1 Jon 1:2 - Hano Niu Testamen

² Kea gabe nu lai rahuana nu visirai! I kadogaha gam bevea rahuan gara gabe nu togo mai Tata i mwa bisirai lalai gida.

1 Jon 1:2 Referans Kwoze

1 Jon 5:20

Tam iloe be Jisas Kraes nitun God nu mai, i nu vagahi gida gin mwasin God, i Jisas Kraes haḡea bwatuna be kadogaha tam bora bilan mwasin God gabe mwa lai rahuana vai tuai.

Leo Tavuha gabe Jon nu Ravae 1:4

Avoana uhu kea bwatun rahuana, i rahuana geki mwa lai gigita lalai atatu duluai.

1 Timoti 3:16

Tanon binihiv gairuruai sigai, rahuda dahuligi huri gogonai gaivua maragai: Kea nu seserainia lalai gida lol rebehin atatu, nu dovon̄ainia be nu vavtutu lol Vui, i nu gitana gin ira enjel. Kea nu toretore lalainira be ram hav vora te ira varan Israel, binihimwasigi lol ureure, i God mwa lai luau vai amare lol sarisari.

Leo Tavuha gabe Jon nu Ravae 17:3

Rahuana vai tuai gin binihiva be atatu vi ilogo, be giḡo n̄ano God mwasigi, i be atatu ramen ilo Jisas Kraes gabe gon horae.

1 Jon 5:11

God mwa bev serae lalai gida gabe mwa lai rahuana vai tuai. Rahuana geki mwa mai lalai gida sivi Nituna.

1 Jon 3:8

Atatu gabe ram buroga ḡaoḡao, kera nitun setan. Setan nu vuroga la bwativuna, take Nitun God nu mai be men lol kaburai Lalagova non setan.

Taetas 1:2

Binihi mwasigi gea i iloute gea mwa mai nin doronhohov huri rahuana vai tuai, taro mwa siv bwativuga, i God sihav tentene te dumwi.

Leo Tavuha gabe Jon nu Ravae 14:6

Jisas mwa bwaliua be, “Inau matanhala, mwasigi, i rahuana; atatu vwate sihav van te dum aben Tata dagai niniau.”

1 Jon 3:5

Gim iloe be Kraes nu mai be vi lai dagai vuron sinombu. I vuro vwate sigai aluna.

2 Timoti 1:10

Take kadogaha mwa seserainia lalai gida gin maiana non varahuda Kraes Jisas. Nu lol kaburai mateana, i sivi Leo Tavuha kea mwa seserainia lalai gida hala be tav lai rahuana be sihav lol te kaburaiana.

Kelesia 4:4

Take lol taro be taro vavtutu mwa mai, God nu hora nituna, be nu vora nin vavine i nu togo halaten silo.

Leo Tavuha gabe Jon nu Ravae 15:27

I kimiu mulei giv avo huriau, bwatuna gin togo maiau la bwativuna radui.”

Lalaḡova 3:15

Haḡe kunia gim wehi atatu gabe mwa domua huri rahuana, take God mwa lol domareinia atagun mateana, i kamai haḡea gaitura huri ginau geki.

1 Pita 5:1

Kadogaha nam do mai ginau vwate be nav vevea lalai ira bwatmetue lol nomiu vatugigi. Inau mulei nam bora bwatmetue. Nan gita ron̄ ḡagarasi non Kraes duluai, i nav bete lol sarisari be vi seserai nia lalai gida. Nam hudali kimiu mulei,

Ravrava non Pol lalai ata Rom 8:3

Silo gea roron̄ona sigai, huribe silo gea mwa loliana mwa mamara gin vuroda siboda. Ta God mwa lol hano gabe silo si hav lol te dumwia. Nu hora nituna vai lol ureure mai rahuana n̄ano kun gida, ke atatu rituai ram lol rahu gi tanon vuro. Mwa hora nituna kun gabe tataroi tuntun be men vol vuroda, God mwa lol rahun atatu be men lol kaburai vuro.

Lalaḡova 10:41

mwa hav vora te lalai atatu duluai, take lalai ira gaitura gabe God nu gita luara huba, kea gin binihira be lalai kamai gabe gan gani i gan mwinu bul maia ataguna be nu tomare mulei nin mateana.

Lalaḡova 5:32

Kamai haḡea gaitura huri ginau kera geki kamai mai Vui sabuga, gabe hogoi non God lalai irahei gabe ram dabea.”

Lalaḡova 2:32

God nu lol barahu wani gea Jisas huba nin mateana, i kamai duluai haḡe gam seserai luae huri ginau gea.

Leo Tavuha gabe Jon nu Ravae 21:14

Geki, vatoluna be Jisas mwa bisirai lalainira non roron̄tai ataguna be kea nu tomare nin mateana.

Leo Tavuha gabe Jon nu Ravae 17:5

Tata! Gov lol roroaiau kadogaha la lol matamwa, huri be nav roroa, nav roroa kun gabe nan togo maigo la bwativuna.”

Leo Tavuha gabe Jon nu Ravae 16:28

Inau nam mai nin Tata, i nan mai vai lol ureure; i kadogaha nav lin̄ ureure ba ban mulei vai aben Tata.”

Leo Tavuha gabe Jon nu Ravae 8:38

Nam avo huri ginau gabe Tamaḡu nu vagahiau ginia, take gim lol havanau gabe tamamiu nu vagahi kimiu ginia.”

Leo Tavuha gabe Jon nu Ravae 7:29

take nam iloe, bwatuna nam mai ninia i nu horau mai.”

Leo Tavuha gabe Jon nu Ravae 3:13

Ihei tehe mwa hav hae tehe vai lol ute atamare ta inau Nitun Atatu n̄an; gabe nan himai nin amare.”

Leo Tavuha gabe Jon nu Ravae 1:18

Atatu vwate mwa hav gita te radui God. Nituna vora gaituvwa, gabe kea kun God sibona i mwa dogo hurin Tamana, kea mwa seserainia lalai gida.

1 Jon 1:1

Nomai roroi geki gam ravae lalai kimiu huri roroi huri rahuana, avoan mataisao. Avoana non God lalai kimiu mahavana be ureure sigai radu. Take avoan Mataisao non God gea nu togo huba. Bweromai nu ron̄oe i matamai nu gitae, i limamai nu sibweri avoana geki.

Leo Tavuha gabe Jon nu Ravae 10:28

Nam lai rahuana vai tuai lalainira, i rasav mate tehe. Atatu sihav rais te dagainira ninia.

Leo Tavuha gabe Jon nu Ravae 19:35

(Wani be nu gita ginau geki be nu loli mwa bevuri huria huribe kimiu mulei giv vinihi mwasigi.)

1 Jon 2:25

Nitui nu tatauleo lalai gida huri rahuana vai tuai.

1 Jon 4:2

Giv iloe be vui mwa mai nin God sa sigai. Be ihei tehe si vevea be Jisas Kraes nu vora atatu i mwa bora lol ureure, wani gea Vui non God alolona.

1 Jon 4:14

God nu hora Nituna be vi vora Varahun ureure. Gida tan gita Nituna, i kadogaha tam bev sera huria lalai atat dodolua.

1 Jon 5:13

Kimiu duluai gim dau nomiu binihimwasigi alun nitun God, i nam ravrava lalai kimiu be gimen iloe be giv haḡo rahuana vai tuai.