Revelesin 5:6 - U Bulunagana U Niga

⁶ Ba lia e taregu a töa Tunan Sipsip. Nonei e tuol ia i gusur a tohats a ka a töatöa na u tsunono i rehina u gumgum u göagono. A Tunan Sipsip e tara here ii atung hamati me töatöa poutsuna. Nonei e ka mei a tohit a kii na u tohit u mata te haharuein u tohit u namnamei tere Sunahan te hala menai e Sunahan tara mamana han hoboto i puta.

Revelesin 5:6 Referans Kwoze

U Bulungana u Niga tere Iesu Kristo te kolotein e Jon 1:29

Turu tana u lan be Jon e tarena e Iesu e la uama i tanen, be Jon e poeiena turu katuun, “Taraiam, nonei teka a Tunan Sipsip tere Sunahan. Nonei tena luba nanou a man markato a man omi turu katuun i puta.

Revelesin 13:8

Ba u katuun hoboto te ka roua i puta te hatsunone rouen romana, u katuun hoboto tima koloto nai a soloren iahana u bukuna tara nitöatöa i mam te habuteia e Sunahan a mamanaka. Nonei u buku teka u bukuna tara Tunan Sipsip ti atung hamati.

U Bulungana u Niga tere Iesu Kristo te kolotein e Jon 1:36

Ba pöata te tareien e Iesu e tataalama ba nonei e poeiena, “Taraiam nonei a Tunan Sipsip tere Sunahan i tioum.”

Revelesin 1:4

A matsi hahatoulana i tar tara tohit a hun katuun tere Kristo te ka ria tara provins i Eisia, alia e Jon. A masalohana na nitaatagi e la nama tere Sunahan na turu tohit u namnamei na tere Iesu Kristo e tatei kana i tamilimiou. E Sunahan e kana, na e ka mam has, na ena la has nama romana. U tohit u namnamei e ka ria i mam turu gumgum u göagono tere Sunahan. E Iesu Kristo e hatei hamatskö nena a manka tere Sunahan. Nonei koru a katuun tutuun te takei poutsia tara tou mate, na nonei te pan rena u tsunono te ka ria i puta. Nonei e ngil ranoura na tara tou mate i tanen nonei e luban a man markato a man omi i tarara.

Aposol 8:32

A makumun ranga turu Buku u Göagono te tareien e markato uu teka: “Nonei a katuun e here nei a sipsip tena piou ner tara makum te atung hamate raria u sipsip. Nonei e here nei a tunan sipsip tena tuol hakakamotona tara makum te kotskotseria u hulu tara sipsip batema ngala nei. Na nonei ema ranga has nei.

Revelesin 22:3

E möa nou tu hamal tara taun teka. U gumgum u göagono tere Sunahan na tara Tunan Sipsip e ka noua tara taun teka, na u katunun kui i tanen e hatsunone rouen.

Revelesin 22:1

Ba angelo e hatare nei lia a ramun olona tara nitöatöa. Nonei e kankanaha na e tara butu here ii u galas u niga na e oloma turu gumgum u göagono tere Sunahan na tara Tunan Sipsip.

Revelesin 21:23

Na e möa ta pitala na ta tsihou tegi piri uu tara taun teka. Taraha? U ualesala tere Sunahan e piri nitöana, na u lam i tanen a Tunan Sipsip.

Revelesin 17:14

Nori e hiatatung gono meriou a Tunan Sipsip, kaba nonei e tusaluhe ranouen. Taraha? Nonei a Tsunono te tusaluhena turu tsunono hoboto na nonei a katuun a kapan tara pal kapan hoboto, na pala i tanen nori u katuun te ngöri e Sunahan me hopö kap ranen ba nori e kukutie ren.”

Revelesin 12:11

Nori i tagala saluheien tara nitagala turu rahatsing tara Tunan Sipsip na turu ranga hamana ti habulungana naien. Nori ima peits nai a peisaren, na ima matout hasei tegi mate sil menaien e Sunahan.

Revelesin 6:16

Ba nori e ku uaier tara pokus na turu hatu me poeier, “Rus uamuma ielumulam bate hamous ba rami lam a matana e Sunahan e gumna turu gumgum u göagono. Hamous barami lam a raharaha pan tara Tunan Sipsip.

U Bulungana u Niga tere Iesu Kristo te kolotein e Luk 1:69

Nonei e habuti a tsonun mammam a tagala koru tego taguhu raioura, a hatutubunei tere Devit, a katunun kui tara Tsunono.

Revelesin 4:8

A tohats hoboto a ka a töatöa teka i ka mei a man tönomo a man pakapaka, na nori i saputu has mei u mata i tuenrei ren na iahana u pakapaka has. Tara lan na bong nori e hets nitöar bate mar hets uaier teka: “Göagono, göagono, göagono Nonei a Tsunono e Sunahan te Tagala Koruna. Nonei e ka mam, na nonei e kana, Na nonei ena la has nama romana.”

Revelesin 5:11

Ba lia e taregu, be hengoegu a rungur u angelo u parpara koru tema antunan ase rari, bate tuol hahiser u gumgum u göagono na tohats a ka a töatöa na u katuun u tsunono. Ba lia e hengoegu ti hets hapan uaien bate poeier, “E matsköna tego ka menai a Tunan Sipsip ti atung hamati a nitsunono na mamanaka a niga na u hakats u matskö na nitagala. E nigana te hapan mena roien a mamanaka bate soloseie ren bate haniga uaier i tanen!”

Revelesin 5:13

Ba lia e hengoegu a mamanaka i Kolö na i puta na i han turu mate na i tasi, a mamanaka hoboto i hets bate poeier, “E Sunahan te gumna turu gumgum u göagono na Tunan Sipsip e ka mena a nitsunono pan. A mamanaka hoboto egi haniga uu i taren bate hapan raren bate solosei raren!”

Revelesin 5:14

Ba tohats a ka a töatöa e hatanganar me poeier, “U mana!” Ba u tsunono e hopöeria a peisaren i puta me hatsunono raren.

Revelesin 14:1

Ba lia e taregu nonei a Tunan Sipsip bate tuoluna ieluna u pokus i Saion. Na u 144,000 tara katuun i ka gono meien. Nori i titi hakapa naia a man solo i poleren, a solona Tunan Sipsip na solo has tere Tamanen.

Revelesin 21:22

Na lia uma tare ii ta luman lotu iahana taun teka, taraha a Tsunono e Sunahan te tagala saluhena na Tunan Sipsip nori a luman lotu tara taun.