Revelesin 4:4 - U Bulunagana U Niga

⁴ Na u huol u maloto na u tohats u gumgum u göagono i gum hahisi u gumgum u göagono tere Sunahan, na u huol u maloto na tohats tara pal kapan i gum ia tara man gumgum teka. U hasobö i taren e hiaka na nori i ka has mei u hatan tsunono u goul i bakuren.

Revelesin 4:4 Referans Kwoze

Revelesin 11:16

Ba u huol u maloto na tohats tara pal kapan ti gum ia turu gumgum u göagono i taren i matana e Sunahan e hopöe ria a peisaren i puta me hatsunoner e Sunahan.

Matiu 19:28

Be Iesu e poeiena i taren, “Alia e ranga hamana koru meragou limiou, tara han a tsimus i murimuri, tena gum goa Lia tu butun Katunuma turu Gumgum u Göagono i tar, ba limiou u katuun te lala gono memou lia tena gum has moa turu maloto na u huol u gumgum u göagono turu king, bate taratarakap ramou u maloto na huol tara pal katunura i Israel.

Revelesin 4:10

Tara mamana pöata ti markato uaien teka, ba u huol u maloto na tohats a tsunono te hopöe ria a peisaren i puta i matana e Sunahan te töatöa nitöana ba nori te hatsunone ren. Nori i lapo naia u hatan tsunono i taren i matana u gumgum u göagono bate poeier, “O Tsunono i tamulam, O Sunahan, E matsköna tego ka menai lö a solo pan na nikapan na nitagala. Taraha? Alö tu habuti a mamanaka hoboto. Turu ngilngil i tamölö ti butu silaien bate kar.”

Revelesin 7:11

Ba u angelo hoboto e tuol hahiser u gumgum u göagono na u tsunono na tohats a ka a töatöa. Ba u angelo e hopöeria a peisaren i puta i matana u gumgum u göagono me hatsunoner e Sunahan me poeier: “U mana! A nisasaala na solo pan na niatei na nitsunono na nitagala, ena manka e Sunahan! A mamanaka e tatei haniga uaier i tanen bate hapane ren tara mamana pöata hoboto! U mana!”

Revelesin 20:4

Ba lia e taregu a man gumgum a man göagono na u katuun ti gum ia i taren. I hala rai a nitagala tegi ona meraien u katuun. Ba lia e tara hasegu a namnameir u katuun ti ngats pagoteir. U katuun teka i roron habulunganein u raranga hamana te rangein e Iesu na u raranga tere Sunahan, na nori ima hatsunone ii a ka a omi a töatöa na u kesa i tanen. Nori ima hatiti hasna ii a hatöatongo tara ka a omi a töatöa i poleren na i limaren. Ba nori e töatöa poutsur me tsunono gono meier e Kristo e antunaia turu 1,000 u hiningal.

Revelesin 5:14

Ba tohats a ka a töatöa e hatanganar me poeier, “U mana!” Ba u tsunono e hopöeria a peisaren i puta me hatsunono raren.

Revelesin 5:8

Pöata te lu hakapeien a pits pepa, ba tohats a ka a töatöa na u huol u maloto na tohats a tsunono e hopöe ria a peisaren i puta i matana Tunan Sipsip. Nori i ka hoboto mei a man kaan köma te ngöeri a hap na man kap ti katoe ii a goul e saputi u insens. U insens e haharuei nena a man singosingo turu katuun tere Sunahan.

U Bulungana u Niga tere Iesu Kristo te kolotein e Luk 22:30

Alimiou ena nou mou nena ua gono memou lia tara kannou tara Nipepeito i tar, ba limiou tena gum mia romana tara man gumgum a man göagono turu king, ba limiou te tsonun onuna moua romana tara maloto na huol a hun katunura i Israel.”

2 Timoti 4:8

A pöata e tuku hakapa hamanasa tega hala menai e Sunahan a hihol tu kato hasasaala menaien lia. A tson onuna hamatskö koru, nonei a Tsunono e Sunahan, tena hale noien lia nonei turu Lan u Kapan. Nonei ena hale noien lia na u katuun hoboto te ngile ren bate hahaloser tena la pouts uanamen romana.

Revelesin 19:4

Ba u huol u maloto na tohats a tsunono na tohats a ka a töatöa e hopöe ria a peisaren i puta me hatsunoner e Sunahan te gum ien turu gumgum u göagono me poeier: “U mana koru! Aragi solosei e Sunahan!”

Revelesin 7:9

I murina a ka teka alia u tari a katuun a parpara koru, e möa ta katuun tega antunan ase sabe raien. Nori i lama tara mamana han hoboto tara man hun katuun, na turu mamana u mar ranga. Nori e tuol ria i matana u gumgum u göagono tere Sunahan na i matana a Tunan Sipsip. Nori i kamei a man hasobö a man hiaka bate pile ner a man kalan kikia i limaren.

Revelesin 19:14

U soldia turu ami ri Kolö i kukuteien ne osa ria turu hos u hiaka ne haseier u hasobö u hiaka na u gogoso.

Revelesin 6:11

Ba nori hoboto e hala rari u hasobö u hiaka, ba nori e hatei rari tegi gamon hahaloso uaien, e antunana tega onotoia a man hahatoulana i taren na u katunun kui tere Iesu. Taraha, nori egi atung hamate hasir, ti kato has uu katuun teka ti mate mam.

Revelesin 9:7

Turu hiharöto teka tu tarei lia, u köno i tara here ii u hos te katsin la uaier tara hiatatung. Na ka te here ii u hata u goul tara tsunono e kaia i bakuren. Ba mataren te tara here nei a katuun.

Revelesin 2:10

Möa tu matouteiam a nikamits na u tori tiama te sagohe mou limiou. Hengoiam. E Satan ena haka ranoua limiou tara karabus ba limiou te torohana rariou. A niomi teka e antunana romana turu maloto u lan. Kaba limiou go tagala sil noa hase moulia, antunana tara pöata te atung hamate rarouen limiou, ba lia te hala ragoui limiou a nitöatöa hamana.

Revelesin 3:18

Alia e ranga koru mera goulimiou, alimiou go hole mia ta goul i tar, a goul ti hagogoseia turu tula, ba limiou te töan ka memou a manka man niga hamana. Hol hase iam tu hasobö tu hiaka bate hasei kap nami u beloso i tamilimiou. Ba limiou te hol hase miou tu meresin i tar bate hake mien i matamilimiou, ba limiou te töan tara pouts mou.

Revelesin 4:6

I matana u gumgum u göagono e ka hasmei a ka te tara here ii u tasi bate here nei u galas u tara bubutu. Na tohats a ka a töatöa te ka mei u mata u parpara i mam na i murimuri e hahis hasi u gumgum u Göagono.

Revelesin 5:6

Ba lia e taregu a töa Tunan Sipsip. Nonei e tuol ia i gusur a tohats a ka a töatöa na u tsunono i rehina u gumgum u göagono. A Tunan Sipsip e tara here ii atung hamati me töatöa poutsuna. Nonei e ka mei a tohit a kii na u tohit u mata te haharuein u tohit u namnamei tere Sunahan te hala menai e Sunahan tara mamana han hoboto i puta.

Revelesin 5:11

Ba lia e taregu, be hengoegu a rungur u angelo u parpara koru tema antunan ase rari, bate tuol hahiser u gumgum u göagono na tohats a ka a töatöa na u katuun u tsunono. Ba lia e hengoegu ti hets hapan uaien bate poeier, “E matsköna tego ka menai a Tunan Sipsip ti atung hamati a nitsunono na mamanaka a niga na u hakats u matskö na nitagala. E nigana te hapan mena roien a mamanaka bate soloseie ren bate haniga uaier i tanen!”

Revelesin 14:3

Ba nori e tuol ria i matana e Sunahan te gum nen turu gumgum u göagono, i matana a tohats a ka a töatöa, na i matana a pal tsunono. Ba nori e kömeier u töa u hets u tsimus tema tatei hetseri a palair u katuun. Nori u 144,000 tara katuun teka te sakahis ba ra ii e Sunahan a han i puta, nori peisa te tatei hetseier u hets teka.