U pas te koloto menai e Pol turu kristenira i Rom 15:3 - U Bulunagana U Niga

³ Taraha, e Kristo has ema kato sile ii tega hasasaala peisa menaien a peisanen. E möa. Ti mar koloto has menaien turu Buku u Göagono te poeiena, “U ranga u omi turu katuun ti ranga homi na ioulö e rus uanama i tar.” Na ka teka e butu hamanaia tere Kristo.

U pas te koloto menai e Pol turu kristenira i Rom 15:3 Referans Kwoze

Pilipai 2:8

Nonei e haka putei a peisanen, me hengoeiena e Sunahan antunaia tena mate uaien tara kuruse.

U Bulungana u Niga tere Iesu Kristo te kolotein e Jon 4:34

Be Iesu e ranga uana i taren me poeiena, “Alia e kato begu a toukui tere Sunahan te tula na moulia, e antunana tena kapa nen. Nonei a kannou i tar teka.

U Bulungana u Niga tere Iesu Kristo te kolotein e Jon 6:38

Alia uma la sile mei i Kolö tegomi kato menai a manka turu ngil peisa i tar. E möa. Alia u la silema tegomi kato menai lia u ngil tere Sunahan te tula na moulia.

U Bulungana u Niga tere Iesu Kristo te kolotein e Jon 5:30

Be Iesu e ranga lenina tara pal kapan turu Jiu me poeiena, “Alia ema katoegi ta ka turu ngil peisa i tar. E möa. Alia e mar ona has meragi u katuun temar hatei mena ii lia e Sunahan. Na temar ona uagu lia e matsköna, taraha alia ema kato megi u ngil peisa i tar. E möa. Alia e markato has uagu temar ngil uana e Sunahan te tula na moulia.

2 Korin 8:9

Alimiou e atei silemiou a nitaatagi tara Tsunono e Iesu Kristo. Noahasina te ka meien a mamanaka a niga, kaba turu ngilngil tanen i tarara ba nonei e butu here namei a katuun te möa ta ka. Nonei e laba sila nama a mamanaka a niga tanen i Kolö tegomi hala meraienra a mamanaka a nigana i Kolö.

U Bulungana u Niga tere Iesu Kristo te kolotein e Jon 8:29

Na e Tamar e ka gono has menou lia. Nonei ema laba nai lia, taraha alia e roron katoegu a mamanaka te ngile nen.”

Matiu 26:42

Be Iesu e la hahuol lenina mena singo uana tere Sunahan me poeiena, “O Tamar, tema antunan hatongo kap nami lö a kamits teka na tego sagoho koru menaien lia, balö te kato uem turu ngil i tamölö.”

Matiu 10:25

E nigana te kato here mena nei a katunun tsitsilo a peisanen a tson hihatuts i tanen. Na e niga hasina te kato here mena nei a katunun kukui puku a peisanen a katuun pan i tanen. Alia a katuun pan tara pal katuun i tar. Na a palair u katuun e ngö tsipone rilia e Belsebul. Te markato tala uaren teka, ba nori te ngö raroui limiou u katuun u omi koru, taraha alimiou e pala uamiou i tar.”

U Bulungana u Niga tere Iesu Kristo te kolotein e Jon 15:24

Sanena alia tuma katoei a man mirakol teka, tema katoei ta taina ta katuun i gusu ren, ba nori te tatei poeier, ‘Alam ema kato homi mi.’ Kaba nori i tara hakapa talei a man toukui i tar, ba nori e omie riou lia ne Tamar has.

U Bulungana u Niga tere Iesu Kristo te kolotein e Jon 15:10

Te hengon töa namoua limiou u raranga i tar ba lia te ngil koru noahas ragou limiou, tu mar hengo has mei lia u raranga tere Tamar, be Tamar te ngil koru hase noulia.

Matiu 26:39

Ba nonei e gamon lana me tuhalakopo nena turu tsiktsiki me singona, “O Tamar, tego antuna ialö, balö te hatongo kap bane milia a kamits teka te katsin butuna i tar. Kaba alö goma kato uai turu ngil i tar. Alö go markato uu turu ngil i tamölö.”

Matiu 27:44

Bu katuun u kopkop ti nila gono meien e mar ranga hangisei has uar ti ranga uu a palaier u katuun.

Pilipai 2:5

Alimiou go ka has meiam u mar hakats te ka has meiena e Iesu Kristo: