1 Jon 4:8 - Hano Niu Testamen

⁸ Ira hei tehe gabe ram hav lolotabei te nora ivwalu, ram hav lolotabetabe te God, huri be God kea lolotabetabe.

1 Jon 4:8 Referans Kwoze

1 Jon 4:16

I tam iloe i tam binihimwasigi be God mwa dabe gida. God kea lolotabetabe, i ira hei gabe ram dogo lol God, rav tabe sinombu vataha mahavana, i God vi togo alolora.

1 Jon 4:7

Ira noḡu buluana, tav lolotabetabe gida bwatuna be lolotabetabe mwa mai nin God. Mahavana be tam lolotabetabe gida, i be gida tam dabetabe gida, gida ira nitun God i tam ilo God.

2 Korin 13:11

Kadogaha, ira tuaku nam bevea be tai vilin̄lin̄i. Giv lol ron̄oe be giv mai gi atat duluai. Giv lol havanau be nan hudali kimiu be giv togo lol tamwata. Vuvuri God be kea lolotabetabe i tamwata vi togo mai kimiu.

Ifisas 2:4

Take sine hagavi non God nu liu, i kea mwa dabe maragai gida.

1 Jon 1:5

Jisas nu vevea lalai kamai be God kea gigita i ute meto mwa hav tu te ḡoroe. Geki gam bevea lalai kimiu.

1 Jon 3:6

sinombu gabe lolora mwa dogo haragaituvwa maia, rasav non buroga tehe. Kera gabe ram buroga ḡao, ram hav gita te Kraes, i ram hav iloe tehe.

1 Jon 2:9

Take be tas garoinia ba bevea be tam dogo lol ute rani i tam barihai atat dodolua, kunia gida tam dogo radu lol ute meto.

1 Jon 2:4

Take be tas garoinia ba bevea be tam ilo God i tam hav tabea tehe, kunia tam dentene i mwasigi mwa hav togo tehe aloloda.

Hibru 12:29

bwatuna be nonda God kea kun gabe gabi gaivua be vi oda kaburai vataha ginau.

1 Jon 3:10

Lalaḡova non atatu mwa seserainia be kea nitun God sage kea nitun setan. Kera be ram doron lalaḡov hantai, i ram hav tabe te ira tuara, ram hav vora te bilan God.