U pas te koloto menai e Pol turu kristenira i Rom 2:16 - U Bulunagana U Niga

¹⁶ A mamanaka teka e butu nou tara pöata temi one noua e Sunahan a man hakats hoboto te mousuna i torir u katuun, temar ranga has uana u Bulungana u Niga te habulungana negulia na e poeiena e Sunahan emi ona sila ranouen tere Iesu Kristo.

U pas te koloto menai e Pol turu kristenira i Rom 2:16 Referans Kwoze

1 Korin 4:5

Na limiou goma ona rami u katuun i mamuna a pöata tena la nama romana a Tsunono. Nonei te ona hamatsköe nou a manka te mousna turu kuhil bate hakei nouen turu ualesala, bate haröto has nanou u hakats turu katuun. Be Sunahan te hala ranoui u katuun hoboto u rangan haniga i taren.

Aposol 17:31

Taraha, nonei e hopö kapiin u lan tego butuma u kout i tanen, tara pöata teka ba nonei te hala nanou a nitsunono i tanen tara katuun te hopö kap mam naien. Na katuun teka e ona hamatskö hoboto ranou u katunura i puta. Be Sunahan te haröto rena u katuun hoboto te mana uana a ka teka, taraha nonei e hatakei poutsi a katuun teka tara tou mate.”

Aposol 10:42

Na nonei e ranga meraiou lam me poeiena, ‘Alimiou gona hahatei naiam u Bulungana u Niga turu katuun, ba tena hatei ramien e Sunahan e hopö kap naiou lia tego ona menai lia u katuun te töatöar na u katuun ti mate.’

U Bulungana u Niga tere Iesu Kristo te kolotein e Luk 8:17

Na e markato has uana iesana, a mamanaka hoboto te mousuna i romana e habuteriou. Na mamanaka tema atei sileri u katunura i romana, nori e atei sile roien i murimuri.

1 Pita 4:5

Kaba i murimuri nori ena tatei ranga peisa ner romana a man mouna a man markato ti katoeien te tuol rien romana i matana e Sunahan, nonei te ona ranou u katuun te töatöar na u katuun ti mate.

U pas te koloto menai e Pol turu kristenira i Rom 3:6

E möa koru. Sanena e Sunahan egoma hahuna raira, ba nonei tema antunan ona has ranei u katuun hobotora i puta teka.

2 Pita 2:9

E Sunahan e tatei haka haniga rena u katuun u niga tegi torohana meraien, bate haka rena u katuun u omi tara nihahuna e antunana te butuna romana u Kout Pan i tanen.

2 Timoti 4:1

U mana koru alia e ranga hatagala koru me gialö i matana e Sunahan na e Iesu Kristo temi ona rarouen u katuun hoboto te töatöar na ti mate hakapa, ba nonei te hatakeie nou a Nipepeito i tanen.

2 Timoti 2:8

Hakats kapiin e Iesu Kristo te takei poutsia tara tou mate, a hatutubunei tere Devit a King. U Bulungana u Niga te habulungana naiegulia te hatei nanen.

1 Timoti 1:11

Na u hihatuts u mana na u niga nitöa te matsköna turu Bulungana u Niga te halei lia e Sunahan te pan saluhena, nonei tego hihatuts hamatskö ni lia.

U pas te koloto menai e Pol turu kristenira i Rom 16:25

Aragi solosei e Sunahan! Nonei te antunan hatagalena u nihamana i tamilimiou ba limiou te hamana mia i tanen, te hengo mena milimiou u Bulungana u Niga te rararie gulia, na turu raranga te hatei nena e Iesu Kristo. Nonei u raranga teka e solon mous i manasa.

U Bulungana u Niga tere Iesu Kristo te kolotein e Jon 12:48

A katuun te tori tsuga nanou lia na te rama nena u raranga i tar, nonei ena butu noa has noua tara tsonun ona turu raranga tara kapakapana pöata. Na u raranga te katoe gulia nonei tena ona pouts hase nouen.

Hibru 9:27

U katuun hoboto e ka meier a man tötöa man pöata tena mate merouen, ba i murinen be Sunahan tena ona ranouen.

2 Timoti 4:8

A pöata e tuku hakapa hamanasa tega hala menai e Sunahan a hihol tu kato hasasaala menaien lia. A tson onuna hamatskö koru, nonei a Tsunono e Sunahan, tena hale noien lia nonei turu Lan u Kapan. Nonei ena hale noien lia na u katuun hoboto te ngile ren bate hahaloser tena la pouts uanamen romana.

2 Korin 5:10

Taraha, ara hoboto ena tuol roua i matana u gumgumun onöna tere Kristo ba man tötöa tena mar hamatana meraroi ti marka uaien turu tuenreina i puta, tara pala niga tsi tara pala omi.

U pas te koloto menai e Pol turu kristenira i Rom 2:5

Alimiou e hipus koru miou, na limiou ema antunan palisemi u hakats. Na limiou e kato hapan koru lele miou a nihahuna te lue moa limiou tara pöatan hahuna tere Sunahan, tara pöata te haröto nanouen temar raharaha uanen na te ona hamatskö uanen.

Matiu 16:27

Alia lahas tu butun Katunuma te la gono meguma romana u angelo i tar turu ualesala pan tere Tamar, ba lia temi hala palis ragoui u katuun ti kato homi a ka a omi na u katuun ti kato haniga a ka a niga.

Galesia 1:11

A man hahatoulana i tar, alia e hatei ragi limiou, u Bulungana u Niga tu hatuts railia limiou, e möa tega butu uamen turu katuun tuun.

1 Korin 15:1

Na matsi hatoulana, alia e hatakei poutsegu u hakatsina turu Bulungana u Niga tu hatei nela lia i tamilimiou. Alimiou u lu hakapeiam u Bulungana u Niga teka na limiou e tuol hakarapoto mia i tanen.