U pas te koloto menai e Pol turu kristenira i Rom 12:12 - U Bulunagana U Niga

¹² A ka te hamana sile milimiou e tatei hasasaala ranou limiou. Te butuna u tori tiama, ba limiou te tuatamimiou. Alimiou go singo nitöa uaiam tere Sunahan.

U pas te koloto menai e Pol turu kristenira i Rom 12:12 Referans Kwoze

U pas te koloto menai e Pol turu kristenira i Rom 15:13

E Sunahan e tatei hala ranei ra u raranga hamana tegi hamana sil menaien ra. Nonei e tatei kato hasasaala ranou limiou bate hala ranei limiou a masalohana te hamana uami limiou i tanen. Ba u Namnamei i tanen te hala ranoui limiou a nitagala tego hamana nitöa uamia limiou turu raranga hamana i tanen.

Hibru 10:36

Alimiou go hamana hatagala koruiam bate kukute miou u ngil tere Sunahan ba limiou te lue miou a ka a niga te ranga hamana naien.

1 Pita 4:13

Alimiou go sasaalaiam, taraha e here nei alimiou e sagoho gono memi e Kristo a kamits. Nonei tego tatei sasaala koru beiam limiou romana tara pöata te butu mena men romana a nikapan i tanen.

Jemis 5:7

A matsi hahatoulana, alimiou go hahaloso hanigeiam te la pouts nama romana a Tsunono. A katuun e lebeiena a kui i tanen bate hahalosena a langits na pitala tegi kui hoboto uen. Nonei e hahaloso silena tega pan haniga uu a kannou te ngil korue nen.

Hibru 6:15

E Abraham e hahaloso haniga nitöa, ba nonei e lueiena a ka te ranga hamanein e Sunahan.

Hibru 6:12

Alimiou goma here rami u katuun u karous. Alimiou go kukute raiam u katuun, tara nihamana i taren na te hahaloso haniga uaren, nori ena lueriou a mamanaka te ranga hamanein a Tsunono.

Pilipai 4:4

Alimiou go sasaala nitöa meiam a Tsunono! Na lia e hatei lel ragou limiou, sasaalaiam!

Hibru 12:1

Aragi hakats silir u katuun u parpara te ka hahis rarioura ti harötein u nihamana. Na ragi luban a mamanaka hoboto te kato halolomoto ranoura, tegi piata ura turu resis te hopö kap beraira e Sunahan. Aragi luban a man markato a man omi te pile kap ranoura, bara te kukute hatagalera a maroro te haröto raira e Sunahan.

Kolosi 4:2

Alimiou go pile hakarapoto naiam a markato turu singo i tamilimiou bu hakhakats i tamilimiou tema tatei tianei, ba limiou te haniga uamiou tere Sunahan.

2 Tesalonaika 3:5

A Tsunono e tatei hantuna ranou limiou ba limiou te atei silemiou ime temar ngil koru mera nei e Sunahan alimiou, ba limiou te kato noahas uamiou te kato uana e Kristo batema hanöa moi.

1 Tesalonaika 5:8

Taraha, ara u katununa tara lan. Aragi hamana haniga uu tere Sunahan bara te hiangilngil nitöara. Na ragi hamana noahasi e Sunahan te luba ranoua ra tara niomi.

Aposol 1:14

U katuun hoboto teka i gono hoboto bate singo nitöa uaier tere Sunahan. Nori i ka gono has mer a touhaliou, ne Maria e tsinana e Iesu, na u toulana e Iesu has.

1 Timoti 6:11

Kaba lö o Timoti, alö a katuun tere Sunahan, ka halehana ban a manka teka. Torohanan tagala sil tego kato hamatskö uu lö bate kato haniga mia i matana e Sunahan bate hamane men. Alö go ngilir u katuun hoboto bate tuatami mia i taren na lö goma sökana has ii.

Hibru 10:32

Alimiou go hakats pouts naiam a pöata i manasa. I murina tu butu tutuun mia limiou turu ualesala tere Sunahan, alimiou u lueiam a kamits na niomi a parpara, kaba limiou uma hapolasa mi. E möa.

Kolosi 4:12

Epapras e hala has mena nei u hanhaniga i tanen i tamilimiou. Nonei e pala has uana i tamilimiou na nonei a katunun kui has tere Iesu Kristo. Nonei e singo hatagalan töa sil ranou limiou, ba limiou te katoe miou a ka te ngilena e Sunahan.

Kolosi 1:11

E Sunahan e tatei kato hatagala ranou limiou e antunana tara nitagala pan i tanen, ba limiou te sasaala memiou tego kato nitöa menami u ngilngil i tanen bate niga mia i tanen.

Hibru 5:7

Tara pöata te kaia e Iesu i puta, nonei e singo hatagala koru u tere Sunahan bate ngala hapan koru mena te singo sil menaneien ta hitaguhu, taraha e Sunahan e antunan hatongo kap nanen tara tou mate. Na e Sunahan e hengo haseien, taraha nonei e hengo koru hasi e Sunahan.

Hibru 3:6

Kaba e Kristo, a Pien Tson tere Sunahan, e tara kap haniga rena u katuun tere Sunahan. Na tegi hamana haniga uu ra i tanen bate hamana silera a manka man niga i tanen, ara u katuun hamana i tanen.

2 Tesalonaika 1:4

Nonei te ranga sesei bera milam alimiou turu hagum turu katuun tere Sunahan. Alam e hahatei nem u katuun e kato homi sila raria limiou te hamana uamia limiou tere Iesu bate hamana hatagalamiou, noahasina te omi merari limiou u katuun.

1 Korin 13:13

A topisa a ka teka te ka nitöana: a markato te hamana uaier tere Sunahan, na markato te hamana sil menari a manka man niga, na markato te hiangilngil uaier. Kaba markato te hiangilngil uaier te pan saluhena.

U pas te koloto menai e Pol turu kristenira i Rom 15:4

A mamanaka ti koloto naia turu Buku u Göagono i koloto sile ii tega hatuts meraien ra na tega hala meraien ra u rangan hitaguhu ba ra te hahalosera a manka man niga tere Sunahan bate hamana sile ren.

U Bulungana u Niga tere Iesu Kristo te kolotein e Luk 21:19

Alimiou go tuol hakarapoto sile iam a Tsunono ba nonei te lu pouts ranou limiou romana.”

U Bulungana u Niga tere Iesu Kristo te kolotein e Luk 8:15

Ba man ngal ti pururukuia turu tsiktsiki u niga e hatei nena a pala te hengoer u ranga bate hake rien turu hakhakats u niga i toriren, ba nori te pile kap hakarapoto naren. Ba u raranga te kato hanigeiena a markato turu katuun teka.”

1 Pita 4:7

A nikapakapa tara mamanaka e susuku hakapa. Nonei tego hakats halesala haniga beiam limiou bate hakats haniga mia i peisamiou ba limiou te tatei singo uamiou tere Sunahan.

Taitus 2:13

Tara pöata te hahalose riara a nisasaala te hamana sile rara, nonei a pöata te butu noua u hiharöto pan tere Sunahan a kapan i tarara, nonei e Iesu Kristo temi lu pouts ranou ra.

Kolosi 1:27

E Sunahan e hanigein tego haröto meraien u katuun tema Jiu ri u bulungana te momouseien i manasa, u bulungana u mana na u niga te la has uana turu katuun hoboto. U bulungana teka nonei e Kristo te kana i tori milimiou, alimiou e luemou romana a manka man niga tere Sunahan.

U pas te koloto menai e Pol turu kristenira i Rom 8:25

Kaba te hamana sile rara a ka tema tara noe rira, ba ra te hahaloso haniga nitöara batema tatei sökana rei.

Taitus 3:7

Na e Sunahan e kato hamatskö has rena u katuun, taraha nonei e taatagi ranen.

2 Timoti 3:10

Kaba lö o Timoti, u kukutiema u hihatuts i tar, na markato i tar, na ka te kato sile gulia. Alö e atei silem temar hamana uagu lia tere Sunahan na te ngil meragi lia u katuun na te tuol hatagala uagu lia bate tuatami mera gen.

1 Tesalonaika 1:3

Pöata te singo mialam tere Tamarara e Sunahan, alam ema mala solopalemi te hamana haniga uami limiou na te kato haniga has uami limiou. Na lam ema solopala hasemi te ngil mera milimiou a palair u katuun bate taguhu ramen. Na te hamana hatagala uami limiou tena la pouts nama romana e Iesu Kristo a Tsunono i tarara.

Pilipai 3:1

Na a kapakapana u raranga i tar a matsi hahatoulana, alimiou go sasaala meiam a Tsunono. Alia ema antunan karous nagi tego hahatei hakopis menai lia u raranga. Taraha e taguhu has ranou limiou.

2 Korin 12:8

A topisa a pöata alia u singo uu tara Tsunono tego luba menaien a ka teka.

U pas te koloto menai e Pol turu kristenira i Rom 2:7

A palair u katuun e roron kato haniga siler tegi hapan meraien e Sunahan bate solosei ranen, na tegi lu menaien a nitöatöa teka nitöana. Ne Sunahan e hala ranouien romana a nitöatöa te ka nitöana.

Aposol 12:5

Pöata te kaia e Pita tara karabus, u kristen i singo hatagala sileien tere Sunahan.

Aposol 6:4

Ba lam te kui nitöa moua tego singo u lam tere Sunahan na tego taguhu has merailam u katuun turu raranga tere Sunahan.”

Aposol 2:42

Nori i ha hengo hanigan töaia turu hihatuts turu aposol bate singo gono meraren tere Sunahan, na nori i nou gono has mer u aposol.

U Bulungana u Niga tere Iesu Kristo te kolotein e Luk 10:20

Kaba alimiou goma sasaala memi u liliahanei u omi te hengo mera ri ien limiou. Alimiou go sasaala meiam a solomilimiou i koloto hakapa naia i Kolö.”

Matiu 5:12

Alimiou go sasaala koruiam, taraha alimiou ena lue mou u hamatana pan koru i Kolö. Nonei ti markato hohomi has merai u propet ti ka i manasa.”