1 Jon 2:16 - Hano Niu Testamen

¹⁶ Nonda binihiv hahantai duluai geki mwa mai nin ureure, binihiva nan doroniva huri rebehi, doronivanan matada, i doronivanan roso. Ginau kera geki vwate mwa hav mai tehe nin God.

1 Jon 2:16 Referans Kwoze

Ravrava non Pol lalai ata Rom 13:14

Take gov sagago mai ratahigi Jisas Kraes i gov vinihi malioi vuro be gom lolia hurin binihimwa sibomwa.

Kelesia 5:17

Nonda doroniva siboda mwa doron hano be mwa hav eno tehe lol Vui, i Vui mwa hav doron te hano be mwa en lol nonda doroniva. Ginau gairua geki ramuru barivarihainira, i gisav lol te dum hano n̄ano be gim doronia.

Ifisas 2:3

Lol taro tuai gida tan togo kunira, tan lol ron̄oe be tamen samwarai nonda doroniva siboda i be tamen lol ginau duluai be rebehida i binihinda mwa doronia. Tas ron̄ ḡagarasi gin lolhoro non God bwatuna alen̄a be tam dogo aluna. Gida tan ḡun sinombu dodolua n̄an mulei.

Jemes 3:15

Lalan̄an mataisao kun geki mwa hav mai te nin amare. Take nin ureure, kea nu hav vorate non vui, kea mwa mai nin atmate.

1 Pita 2:11

Ira tuaku, kimiu gin ḡun atat mai i tausala lol ureure geki. Nam doron be giv lin̄ ginau hahantai be rebehimiu mwa doronia be vi lolia be mwa bwalo vai alun vui rahu.

2 Pita 2:10

Silo Vevegi gea liuhage lalainira be ram dogo ram lol bwatigoro lol rebehira sibora ram doronia i ram hav doron te roron̄o. Ira Vagahi tentene kera geki ran wasi i ram lol havanau be ram doronia. Ram hav matagu tehe be rav avo vai alun ira enjel.

Taetas 2:12

Mwa bagahi gida be tasav van te burigai God sa tasav lol te ginau hahantai be ureure mwa doronia. Take, hogoi non God mwa bagahi gida be kadogaha tav togo gin mataisao i lol hal vavtutu i lol hala kea be mwa seserainia be tam lol lalaḡova non God.

2 Pita 2:18

Ram bev avoan sasagerega be binihiva ata alolona sigai. Gin nora doroniv bwatigoro ram domuai sinombu vai alolon vidin vuro---atatu be ram siv tau bwatuna be ramen romaragai nin atatu be ram dogo lol vahalana.

1 Pita 1:14

Kadogaha be gim bora naturirigi tavuha non God gisav mom dogo tehe kunia be gin togo tuai Gin hav ron̄ te batoia, i gin lol ginau hahantai be gin doronia.

Taetas 3:3

Amua radui gida mulei tan dadaloiga. Tan dahadaha, tan lol bahala, i tan vora turi huri ginau ivusi be rebehida ran doronira i ran samsamwara ginira. Tan lin̄ rahuda vai lol vahalana i tam binbinihi hantai. Sinombu ran varihai gida, i gida mulei tan varivarihai gida.

Matiu 5:28

Ita inau nam bevea lalai kimiu be, ihei atamwani mwa ḡita vavine mwa doron be si vahala maia, kea mwa daḡataḡa huba lol lolona.

Leo Tavuha gabe Luk nu Ravae 4:5

Haḡe vui hantai mwa laia vai amare i mwa bagahi darihounia gin ute ratahigi duluai ata lol ureure.

Kelesia 5:24

Kera gabe ram dogo lalai Kraes Jisas ram boha volvol mulei vurora sibora. Ram lin̄ mulei nora ron̄ova ata tuai i ginau hahantai be ram doronbe ramen lolia.

Matiu 4:8

Haḡe Vui hantai mwa laia mulei vai la vusi holomare, i mwa bagahia gin ute ratahigi duluai ata lol ureure mai sarisarira.

1 Korin 10:6

I ginau kerageki ram loli kun gabe malele lalai gida, be men tuḡoro gida be tasav doron te ginau daltale kunia be kera gea ram doronia.

Jemes 4:16

Take kadogaha gom ravravwega i gom avo sasagerega. Avoan ravravwega duluai geki ran hantai.