U pas te koloto menai e Pol turu kristenira i Rom 12:2 - U Bulunagana U Niga

² Alimiou goma kukutiemi a markato tara han i puta teka. E möa. E Sunahan e ngilin hala ranei limiou u hakats u tsimus bate habiritsena a torimilimiou ba limiou te atei sile mou u ngil tere Sunahan bate hanigei men, a ka te nigana na ka te sasaala mena e Sunahan na ka te matskö nitöana.

U pas te koloto menai e Pol turu kristenira i Rom 12:2 Referans Kwoze

1 Pita 1:14

Alimiou a galapien tere Sunahan go hengoe men. I manasa alimiou u tutu ba naiam e Sunahan na limiou u ka meiam u ngilngil u omi. Kaba limiou ema tatei kukute lenemi a markato teka.

2 Korin 5:17

A katuun te ka uana tere Kristo, nonei a katuun a tsimus. A markatona i manasa e kapa. Tara, a markato a tsimus e butu hakapa.

Kolosi 3:10

Na limiou e ka tala memiou u hakhakats na u ngilngil u tsimus u niga. E Sunahan te habutu raiou limiou e kato here ranei limiou a peisanen. Na nonei e taguhu ranou limiou tego atei haniga sil mena mien limiou.

Epesis 5:17

Alimiou goma kato here rami u katuun u tutu, kaba limiou go torohanan atei sileiam a ka te ngilena e Sunahan.

1 Pita 4:2

Te markato tala uanen teka ba limiou tema tatei kato lenemi a markatona turu ngilngilina i puta. E möa. Na turu mamana u lan alimiou go markato las uaiam temar ngil uana e Sunahan.

U pas te koloto menai e Pol turu kristenira i Rom 12:1

A matsi hahatoulana, e Sunahan e taatagi koru ranoura. Na lia e ranga hataatagi mera goulimiou, alimiou go hala koru naiam a peisa milimiou bate here nei u haats u tötöa tere Sunahan bate herenei a ka a gogoso te haleri e Sunahan ba nonei te hanigeie nen. Nonei a maroro te tatei mar hatsunono sila mena milimiou e Sunahan.

U Bulungana u Niga tere Iesu Kristo te kolotein e Jon 15:19

Sanena tego katuun uami limiou i puta, u katuunur i puta sane ngil rariou limiou. Kaba e moa tala. Nori ema ngil rari limiou, taraha alimiou ema katuun lel uami i puta. Alia u luba hakapa raia limiou tara markatona i puta, nonei te raharaha be rari limiou u katunura i puta.

U pas te koloto menai e Pol turu kristenira i Rom 13:14

Alimiou go katoeiam a markato tere Iesu Kristo a Tsunono. Alimiou ema tatei kukute lenemi u ngil turu tuenrei i tamilimiou.

Taitus 3:5

ba nonei e lu pouts ranou ra. Nonei ema lu pouts meraira tegi kato menaira ta markato ta matskö. E möa! Kaba tara nitaatagi i tanen ba nonei e lu pouts ranoura. Nonei e galus ban a man markato a man omi i tarara ba u Namnamei u Göagono e hala ranera a nitöatöa a tsimus.

Jemis 4:4

Alimiou e hapolasa ba namiou e Sunahan bate heremi a tahol a hitöl te kato homina. A katuun te ngilena a markatona i puta e kato homi hasena e Sunahan. Na lia e hatei ragi limiou, u ngilngil na markatona i puta e paköena e Sunahan.

2 Korin 4:4

A tson hiamus na turu puta teka e Satan, e kato hakuhilir u hakhakats turu katuun te hahamanar banori tema atei sileri u raranga u mana, te here nei u ualesala te alesala uana i taren. U ualesala nonei u Bulungana u Niga tere Kristo, e Kristo u haharuei tere Sunahan.

U Bulungana u Niga tere Iesu Kristo te kolotein e Jon 17:14

Na lia u hala raien u raranga i tamölö. Na u katunura tara markatona i puta e omi raren, taraha nori e hereri lia: alia ema katuun uagi tara markatona i puta, na nori ema katuun has uari tara markatona i puta.

2 Pita 1:4

Tara markato teka nonei e hala mam raira a man raranga a man mana na man kapan i tanen te niga koruna. Na u raranga u mana teka e taguhu ranou ra bara te tatei ka has mera u mar hakats tere Sunahan, bate ka haniga ba nera a man markato a man omina i puta te butu nama turu ngilngil u omi.

Jemis 1:27

A katuun te niga hamanana na te matsköna i matana e Sunahan e Tamarara e markato uana teka: nonei egona taguhir u binai na u amoaba tara pöata te omina a nikaka i taren, na nonei e ka halehana ba nena a manka a man omi tara han i puta.

1 Jon 3:13

A man munmun toulana, ma asingoto nami tegi pakö merai limiou u katunura i puta.

1 Tesalonaika 4:3

E Sunahan e ngilena a torimilimiou na markato i tamilimiou ega gogoso. E markato uana teka ba limiou te ka halehana ba namiou a markatona te tsikolo uar na te lulu tson has uar.

1 Jon 5:19

Ara e atei silera ara galapien tere Sunahan na mamana han hoboto i puta e kana tara nipepeito tere Satan.

Epesis 1:18

Alia e singo silegu e Sunahan ega kalati a baku milimiou ba limiou te atei sile mou a ka te ngö sil meraien limiou tego hamana sileiam limiou, ba limiou te atei sil hase mou temar niga koru uana a manka te ranga hamana naien turu katuun i tanen.

2 Pita 2:20

Kaba tego atei sileia a katuun e Iesu Kristo a Tsunono i tarara, te lu pouts raiou ra, bara te laba naiera a man markatona i puta. Ga te pilpiloto pouts roien tara markato a omi i taren, ba a nikaka turu katuun teka te omi bala koru lel tala nanou a nikaka taren i manasa.

Epesis 2:2

Alimiou u kukuteiam a markato a omina i puta, bate hengoemiou a tsunonona tara man spirit a man omina iasa, nonei a spirit a omi te hakui rena u katuun te hipus naier e Sunahan.

Galesia 1:4

E Kristo e mate sil tego luba menaien a man markato a man omi i tarara, na tego purese pouts meraien ra tara markato a omina i puta. Nonei e markato uu temar ngil uu e Sunahan e Tamarara.

1 Korin 3:19

Taraha, a niateina i han i puta teka e tutuna i matana e Sunahan. U Buku u Göagono e pei hasena, “E Sunahan e kato homi mera nei u katuun u atei a man niatei pouts i taren.”

U pas te koloto menai e Pol turu kristenira i Rom 7:22

Iahana a torir iogana alia e ngil koruegu a Lo tere Sunahan.

U Bulungana u Niga tere Iesu Kristo te kolotein e Jon 7:7

U katuun i puta ema antunan omi rari limiou, kaba nori e omie riou lia, taraha alia e hatei ragien te omi uana a markato i taren.

Revelesin 13:8

Ba u katuun hoboto te ka roua i puta te hatsunone rouen romana, u katuun hoboto tima koloto nai a soloren iahana u bukuna tara nitöatöa i mam te habuteia e Sunahan a mamanaka. Nonei u buku teka u bukuna tara Tunan Sipsip ti atung hamati.

1 Pita 2:3

Alimiou u torohana hakapeiam a markato te ron katoena a Tsunono i tamilimiou, na limiou e atei miou a Tsunono e niga koruna.

U pas te koloto menai e Pol turu kristenira i Rom 7:12

Na limiou go atei iam, a Lo e göagonona na e matsköna na e niga koruna. E möa koru ta töa ta makum i tanen tego omi.

Kolosi 4:12

Epapras e hala has mena nei u hanhaniga i tanen i tamilimiou. Nonei e pala has uana i tamilimiou na nonei a katunun kui has tere Iesu Kristo. Nonei e singo hatagalan töa sil ranou limiou, ba limiou te katoe miou a ka te ngilena e Sunahan.

1 Pita 1:18

Alimiou e atei silemiou a ka te sakahis ba ria limiou tara man markato a man omi ti lue mia limiou turu tubumilimiou. E Sunahan ema sakahis rai limiou a moni tuun te tatei taiana.

U Bulungana u Niga tere Iesu Kristo te kolotein e Jon 14:30

Alia ema antunan raranga pala lel gia i tamilimiou, taraha a kapan tara han i puta teka e la nama. A nitagala i tanen ema antuna neia i tar.

U pas te koloto menai e Pol turu kristenira i Rom 7:14

Ara e atei silera a Lo teka e lama tere Sunahan. Kaba lia e ka noahas megu a markato a omina i manasa te pilekap nanou lia, ba lia tema kukuteiegi a Lo a niga tere Sunahan.

Revelesin 12:9

Ba kökötsi na u angelo hoboto i tanen e lapo ba merarumei i puta. Nonei noa has a kökötsi na i manasa e Satan, a liliahanei a omi te gamogamo rena u katunura i puta.

Matiu 13:22

“Na man ngal ti tsihasa naia tara kolits a hihitoka e here nei u katuun te hengoer u raranga, kaba nori e ka mer u hakhakats pan tara nitöatöana i puta, bate ngileier tegi lu menai ta moni ta parpara. Na manka teka e here nei e pil kakap nena u raranga tere Sunahan batema habute nei ta markato ta niga turu katuun teka.

U Bulungana u Niga tere Iesu Kristo te kolotein e Mak 4:19

Kaba nori e hakats koru ner a mamanakana i puta bate ngilin lu ner ta moni pan, bate matesil koruer tegi lu menai ta palaina ta ka. Na mamanaka teka e butu talana bate pil kap nena u raranga tere Sunahan, bu raranga i tanen tema habutu talenei ta markato ta niga turu katuun teka.

Kolosi 1:9

Nonei koru a ka, te taniama tara pöata tu hengo naien limiou, alam uma hanöan singo sil rai limiou, tu rangata menai lam e Sunahan ega hatuts raiou limiou bate atei haniga sile miou u ngilngil i tanen. Alam u singo sil hasi tega hala menai u Namnamei i tanen u hakhakats u niga, ba limiou te antunan kato uamou temar ngil uana a Tsunono bate kato hasasaale men. Ba limiou te katoe mou a mamana markato a niga bate atei susul sile miou e Sunahan.