1 Timoti 3:15 - Hano Niu Testamen

¹⁵ Take be ginau vwate vi vahala batena be nam hav mai te radu, vuvuri gaituvwa be nam ravrava, gim ilo halana be giv togo kun be atatu ata lol imwan God. Imwa gea imwa tataro non God be mwa rahu vai tuai, gaitura i bwatutun mwasigi.

1 Timoti 3:15 Referans Kwoze

1 Pita 2:5

Kimiu mulei gin ḡun vatun rahuana, i giv lin̄ kimiu sibomiu ba lol tanon tataroi sabuga i be giv ḡun lalaḡo sabuga gabe mwa lai tataroi tuntun sabuga lalai God. Kea vi lai ira tataroi geki sivi Jisas Kraes.

1 Tesalonaeka 1:9

Sinombu vataha ute ram bevurinia be gin lai ḡoḡo kamai batena be kamai aia mai kimiu. Ram bevurinia be kun hanigi giv lin̄ ira nunvatu i gim bavora gim lol rovoga huri God rahu i God mwasigi.

Kelesia 2:9

Semes, Pita mai Jon, be ram bora ira tomuai, ram ilo melmeloinia rovoga be God nu hogoinia lalaiau. I ram haḡo limamaru gi dovon̄ana be kamaru gaituvwa n̄an maira. Tam iloe be Banabas maiau gav lol rovoga aben ira Lolobon̄i mai ira Jius.

Ravrava non Pol lalai ata Rom 3:2

Uwe, mwasigi, mwa du lol hala duluai. Ginau be mwa du maragai haḡe geki: God mwa binihimwasigi ira vara ira Jius mai non vagahi.

Matiu 16:16

Saemon Pita mwa bwaliua be, “Giḡo haḡea Mesaea, Nitun God varahu.”

Ravrava non Pol lalai ata Rom 9:26

I lol ute n̄an gea, be tuai nan vevea lalainira be, ‘Kimiu vorate noḡu atatu,’ nav vevea lalainira be, ‘Inau God be nam rahu, nam dogo vai tuai, i kimiu ira nituku.’ ”

Lalaḡova 1:2

vaivotui gubwen̄i gabe mwa laia vai amare. Amua mwa siv laia vai amare, kea nu lai avoan dura gin muramura non Vui Sabuga lalainira gi non hala.

Leo Tavuha gabe Jon nu Ravae 14:6

Jisas mwa bwaliua be, “Inau matanhala, mwasigi, i rahuana; atatu vwate sihav van te dum aben Tata dagai niniau.”

Matiu 18:18

“Nam bev mwasigi lalai kimiu, ginau gabe giv visigai ginia lol ureure geki, vi visigai ginia mulei lol ute atamare. I ginau gabe giv mahin̄ainia lol ureure, vi mahin̄ainia mulei lol ute atamare.

Visirai 7:2

Haḡe nam ḡita enjel vwate mwa mwalue nin tanon al tomare mai tigoro non God rahu. Kea mwa ulo amare gin silo gaivua lalai ira enjel gaivasi gabe God nu lai muramura lalainira be rav lol hantai tahi mai ureure.

Hibru 12:22

Ta kimiu gin hav ḡao tehe habwe ginau kungeki i gin mai la vusi Saeon, i la bwatutun vanua gaivua gea vanuan God rahu be sihav mate te dumwi. Geki Jerusalem ata amare, mai ira enjel sinombu ram ḡoḡo bulbul abena.

Hibru 3:12

Kimiu ira tuaku mai ira hogosiku. Giv gitaḡoro be vwate nin kimiu lolona sihav masiri tehe gin binihiv hahantai, i kea sihav binihi te mwasigi God rahu, i kea vi taleva ninia.

1 Timoti 6:16

Kea n̄an gaituvwa be mwa hav mate tehe. Mwa dogo lol gigita be nu sarisari be atatu sihav van te dum sosoria. Atatu vwate nu hav gita te God, sa ta sav gita te dumwia. Tataro be gogonai i muramura non God vai tuai tuai. Amen.

1 Timoti 4:10

Bwatuna haḡe geki be tam lol rovoga hahavwani; tam doronhohov huri God be mwa dogo vai tuai, kea be varahun sinombu duluai, liuhage kera kebe ram binihimwasigi.

1 Timoti 3:16

Tanon binihiv gairuruai sigai, rahuda dahuligi huri gogonai gaivua maragai: Kea nu seserainia lalai gida lol rebehin atatu, nu dovon̄ainia be nu vavtutu lol Vui, i nu gitana gin ira enjel. Kea nu toretore lalainira be ram hav vora te ira varan Israel, binihimwasigi lol ureure, i God mwa lai luau vai amare lol sarisari.

1 Timoti 3:2

Tomuai non uloilua sihav lol te ginau be sinombu rav vinihi hantainia, i vivora tasalana n̄an gaituvwa. Kea vi vwalaunia sibona gin mataisao, atat dodolua rav binihi marahinia. Vi laiḡoḡo dumwira be non tausala, i vi vagahi dumwi.

Kolosi 1:5

Batena be mwasin roroi be Roroi Tavuha mwa mai muana abemiu, gin ron̄oe huba i gim ilo doronhohov be mwa dogo alolona. Doronhohov geki kea bwatun nomiu binihimwasigi garagusi mai nomiu lolotabetabe be mwa lol vatuvwainia hurigo lol ute atamare.

Ifisas 4:21

Nam iloe be gin ron̄oe huria, i kimiu haḡea alolona, i kimiu gin lai silo vagahi huri mwasigi be mwa dogo alolon Jisas.

Kelesia 3:1

Kimiu ata Kelesia nu vevean melmeloi lalai kimiu huri mateanan Jisas Kraes alun volovolo. Take kimiu ira taltaleana; gim lin̄ atatu vwate mwa ruruhigo.

2 Korin 6:16

Imwan God sihav damei te dum mai nun Vatu, i gida imwan God rahu. God nu vevea be, “Nav togo maira i nav lago maira, Nai vora nora God, i kera rai vora noḡu sinombu.”

Lalaḡova 14:15

“Hurihano be gim lol ginau kungeki? Kamaru sibomaru atatu vuroi n̄an kun kimiu! Kamaru teti kadogaha huribe garumen seserai Roroi Tavuha, i be rav men lol kimiu be giv taleva nin ginau vurovuroi huri mwasin God, gabe nu tau ute atamare, mai tahi i ureure duluai i ginau duluai gabe mwa du alolona.

Leo Tavuha gabe Jon nu Ravae 6:69

I kadogaha gan binihimwasigi i gam iloe be giḡo Wani Sabuga gabe mwa mai nin God.”

Leo Tavuha gabe Jon nu Ravae 1:17

God nu lai Silo sivi Moses, take God mwa lai hogoi i mwasigi sivi Jisas Kraes.

Hibru 9:14

Take dagan Kraes vi lol rovoga wasi maragai. Kraes nu kun ginau rahu be ginau vwate nu hav hantai tehe lol rebehina be ram wehia huribe men lai dagai vuron atatu. Gin muramura non Vui Sabuga be mwa dogo vataha mahavana mwa lai rahun Kraes vai aben God. Dagana mwa lol binihinda mwa melmelo lol ginau duluai be tam lolia, huria be tav lol dum rovoga non God be mwa rahu.

2 Timoti 2:20

Lol imwa gaivua aia nu masiri gin beleti mai kasbol. Rituai be nu loliana gin vatan̄oga i vatlegiga, take mulei ginau be nu loliana gin gai i tan merameraga. Ginau rituai nu haḡoana huri raumatan hala, i rituai nu loliana huri rovoga son̄son̄o.

1 Timoti 3:5

Be atatu vwate mwa hav ilo te halana be vi tomuai ata la imwa kun hanigi. Kun hanigi wani gea vi gitaḡoro uloilua non God?

2 Korin 6:7

gin avoan mwasigi, i gin muramura non God. Gam haḡo rahuana vavtutu mwa bora tutuḡoro huri kamai sibomai ḡoro ginau duluai.

2 Korin 3:3

Gim seserainia be ravrava non Kraes sibona nu horae sivi kamai. Ravrava uhu nu hav ravana tehe gin pen mai waina take gin vui non God be mwa rahu. Nu hav ravana tehe alun vatu be nu tatavola take alun irubwin atatu.

Leo Tavuha gabe Jon nu Ravae 18:37

Haḡe Paelat mwa hudalinia mwa bevea be, “Giḡo Ratahigi Lavoa, mwasigi?” Jisas mwa bwaliua be, “Gom bevea be inau Ratahigi Lavoa. Nan vora i nan mai lol ureure bwatuna ginau gaituvwa geki, be nav avo huri mwasigi. Ihei tehe mwa du huri mwasigi vi roron̄taiau.”

1 Korin 3:16

Matuke gim hav iloe tehe be kimiu imwa tataro non God i be kunia Vui Sabuga non God mwa dogo alolomiu.

1 Korin 10:32

Gosav lol te ginau be vi lol atat dolua vi ron̄ mwahantai, vara ira Jius, sage ira Lolobon̄i, sage uloilua non God.

1 Timoti 3:14

Len̄len̄a be nam doronhohov be nav mai abemiu si hav vora te n̄ava, nam rav ginau duluai geki lalainigo kadogaha.

2 Timoti 2:19

Take bwatbwatu be God nu taria sihav rihuan te dumwi; ira iha haḡea keragea ram du aluna: “Ratahigi mwa ilo kera be bilana,” i “atatu n̄oto be rai vora bilan Ratahigi rav mambu gin lalaḡov hantai.”

Hibru 10:21

Kadogaha Jisas mwa mai gi nonda vagahi gaivua be mwa ḡitaḡoro gida.

1 Pita 4:17

Taron vevegi be mwa dau bwatuna mai atatu ata lol imwan God. I kebe vevegi gea vi tau bwatuna mai gida, Havanau haḡea vi loli lalai sinombu be ram hav lin̄ te maḡemu huri Leo Tavuha non God?