U pas te koloto menai e Pol turu kristenira i Rom 10:8 - U Bulunagana U Niga

⁸ U Buku u Göagono e hatei ranei ra a ka teka: “U raranga tere Sunahan e ka hasukusuku koruna i tamilimiou. Alimiou e tatei ranga namen i rungu milimiou na e tatei hamana hase men i torimilimiou.” Na u raranga teka nonei u rangana tara nihamana te roron hatei nemulam.

U pas te koloto menai e Pol turu kristenira i Rom 10:8 Referans Kwoze

1 Timoti 4:6

Te hatara namoua lö a manka teka turu hahinamölö na u toulamölö, alö a katunun kui a niga tere Iesu Kristo, e kato hatagale moilö a peisamölö na u rarangana tara nihamana turu hihatuts u niga te kukutie mölö.

1 Pita 1:25

Kaba u raranga tara Tsunono e ka nitöana.” Na u raranga teka nonei u Bulungana u Niga ti habulungana naia i tamilimiou.

Galesia 3:2

Na lia e ngilin rangata ragi limiou a töa ka: u Namnamei tere Sunahan e la uama i tamilimiou tu kukute mena milimiou a Lo turu Jiu, tsi tu hengo mena milimiou u Bulungana u Niga bate hamane men?

Galesia 3:5

Tara pöata te hala nanoua e Sunahan u Namnamei i tanen i tamilimiou, bate katoena a man mirakol i gusumilimiou, nonei ema kato menoi a ka teka te kukute mena milimiou a Lo turu Jiu. Kaba nonei e kato menoien te hengo menami limiou u Bulungana u Niga bate hamane men.

U pas te koloto menai e Pol turu kristenira i Rom 10:17

U nihamana e la nama tara ka te hengoe rara, na ka te hengoe rara nonei u raranga tere Kristo. Ara e hengoera u ranga, bara te töan hamanara.

Aposol 10:43

U propet hoboto i ranga naien me poeier u katuun hoboto te hamana ria i tanen, e Sunahan e luba nanou a man markato a man omi, taraha e Iesu e taguhu ranouen.”

1 Pita 1:23

Alimiou u butu hatsimus hakapaiam, here nei temar posa menari a pien. Kaba a nitöatöa a tsimus i tamilimiou ema tuhanaia tara katuun tuun te antunan mate nitöana. E möa. Alimiou u tuhana meiam u raranga tere Sunahan te mana nitöana na tema antunan kapa nei.

Aposol 16:31

Ba nori e poeier, “Hamana uu tara Tsunono e Iesu, balö te lueiem a nihitaguhu tere Sunahan, na pal katuun has i tamölö.”

Epesis 5:26

Nonei e mate sil tega baptais meraien a hun katuun i tanen, me kato hagogoso mera neien u raranga tere Sunahan, be kato hagöagono has ranen.