1 Timoti 1:10 - Hano Niu Testamen

¹⁰ Ram bulu lol bwatigoro lol rebehi, be atamwani mai atamwani sa vavine mai vavine, kera be ram surai turin rovoga, kera be ram dentene, kera be ram bev avoan tentene, i ram lol ginau duluai ḡoro silo vagahi mwasigi God.

1 Timoti 1:10 Referans Kwoze

2 Timoti 4:3

Bwatuna be taro vi mai, batena be sinombu tasav mom roron̄tai tehe huri silo vagahi mwasigi. Rav huri havanau be nora doroniva mwa doronia sibora. Ram hiḡehiḡe huri ira vagahi dodolua, be ram bev ginau lalainira vataha ginau be kera ram doronia huba.

Ravrava non Pol lalai ata Rom 1:26

Bwatuna be sinombu ran lol ginau kerageki, God mwa bisdagai ninira i mwa lin̄ira ram lol ginau busbusi be ram doron be rav lolia. Ira vavine ram lin̄i be ram bulu mai ira atamwani i ram dau bwatuna ram bulu mai ira vavine.

Visirai 21:27

I havanau hantai mulei sihav mom haroro vai alolon bwatutun vanua gea. I rahuanan bwatigoro mulei sigai aia, sage tenteneana. Ira sinombu n̄an alolon bwatutun vanua vivora kera duluai gabe ihara nu ravana lol buka non Nitui Sipsip huri rahuana.

1 Timoti 6:3

Ihei be mwa lai silo vagahi dolua be mwa hav dadariha tehe mai silo vagahi non nonda Ratahigi Jisas Kraes i silo vagahi be mwa seserai matan halan rovoga mai God.

Ravrava nin Jud 1:7

Mulei giv vinihi dum ira bwatutun Vanua Sodom i Komora i ira bwatutun vanua dodolua dalisira, ira atatuna ran lolia kun ira enjel kerageki be ram lol alen̄ hahantai lol davolan vavine i atamwani: vevegin gabi be ran van sivinia mwa bora malele lalai gida duluai be tav gitae.

Taetas 1:9

Vi haḡo batugehi avoana be tanon butuana kea be tam bagahi ginia, tomuai vi bului sinombu gin mwasin silo vagahi i vi seserai dumwia lalainira be ram banburigai mwasin silo vagahi huri be kera ram bahala.

Visirai 21:8

Take nai vevea lalai kimiu huri havanau be vi loli lalai ihei tehe be ram matmatagu; i lalainira be ram lol salil silo, i lalai ira hei be ram lol alen̄ bibili, sage ram wehiwehi bonogai, sage hovita lol bwatigoro, ira hei gabe ram lalaḡoi mateana i mera, i lalai nira be ram ḡogonai nun vatu dodolua, i lalai ira tenteneana. I vi vohainira gea vai lol numbun wain gabi tabwalue mai salva, geki gairuan mateana.”

Hibru 13:4

I atatu duluai rai vinihi marahi silon lagiana, ira ahoai mai ira tasalai, giv togo bavtutu hurin silon lagiana gingin kimiu. God vi vevegi ihei tehe gabe ramuru sura be lagiana sigai, i ahoai mai tasalai be vwate mwa sura mai atatu dolua.

Visirai 22:15

Take atatu be ram lalaḡo hantai, ira vwiriu meto, gabwaleva i ira atat bwatigoro, i kera be ram gogonai nunu buhiga, maira duluai be ram doron be ramen tentene tagaro i ramen togo deḡeteḡe tagaro.

2 Timoti 1:13

Gov huri halan mwasin silo vagahi kea be gon ron̄oe niniau lol binihimwasigi garagusi i lolotabetabe, kea be lol Kraes Jisas.

Leo Tavuha gabe Jon nu Ravae 8:44

Kimiu haḡea ira nitun tamamiu, gabe Setan, i gim doron be giv huri binihiva non tamamiu. La bwativuna kea atat wehiwehi atatu, kea mwa hav vora te mwasigi bwatuna gea mwasigi sigai alolona. Mahavana gabe mwa dentene kea mwa lol ginau hurin mwasin alen̄ana, bwatuna gabe kea tenteneana i taman ira tenteneana duluai.

Taetas 1:13

Avoana be atatun vevsera nu vevea kera mwasigi. Haḡe goi vev wasinia lalainira be kea ram bahala, be rai mai gi atat wasi lol binihimwasigi garagusi,

Visirai 18:13

sinamon, vanila gaibonboni, mee mai vrankinsens; waen mai oliv oel, vulaoa melmelo, wit, buluki, sipsip, ira hos ira tanon lagoana, ira turin rovoga mai ira atat dodolua mulei.

1 Timoti 4:6

Be goi vev ginau kera geki lalai ira, tua goi vora atatun rovoga tavuha non Kraes Jisas. Avoana ata lol binihimwasigi garagusi vi loligo gov wasi lol binihimwasigi i silo vagahi tavuha be gov huria.