1 Pita 1:6 - Hano Niu Testamen

⁶ Ginau geki mwa lol kimiu gim ron̄ mwandavuha maragai, n̄ano be kadogaha taro mwa bwelvwele lalan̄an ginau hahantai vi lol dum kimiu giv ron̄ mwahantai.

1 Pita 1:6 Referans Kwoze

Jemes 1:2

Ira tuaku lol taro be gim dogo ririhai giv masiri gin samwarana,

1 Pita 5:10

I ataguna be giv ron̄ ḡagarasi huri taro vwelvwele gea, God, gabe mwa lai hogoi duluai, vi lol ginau tavuha duluai rav vavtutu. Kea vi lol kimiu giv wasi i vi tu wasigi mai kimiu bereva gim hovi. Mwa uloi kimiu be giv bete mai sarisari lol Kraes, sarisari be vi tu rahurahu vai tuai.

Ravrava non Pol lalai ata Rom 12:12

Gov ron̄ mwandavuha huribe nom doronhohov mwa hohovi huri ginau tavuha nin God. Gov lin̄ maḡemu lol taro ririhai, i gov tataro vataha mahavana.

Ravrava non Pol lalai ata Rom 5:2

Kea nu lai gida vai alolon hogoi non God be kadogaha tam ron̄ mwandavuha. I tam samsamwara bwatuna be mai nonda doronhohov be tam hara sarisari non God.

Matiu 5:12

Giv samsamwara i giv garigari kimiu, huri be giv lai volimiu gaivua lol ute atamare. Kera ran lol ḡagarasi atatun vevsera atamua kunia.

Leo Tavuha gabe Jon nu Ravae 16:33

Nan vev ginau geki lalai kimiu huribe, giv lai tamwata ginia, huribe be giv bul gaituvwa aluku. Ureure vi lol kimiu giv ron̄ ḡagarasi. Take giv tu wasigi! Nan rihu maragai nin ureure!”

Leo Tavuha gabe Jon nu Ravae 16:22

Kunia haḡea mulei mai kimiu: kadogaha gim ron̄ mwahantai, take nav gita mulei kimiu, i lolomiu vi masiri gin samwarana, samwarana gabe atatu vwate sihav lai te dagai dumwia nin kimiu.”

Matiu 11:28

“Kimiu duluai be gim lol rovoga hahavwani, i gim datal ginau marahi, giv mai huriau, i nav lai mambuana lalai kimiu.

Ravrava non Pol lalai ata Rom 5:11

I vorate kea n̄ano, ta kadogaha gida mulei tam ron̄ mwandavuha maragai mai God sivi nonda Ratahigi Jisas Kraes. Sivinia tam bora ira tuan God mulei.

Lalaḡova 14:22

Ramuru lol wasi ira binihimwasigi i ramuru av durara be rav tu wasi alun nora binihimwasigi garagusi. Haḡe ramuru bevea be, “Mwa du be tai van sivi ute ririhai ivusi vuvuri tam siv van lol Rahuan gara gabe God mwa bora ratahigi alolona.”

Leo Tavuha gabe Luk nu Ravae 10:20

Take gisav samwara tehe bwatuna vui hantai ram ron̄ silomiu; ta giv samwara huri be ihamiu nu ravan ḡoro amare.”

1 Pita 4:7

Taro vi sosori be ginau duluai vi nogo. Giv binbinihi tavuha i giv vwalau rebehimiu sibomiu i kimiu giv lol dumwia be giv tataro.

Jemes 4:9

Gov ron̄ mwahantai, gov gagarui mataruamwa i gov dei! Mwa du maragai be gov leahi nom manana gi deiana i nom samwarana vi mai gi ron̄ mwahantai!

2 Korin 4:17

Gam habwe taro ririhai kokolo huri mahavana kadogaha, take ram bului kamai be gav lai dum sarisari vai tuai kea haḡea ginau gaivua lalai kamai liu taro ririhai.

Jemes 1:9

Ira binihimwasigi be ira hiru mwa du be rav ravwega, bwatuna God mwa lolira ram ratahigiga lol vui.

Filipae 3:3

Kamai haḡea mwasin ira tav dovon̄ana bilan God. Gam ḡogonai God sivi non vui, i nomai sasagerega kea lol Kraes Jisas. Gam hav tau te butuana alumai sibomai sa havanau tehe be gav lol dumwia lalai rebehimai.

2 Korin 6:10

Gam habwe ron̄ mwahantai be gaivua, take tagaro gam samsamwara. Gam hiruga, take gam lol sinombu ivusi ram rosoga lol binihimwasigi. Nomai na ginau mwa sigai, take mwasigi be ginau duluai nomai abena.

1 Tesalonaeka 1:6

I kimiu gin mai kun kamai i kun God. Gin ron̄ ḡagarasi maragai, take gin dame ḡoro silo vagahi gin samwarana be mwa mai nin Vui Sabuga.

Filipae 4:4

Giv masiri gin samsamwara lol Ratahigi tagaro. Nai vev muleinia be giv masiri gin samwarana.

Kelesia 5:22

Take Vui mwa baivusi vwain lolotabetabe, samwarana, tamwata, ron̄ mwan̄ava, lolotavuha, tavuha, binihimarahi,

Ravrava non Pol lalai ata Rom 9:2

Binihiḡu mwa marahi tagaro i nam ron̄ mwa hantai mutaigi.

Filipae 2:26

bwatuna be mwa doron maragai be vi gita kimiu duluai. Kea mwa binbinihi maragai bwatuna gin ron̄oe be nu haro.

Leo Tavuha gabe Luk nu Ravae 2:10

take enjel mwa bevea lalainira be, “Gisav matagu tehe! Huri gita nam bev sera Roroi Tavuha lalai kimiu gabe vi lai samwarana gaivua lalai sinombu duluai.

Leo Tavuha gabe Luk nu Ravae 1:47

loloku mwa samsamwara huri God Varahuku,

Matiu 26:37

Haḡe Jisas nu lai Pita mai ira nitun Sebedi gairua i ram bano. Binihin Jisas mwa bavora mwa marahia i mwa ron̄ mwahantai.

1 Pita 3:17

Nu tavuha be tav ron̄ ḡagarasi huri be tan lol ginau tavuha ninia be tas lol ginau hantai be kea haḡea God mwa doronia.