”

Taetas 2:15

Vev ginau kera geki i av dura sinombu i vev lua havanau be ran vahala lol rahura, vevea gin roron̄o. Gosav lin̄ te ihei be vi gitago kun be giḡo gom hav vora te atat binihi marahi.

2 Timoti 4:2

Inau nam hudalinigo be gov toretore huri Leo Tavuha. Lol vatuvwai vataha taro, i vevea lalai sinombu havanau be mwa du be rav lolia. Vevea lalainira lol taro be ram bahala. Av durara gin sine maḡemu gaivua, i silo vagahi vavtutu.

1 Timoti 4:16

Gov gitaḡoro tavuhai alen̄amwa, i avoana be gom do gom laia lalai sinombu. God gov lol silo vagahi be gom bevea. Be gov lolia kunia gov varahu dum muleinigo, maira be ram roron̄tainigo.

1 Timoti 4:6

Be goi vev ginau kera geki lalai ira, tua goi vora atatun rovoga tavuha non Kraes Jisas. Avoana ata lol binihimwasigi garagusi vi loligo gov wasi lol binihimwasigi i silo vagahi tavuha be gov huria.

Lalaḡova 17:11

Sinombu aia ram samsamwara maragai huri nora avoana, liu ninira ata Tesalonaeka. Ram roron̄tai nora avoana vataha gubwen̄i gin n̄aitaiana gaivua, i ram binbinihi alun leo tavuha huri be havanau gabe Pol mwa bevea mwasigi.

Leo Tavuha gabe Jon nu Ravae 5:39

Gim hiḡehiḡe lol Ravrava Sabuga duluai huri be gim binihia be giv habwe rahuana vai tuai alolona. I ravrava sabuga kera geki gabe ram bev huri huriau.

1 Korin 14:26

Ira tuaku, geki haḡea binihivanan hano be nam bevea. Lol taro be gim du bulbulu, atatu vwate nona iboi, i vwate nona silo vagahi. Vwate mwasigi gara nin God. Vwate mwa avo la avoan dodolua. I atatu vi vev binihivanan avoan dodolua. Ginau mutai huri ginau duluai geki be men bului uloilua be vi tu wasigi.

1 Korin 14:3

Take kera be ram doretore huri roroi non God ram avo lalai sinombu be huira men wasi, avoan dura i avoan gitaḡoro.

1 Korin 14:6

Ira tuaku, ke vi bului dum kimiu be nav mai nav avo la avoan dolua? Sigai! Vi bului n̄an dumwi kebe nav lai mwasigi gara nin God lalai kimiu, sa iloute gara rituai, sa nav vev roroi tavuha non God, sage silo vagahi?

Ravrava non Pol lalai ata Rom 12:8

Ihei tehe be nu lai hogoi huri be vi lai avoan dura lalai atatu, kea vi lolia kunia. Ihei be nu lai hogoi be vi hogos atatu dolua, kea vi hogoi vuroinia. Ihei be nu lai hogoi be vi vora tomuai vi n̄aitai lol taro be mwa domua. Ihei be nu lai hogoi huri sine hagavi huri atat dolua vi lolia kunia gin samwarana.

2 Timoti 3:15

La mahavana be giḡo naturigi gon ilo Avoan Sabuga kea be mwa domuainigo vai lol varahuva sivi binihimwasigi garagusi lol Kraes Jisas.