Taitus 3:5 - U Bulunagana U Niga

⁵ ba nonei e lu pouts ranou ra. Nonei ema lu pouts meraira tegi kato menaira ta markato ta matskö. E möa! Kaba tara nitaatagi i tanen ba nonei e lu pouts ranoura. Nonei e galus ban a man markato a man omi i tarara ba u Namnamei u Göagono e hala ranera a nitöatöa a tsimus.

Taitus 3:5 Referans Kwoze

2 Timoti 1:9

Nonei te lu pouts raiou ra na te ngö has raioura tegi katuun uu ra i tanen. Nonei ema kato mei a ka teka ti kato haniga uu ra. Emoa, kaba turu ngilngil peisa i tanen ba nonei e taatagi koru ranoura me ngö ranoura i mamuna pöata.

1 Korin 6:11

A palai i tamilimiou i kato has uu teka i manasa. Kaba e Sunahan e galus hakapa ban a man markato a man omi i tamilimiou bate hagöagono ranou limiou. Nonei e kato hamatskö sila raia limiou tara solona e Iesu Kristo a Tsunono na turu Namnamei tere Sunahan i tarara.

1 Pita 3:21

U uolo e haharuei nena a tou baptais i tarara. U uolo e taguhir a pala tere Noa, na tou baptais e taguhu has ranou ra. E ma ka sile nei tega galus ba menaien u korkoriana turu tuenrei tuun i tarara. E möa. A tou baptais i tarara e mar mouna uana teka, e hateie nei e Sunahan a torirara ema kout raneira. Ara e tatei markato uara teka, taraha e Sunahan e hatakei poutsi e Iesu Kristo tara tou mate.

1 Pita 1:3

Aragi solosei e Sunahan e Tamana a Tsunono i tarara e Iesu Kristo. Tara nitaatagi pan koru i tanen nonei e hala rai ra a nitöatöa a tsimus te hatakei meien e Iesu Kristo tara tou mate i tanen. Na tara mamanaka a niga te haka beraien ra i Kolö, a manka tema tatei omiri na tema tatei mulari na tema tatei taiari.

U pas te koloto menai e Pol turu kristenira i Rom 12:2

Alimiou goma kukutiemi a markato tara han i puta teka. E möa. E Sunahan e ngilin hala ranei limiou u hakats u tsimus bate habiritsena a torimilimiou ba limiou te atei sile mou u ngil tere Sunahan bate hanigei men, a ka te nigana na ka te sasaala mena e Sunahan na ka te matskö nitöana.

Epesis 2:4

Kaba e Sunahan e roron taatagi koru ranoura. Nonei e taatagi hantuna raiara te kato hatöatöa pouts gono meraien ra e Kristo, ara ti ka halhal ban a nitöatöa tere Sunahan tara nihihipus i tarara i tanen. Na e Sunahan e lu pouts meraira a nihitaguhu peisa i tanen.

Epesis 5:26

Nonei e mate sil tega baptais meraien a hun katuun i tanen, me kato hagogoso mera neien u raranga tere Sunahan, be kato hagöagono has ranen.

U pas te koloto menai e Pol turu kristenira i Rom 11:6

Nonei ema hopö kap meraien ti kato haniga uaien. E möa. Nonei e hopö kap raien, taraha nonei e roron taatagi rena u katuun. Te kui beria u katuun e Sunahan be Sunahan te taatagi ranen, a ka teka ema ngöeri a nitaatagi. E möa.

Hibru 4:16

Na aragi ongolo tala bate la hasukusuku uara tara makum a göagono tere Sunahan tara pöata te singo ria ra, taraha nonei e taatagi ranoura ra. Na saha pöata tema tagala reia ra, nonei e taatagi ranou ra bate taguhu ranou ra.

Kolosi 3:10

Na limiou e ka tala memiou u hakhakats na u ngilngil u tsimus u niga. E Sunahan te habutu raiou limiou e kato here ranei limiou a peisanen. Na nonei e taguhu ranou limiou tego atei haniga sil mena mien limiou.

Galesia 2:16

Kaba ara e atei silera a katuun te kukuteiena a Lo turu Jiu ema matskö neia i matana e Sunahan. E möa. U katuun te hamana ria tere Iesu Kristo, nori u katuun te ngö ranoui e Sunahan u katuun u matskö. Ara e atei silera e möa ta katuun tega antunan matsköia i matana e Sunahan te kukute mena neien a Lo turu Jiu.

U pas te koloto menai e Pol turu kristenira i Rom 3:20

A katuun te kukutiena a mamanaka te ranga nena a Lo ema matskö neia i matana e Sunahan, taraha a Lo e haröto nena a katuun te kato homina.

1 Pita 2:10

I manasa alimiou ima katuun uami tere Sunahan, kaba i romana alimiou u katuun i tanen. Na limiou ima atei silemi te taatagi mera nei e Sunahan u katuun, kaba i romana alimiou e atei silemiou e Sunahan e taatagi ranou limiou.

Epesis 4:23

Na torimilimiou na u hakhakats i tamilimiou egi hatsimus pouts nitöani.

U pas te koloto menai e Pol turu kristenira i Rom 3:28

A katuun e matsköna tere Sunahan turu nihamana i tanen. A katuun ema matskö neia te kukute menaneien a Lo.

U pas te koloto menai e Pol turu kristenira i Rom 9:11

Na e Sunahan e ngilin hopö kap sile ii a töa pien tson tego kato menaien u ngilngil tere Sunahan, ba nonei e poeiena tere Robeka, “A pien a hamua e kui benou a hahuoluna a pien.” E Sunahan e mar ranga mam noa uu teka ba galapien tema posa noa rari, na tima kato haseien a ka niga na ka omi. Nonei e hopö kap merai a galapien u ngil peisa i tanen. E ma hopö kap meraien a markato i taren.

U Bulungana u Niga tere Iesu Kristo te kolotein e Luk 1:78

Taraha? E Sunahan i tarara e taatagi koru ranoura na e tami has na i tarara. Nonei e hala ranoira a hitaguhu a niga bate here noi a pitala te piri nama tara bongbong bate luba nena u kuhil.

U Bulungana u Niga tere Iesu Kristo te kolotein e Luk 1:54

Nonei e taguhir u katunura i Israel, u katunun kui i tanen. Na nonei e kato hamani u raranga te hopö kap naien turu tuburara. Nonei ema solopale ii tego haröto menaien a nihitaguhu tere Abraham na tara pala i tanen tara mamana pöata te la nama romana.”

U Bulungana u Niga tere Iesu Kristo te kolotein e Luk 1:50

Nonei e taatagi sil rena u katunura i romana na u katunura tara pöata hoboto i murimuri te hatsunone ren.

Taitus 3:4

Kaba e noahasina ti markato uu ra teka, e Sunahan e harötein a nitaatagi na u pannen u ngilngil i tanen,

U pas te koloto menai e Pol turu kristenira i Rom 9:30

Bora ime tegi mar ranga uu ra? U katuun tima Jiu ii na tima torohanan kato hamatskö ia i matana e Sunahan, kaba turu nihamana i taren be Sunahan e ngö raneien u katuun u matskö i tanen.

U pas te koloto menai e Pol turu kristenira i Rom 9:16

E Sunahan ema hopö kap mera nei u katuun u ngilngil i taren na tara markato i taren. Nonei e hopö kap meranei u katuun a nihitaguhu peisa i tanen.

U pas te koloto menai e Pol turu kristenira i Rom 4:5

Kaba a katuun tema hakats hapara nanei a toukui a niga na markato a niga i tanen bate hamana tuun na tere Sunahan, be Sunahan te tarena u nihamana i tanen bate töan ngöe neien a katuun a matskö i matanen. Taraha, e Sunahan te tatei kato hamatskö hasena a katuun a omi.

U Bulungana u Niga tere Iesu Kristo te kolotein e Luk 1:72

E Sunahan e pei nonei ega taatagir u tuburara batema tatei solopale nei u raranga u göagono ti kitsi.

Hibru 6:6

Kaba nori i hapolasa ba noa hasiin e Sunahan. Na e möa koru tegi antunan palis lel menaien u hakhakats i taren, taraha e here nei nori e nila lel naria a Pien tere Sunahan tara kuruse, bate hamatsingolo lele rien i matar u katuun.

Matiu 3:11

“Alia e baptais ragi limiou u ramun tuun, e hatara nena alimiou u habirits ba hakapa naiam a man markato a man omi i tamilimiou. Kaba a katuun te la hamurimuri nama romana i tar e pan bala koru nanou lia. Nonei a tsunono pan, na lia a katuun papala koru ema antunan söata nagi u sendol i tanen. Nonei te baptais ranoui limiou u Namnamei u Göagono na u tula.

U pas te koloto menai e Pol turu kristenira i Rom 11:14

Alia e kato silegu tegi hiomi uu katuun i tar, bate habirits pouts menari u hakats i taren tere Sunahan be Sunahan te lu pouts ranou a palai i taren.

Hibru 10:22

Aragi la hasukusuku tala uu tere Sunahan. Na ragi hakats hamanaia i torirara bate hamana hatagalara. Na torirara ega gogoso bate moana ta man markato ta man omi tegi hasagohi ra, na tuenreirara i galuseia turu ramun u gogoso koru.