1 Korin 1:6 - Hano Niu Testamen

⁶ Roroi Tavuha huri Ratahigi Jisas Kraes kea mwa mai gi ginau wasi huba alolomiu.

1 Korin 1:6 Referans Kwoze

Visirai 1:2

Mwa bevea huri ginau duluai be nu gitae. Kea avoana non God i ira mwasin ginau be Jisas Kraes nu seserainia.

2 Timoti 1:8

Haḡe gosav busbusi tehe be gov vevea lalai sinombu huri nonda Ratahigi Jisas, i gosav busbusi tehe giniau, be nam do lol imwa vauvauhi huri Kraes. Take gov ron̄ ḡagarasi maiau huri Leo Tavuha. God, kea be mwa lai muramura lalai gida be tav lolia kunia.

1 Timoti 2:6

Nu mahin̄ainia sibona be vi vora varahun sinombu. Geki mwa lol ḡigilainia la mwasin tarona be God mwa doron atatu duluai be rav rahu.

Visirai 19:10

Nan sisiabwau lol bwalagen enjel i nam dau bwatuna nam ḡogonainia. Take enjel mwa bevea lalaiau be, “Gosav lolia te kunia! Inau atatun rovoga vuroi, kunigo mai atat dodolua gabe ram bevea huri Jisas. Gosav gogonai te atatu dolua take God!” Huribe mwasigi be nu seseraiana sivi Jisas, kea haḡea nu rihui ira atatun vevsera.

2 Korin 12:12

Batena be nan togo mai kimiu, nan haḡo alen̄ n̄ava be nan lol ginau be ran dovon̄ainia be inau hala vwate dovon̄ana, ginau dan̄an̄a i lagoan dadaligi.

Ravrava non Pol lalai ata Rom 15:19

bwatuna, muramuran ira ginau dan̄an̄a i ginau lalavoa be ran gitae, i huribe muramura non Vui Sabuga. Nan toretore la avoan Sabuga nin Jerusalem la hala mwa dalis vanua Ilirikum, i nan nogoi doren noḡu rovoga.

Lalaḡova 20:24

Take nam binihi rahuku kun be ginau vuroi n̄an vwate lalaiau siboku; ita noḡu doroniva n̄ano be tatan̄an lalaḡova be inau alolona mai noḡu rovoga gabe Ratahigi Jisas nu horau huria vi hara harai, be nav seserai Roroi Tavuha huri hogoi non God.”

Visirai 12:17

Haḡe drakon mwa lolhoroi maragai vavine gea, i mwa domare be men bwalo mai ira varana duluai lol ureure, kera gabe ram dabe silo non God duluai i ram lalaḡo bavtutu huri mwasigi be Jisas mwa seserainia.

2 Tesalonaeka 1:10

Geki vi loli lol gubwen̄i be God ratahigi vi mai i atatu be non atatu rav uloi roroainia. I sinombu duluai be ram binhimwasigi rav dan̄an̄a gin Jisas. Giḡo gov togo lol tatan̄ana gea bwatuna be gom binihimwasigi havanau be gam bevea lalainigo.

Kelesia 3:5

Mandovai God mwa lai Vui Sabuga i mwa lol ginau dan̄an̄a lol davolamiu huribe gim huri silo? Sigai, mwa lol ginau kerageki bwatuna be gom ron̄ Roroi Tavuha i gom binihimwasiginia.

Lalaḡova 28:23

Haḡe ram dov mahavan gubwen̄i mai Pol, i ataguna sinombu gaivua gabe tavalura ram mai lol gubwen̄i gea vai lol ute be Pol mwa dogo aia. Haḡe Pol mwa dugu halana lalainira huri rani duluai vaivotu mwa bon̄i. Mwa bevea huri rahuan gara gabe God mwa bora ratahigi ḡoro non sinombu alolona. Kea mwa dogo mwa avo alun Silo non Moses mai ira atatun vevsera huri be vi ravara rai mai gi atatu non Jisas.

Lalaḡova 23:11

Haḡe lol bon̄i gea Ratahigi mwa bisirai aben Pol mwa bevea be, “Gosav matagu tehe! Gon lai nom gaitura huba lalaiau teti Jerusalem, i gov lolia n̄an mulei kunia lol vanua Rom.”

Lalaḡova 22:18

i Nam hueri, Ratahigi mwa bevea lalaiau be, ‘Goi vilvilehi ba mwalue nin Jerusalem bwatuna be sinombu aia rasav dara tehe alun nom avoan dura huriau.’

Lalaḡova 20:21

Lalai ira Jius mai ira Lolobon̄i be rav van burigai nin vurora lalai God i rav binihimwasigi alun nonda Ratahigi Jisas.

Lalaḡova 18:5

Mahavana be Sailas mai Timoti ramuru mai nin Masedonia, Pol mwa lai mahavana duluai alun toretore huri roroi, i mwa bev tavuhai halana lalai ira Jius be Jisas kea Kraes.

Leo Tavuha gabe Mak nu Ravae 16:20

Ira roron̄tai ram ban ram doretore vataha ute, i Ratahigi mwa lalaḡo bul maira i mwa dovon̄ainia be nora toretore nu mwasigi gin ginau dan̄an̄a ivusi be ram lolia.] [

Visirai 12:11

Ira tuada ran muramura ḡorora gin dagan nitui sipsip i gin mwasigi gabe ran seserai luae; i ran muramura bwatuna be ran hav sinsinei te rahura, take ran samsamwara be rai mate.

Visirai 6:9

Haḡe nitui sipsip mwa n̄andu gailiman tigoro. I nam ḡarere aten olta be ira vui be ran mate tuai huba huri avoana non God i ran tu wasigi, gi gaitura vaivotu nogonana.

Visirai 1:9

Inau Jon, inau tuamiu i roron̄tai vwate non Jisas. Nam bulu mai kimiu lol ira ginau hahantai be ram dum kimiu n̄oto be mwa mai alura n̄oto be ḡogonai Jisas be Ratahigi Lavoa. Ram dau inau la vanua kolo Patmos, huribe nam bev lua avoana non God gin mwasigi be Jisas nu seserai luae.

Lalaḡova 11:21

Haḡe muramura non Ratahigi mwa dogo maira, i sinombu gaivua maragai ram binihimwasigi i ram dabagilu huri Ratahigi.

Lalaḡova 11:17

I mwa melmelo didinigi be God mwa lai hogoi lalai ira Lolobon̄i kunia n̄an be nu laia lalai kamai mahavana be gan binihimwasigi alun Ratahigi Jisas Kraes, i kunhanigi be inau namen tomare be du ḡoro God.”