Revelesin 6:9 - U Bulunagana U Niga

⁹ Ba Tunan Sipsip e lukapena a hatolimana kaan harokotokap. Ba lia e taregu a man namnamei turu katuun i kopina a makumun haats tara Luman Lotu Pan. U katuun teka i atung hamate merai ti hamana uaien turu raranga tere Sunahan, na ti hatei menaien e Sunahan.

Revelesin 6:9 Referans Kwoze

Revelesin 20:4

Ba lia e taregu a man gumgum a man göagono na u katuun ti gum ia i taren. I hala rai a nitagala tegi ona meraien u katuun. Ba lia e tara hasegu a namnameir u katuun ti ngats pagoteir. U katuun teka i roron habulunganein u raranga hamana te rangein e Iesu na u raranga tere Sunahan, na nori ima hatsunone ii a ka a omi a töatöa na u kesa i tanen. Nori ima hatiti hasna ii a hatöatongo tara ka a omi a töatöa i poleren na i limaren. Ba nori e töatöa poutsur me tsunono gono meier e Kristo e antunaia turu 1,000 u hiningal.

U Bulungana u Niga tere Iesu Kristo te kolotein e Jon 16:2

Nori ena hapiou ba raroui limiou a man luman lotu, na nori e kato hamate has rariou a palai i tamilimiou bate poeier, ‘Alam u kato mei a ka teka tegi solosei menai e Sunahan.’

Revelesin 1:9

Alia e Jon, a hahatoulana i tamilimiou turu katuun te hamana ria tere Iesu. Alia e sagoho hasegu a kamits te sagohe milimiou, ba ra te pile hakarapoto ria tara Nipepeito tere Iesu. Alia i kitse iou mena hake ria tara tolo te ngöeri i Patmos, tu hihatuts naia lia u raranga tere Sunahan na manka a man mana te harötein e Iesu.

Revelesin 2:13

Alia e atei silegu a han te ka mia limiou, a han te ka hasina u gumgumun tsunono tere Satan. E Antipas e hihatuts haniga beiou lia tara han teka, ba nori e atung hamatie ren. Kaba limiou uma hapolase mi lia. Alimiou e hamana noa hase moulia.

2 Timoti 1:8

Bora, alö goma matsingolo mei tego ranga hatei menailö a Tsunono i tarara. Na lö goma matsingolo has mei lia, te karabus sil menagi lia e Kristo tara luman karabus. Kaba tara nitagala tere Sunahan, hahanei sil tego toul menailö a pala i tamölö tara nikamitsina turu Bulungana u Niga.

Revelesin 16:7

Ba lia e hengoegu u töa u ranga te butuma tara makumun haats me poeiena: “O Tsunono, o Sunahan. Alö e tagala saluhem! A markato te hahuna mera mei lö u katuun e matsköna na e mana nitöana!”

Revelesin 14:18

Ba tana angelo lel te tara kapiin u tula e butu nama tara makumun haats. Ba nonei e ranga hapan uana tara angelo te ka mei u kilata u nou koru me poeiena, “Alö go kuin u kilata i tamölö bate ngats sekilem u grep tara kuin grep i puta. U grep e tangoho hakapa!”

Revelesin 1:2

Alia e hatei negu a manka hoboto tu tari lia, u raranga tere Sunahan na tere Iesu Kristo.

Pilipai 1:23

Alia e hula hakats negu a ka teka. Alia e ngil koruegu tegona ka gono menai e Kristo, te niga balana.

2 Korin 5:8

Aa, alam e ongolo korum ne niga bala nena alam go haka ban u tuenrei i tamulam batena ka gono mem a Tsunono tara han i tanen.

Revelesin 19:10

Ba lia e hopöe gia a peisar i puta i mouna angelo me katsin hatsunone gen, ba nonei e poeiena i tar, “E möa tego markato uu lö teka! Alia has a katunun kui tere Sunahan. Na ra u katuun hoboto te pala uara tere Sunahan te pile kap nera u ranga hamana te rangein e Iesu. Alö go hatsunonei e Sunahan. U ranga hamana te rangein e Iesu nonei a mouna a ka te haranga rena u propet tere Sunahan.”

Revelesin 8:3

A tana angelo te ka mei a kaan hohongo turu insens a goul emi tuol ia i rehina makumun haats. Nonei i hale ii u insens u para tegi hala gono menaien u singo turu katuun hoboto tere Sunahan. Ba nonei e haatse nen tara makumun haats a goul te kana i mam turu gumgum u göagono.

2 Timoti 4:6

Taraha, a nitöatöa i tar e katsin kapa hamanasana na u rahatsing i tar e takis here noi a uain te hala menari tere Sunahan. A pöatan la i tar e sukusuku hamanasana.

Revelesin 9:13

Ba hatönomona angelo e pihena a tuhil i tanen. Ba lia e hengoegu u raranga te lama tara man ki tara makumun haats te ka mei a goul te kaia i matana e Sunahan.

Pilipai 2:17

Alia toum e mate gou bate here goi u haats te la uana tere Sunahan, taraha alia u taguhu raiou limiou tego hamana uaiam limiou. Te mate hamana goua lia, alia e sasaala noahas gou.

Hibru 12:23

Alimiou u la uamuma turu hagum turu katuun te here hoboto ri a pien a hamua tere Sunahan, a soloren ti koloto raia i Kolö. Alimiou u la uamuma tere Sunahan, nonei te ona rena u katuun hoboto, na u namnamei turu katuun u matskö te kato haniga pouts raien.